九記棧 (已結業)

叫咗三個小菜套餐，本身都少款式得十幾樣，唔係幾揀得落手。每樣$58連湯，飯，飲品。個湯重味精到食唔出任何餸味，小菜味道正常，生粉「鼻涕」芡汁啦，但份量同平時叫碟頭飯嘅餸一模一樣，隻碟仲細過我屋企個飯碗。。熱奶茶有陣怪味，唔知用咩水沖嘅。。最離譜係碟另外叫嘅烚菜，出面頂盡三十蚊碟啫，佢夠膽收$68，唔包飯湯飲品。。。仲貴過其他三個小菜套餐。睇睇張單，問都廢事再問，拿拿聲食完走人好過。。成肚氣。位置皇崗附近，停車場旁，明顯係為中港司機/泊低架車北上消遣麻甩佬/附近開工工友而設。

又要做嘢！就近又去呢度食飯！呢區要有車位嘅餐廳其實好少選擇坐低先去個廁所，今次比較好，雖然唔算乾淨但無乜臭味！個場都八成滿，四個人要分開坐！快快叫個：炸髀薯條（可配沙律）：因為即炸，要等10分鐘，上菜熱辣辣，不過店員唔夠醒目，上薯條無比茄汁，要開口問先有！而且餐具亦唔齊（餐桌櫃桶自取，但只有叉無刀點食雞髀呢？）雞髀尺寸唔大，外皮好脆，外皮咸香！外脆內軟，雞肉炸得透又唔乾，薯條係冷藏波浪薯條，幸好即炸都好好味！夠熱夠脆！而且份量都幾多！熱檸水正常！不過服務就唔得，除了無比茄汁之外，食緊期間，店員又補充餐具入櫃桶，成盆餐具放在我張枱，已經唔係大！點解唔可以等一等！我只不過食個茶餐，都好快走啫！

同事話呢度燒味唔錯，所以帶我來食！門口有專用車位，泊車好方便，餐廳係一橦三層村屋樣子嘅建築地下！普通茶餐廳格局！枱櫈都乾淨但有兩隻烏蠅飛來飛去！ 個廁所好臭真係唔想去，未行到已經聞到好臭！點解又係個廁所？ 燒味下午茶有嘅選擇，仲有咸蛋、薰蹄同紅腸（呢幾樣通常在四寶飯出現，好少見可以雙拼飯自選）最後揀咗：叉燒咸蛋飯--碟飯好大碟，不過飯多餸少，叉燒只有八塊， 雖然半肥瘦，淋身唔乾！仲要外面甜甜地！幾好食！咸蛋半隻，蛋黃仲有少少油光，蛋白少咸，唔會好硬！白飯唔硬，淋啲豉油汁，仲比埋薑茸撈飯！條生菜樣子太衰，好似放咗好耐，所以無食！整體其實味道唔錯！不過餸真係太少！唔抵食！熱檸水正常！上菜好快（都係切切切），店員服務正常！不過$38一碟雙拼飯下午茶，咁少餸唔抵食！

叫了一杯熱朱古力外賣,未飲已經覺得係唔好飲....飲落簡直係水....過去同老闆娘講話杯朱古力似水,老闆娘話﹕用水沖緊係似水啦~~以後一定唔會去食~~未見過一間態度甘差,甘不知所謂的餐廳!!!

放工後打算北上,但時間尚早,在新田附近想找個地方食飯,真的不容易,而且多數都是為貨車司機而設的飯堂,水準如何,真是心中有數.牛腩撈麵 : 果然非主打菜,麵底是未食已經聞到極強的鹼水味,牛腩其實炆得不錯,夠香又夠淋,而且更加入牛筋,同樣是名煙韌,可惜腩汁不夠多,加上伴撈麵的湯,味精太重,不喝也吧!加一杯檸茶,合計剛好三十,不過四周都欠缺食肆,都有不少食客光顧,但個人相信寧願捱多陣返深圳先食仲好.

買了部前七代步, 所以現在會新增一個篇幅, 品味新界的公路餐廳. 是日早上, 把車泊關口. 就在停車場旁邊的村屋, 食返個暖胃早餐. 我泊的是九記停車場, 茶餐廳名字叫九記棧, 明顯的但未確實, 兩者應該有關係. 其實對關田眾停車場都不太熟識, 是次來到, 都是摸摸路, 睇下邊一個停車場方便. 駒車來到九記, 未找到車場, 就看見大大個牌. 一轉入路口, 就有一個佈置得很歐陸的大Car Park, 這就是九記棧餐廳.聽聞這裡的燒味不錯. 不過咁早黎到, 吊著的兩隻Donald, 同一塊麥兜腩肉, 仍然在風乾過程中, 未燒. 外面的吸煙位坐滿, 入內室坐, 一樣寬敞舒服. 同樣, 悶悶的, 我又來一個五香肉丁麵. 肉丁, 是普通的貨色, 好就好在係熱serve. 沒有冷冰冰的感覺, 麵, 湯底濃, 加多一塊煎香哂既午餐肉. 覺得呢一間絕對不是馬馬虎虎的茶餐廳. 奶茶, 一般般, 香濃欠滑, 就是是日的形容詞.地方舒適的, 價錢又大眾化. 位置好, car park 夠大, 非常適合駕駛人士.

今日與幾位朋友在元朗踏單車，暢遊錦田、逢吉鄉一帶，而午餐地點則定於新田。新田有數條村落，而食肆一般都集中在巴士站及郵局一帶，但據聞質素只是一般，在「識途老馬」帶路下，最後我們來到東永安路那邊一間名叫九記棧的小店用膳。九記棧位於大型的九記停車場側，觀乎名字似乎為同一集團經營，但除了鄰旁供過境人士用的停車場，食店外亦有大片空地可停放車輛，方便到來用膳的司機。食店坐落一幢三層高的新型村屋地下，店面不算大，裝潢與一般茶餐廳無異，而店外亦設有幾張小桌的露天雅座，環境優美，客人更可看管著停泊的汽車。同行友人早就推介這裡水準很高的燒味飯，但可惜店員示意星期日沒有燒味提供，大家當然很失望，唯有轉戰其他食品。這裡有不少特價下午茶餐，但經過一輪勞動，我們全都點了午餐的中式粉麵。星洲炒米：上檯時熱騰騰，香氣撲鼻。賣相看似不夠乾身，但味道卻做到大酒樓的水準，非常惹味，卻不會太辣。而似乎平日光顧的都是勞動人士，碟頭有坊間的倍半有多，份量相當驚人，而且只售 $30（另加凍檸樂多收 $6），算是實惠。 除了小弟點的星洲炒米，同座朋友也點了乾炒牛河、炒貴刁等其他有名的菜式，大家也一致認為味道很好。不過由於每碟粉麵均是