九記牛腩

营业中

休息中

big name of 九記renders one nothing, & actually dare not to comment. my personal opinion is it really makes one thirsty after drinking the soup, but most probably due to soup flavour very rich. one point i wanna bring out is, the beef briskets look different from another famous shop 'tai lei', not sure if way of cut or positions of beef chosen is different. i prefer latter's way (cut or positions) as it's more orderly, less v small bits & smooth, though 九記is not rough either even for all thin b

上星期六去買盒淨咖哩牛筋腩返屋企加料, 個收銀阿姐向廚房落order時話\"淨咖哩筋腩多筋\", 我已經奇怪點解我冇話要多筋佢\又幫我咁叫, 不過橫豎我鐘意牛筋咁就冇所謂啦. 點知就出事喇, 成盒0野\"散收收\", 冇一舊完整0既牛腩/牛筋, 慶到我即刻打電話去想鬧佢\, 可惜當時已經收鋪冇人聽電話.都唔知句\"多筋\"係未密碼叫廚房可以俾次貨0架, 見我個樣細個似0靚妹就烚, 激死! 永久black list你呀!

去中環看電影前要醫醫肚，目標已經鎖定了九記，今次非吃不可!就算男友不吃牛也不能改變我誓要吃它的決心。晚上十點幾，麵都幾乎賣光，只淨粗麵同米粉叫了一個清湯腩粗，即係伊麵。牛腩肉質口感很好，一點都不鞋，很腍滑，不過脂肪比較多。個清湯喝了幾口，清得來有濃濃的牛肉味，喝完也沒有口渴，沒有味精。伊麵也相當不錯，比起用傳統魚蛋粉的粗麵好。都有幾年沒有光顧了，但坐近門口位，望著街的對面，就很懷緬小時候舊日的大排檔。傳統名店都統統由大排檔、鐵皮屋轉上舖位，少了一份風味。

睇完lee到o既好評..加上老公仔之前都食過..我地特登去九記一趟~~~食左"牛腩伊"...個伊麵真係好好食wor...好特別..湯底夠哂濃..但係一d都唔覺有味精(食完都冇口乾tim)至於牛腩...無咩特別!!但係總括黎講係值得一試ga!!

好記得第一次食九記係o係一個極度唔好開的日子,朋友因為想乙水我歡喜,特登一齊搭的士黎九記食lunch叫左個咖喱腩面亦試過朋友的清湯腩真係各有風味喎好正~之後亦都特登入黎食過一次風味依然~可惜實在太不就腳(對我黎講)所以唔可以經常食~

今日放工...六點到去到九記....聽到話有爽腩就即叫:淨爽腩加齋河...黎到即刻試下o的爽腩...一望...碗野經已唔大...仲有一兩舊肥膏係度...雖則我都鍾意食肥膏...但我今次係黎食爽腩...少少不喜...不過o的腩食落去又真係ok喎...真係爽爽地...口感不俗...再飲下個湯...超濃...濃過齋河個碗o的湯...相信係因為齋河個碗o的湯俾煮河粉o的水溝淡左...埋單$63(爽腩$52+齋河$11)...下午茶黎講...貴左o的...有o的肉赤...似乎短期內唔會再食佢o的爽腩...唔係唔好食...而係覺得唔值咁o既價...未試又好想試o既朋友...可以5:30pm-6:00pm去試下...人一世物一世呀!!!哈哈!

九記牛腩咁有名, 又見到曾特首都特意去幫襯~ 經過專登去試下叫左1碗牛腩河($22), 細細碗~ 女仔食就剛剛好~ 佢個湯底, 真係好獨特, 勁鮮甜, 唔似其他賣清湯腩o個o的湯, 飲到好濃既牛肉牛骨湯味, 而係似平時飲既老火湯咁, 帶有清甜, 甘甘地既味道。如果你係好似我咁好鐘意食湯河既, 就一定要黎呢一度食一次而講下牛腩...佢係坑腩, 有o的帶住少少根, 有o的帶有肥膏, 但個人認為, 佢既質感太靭喇... 我鐘意o的炆得諗諗地既牛腩多o的~~~雖然係咁, 都好值得推介,只係佢獨沽一味淨係賣牛腩或者咖喱腩, 有多o的少少選擇會好o的喇..

住係中環十幾年,都未曾幫襯過九記,今日同事忽然興起,想試食九記牛腩,也好,一試無妨。山長水遠咁去到,店內差不多坐滿人,被安排到閣樓一圓枱坐定,同事問我呢到有咩食?呢個問題幾有趣,去九記,梗係食牛腩啦,唔通食魚旦咩?於是我只好回答"獨沽一味,牛腩",係無選擇情況之下,同事本想叫牛腩米,點知個侍應以一幅輕佻嘅態度答"無"! 我當時心諗"無?無咩呀??無牛腩定無米呀?" 咁我同事唯有轉叫牛腩粗,但係都係"無"喎,不過今次就加多左句,個侍應極唔耐煩咁講"得幼面河粉伊面",早講啦,唔使睇你面色啦!!雖然我和同事都有d"不是味兒",但係一場嚟到,點都試埋過牛腩先走,於是叫左兩碗牛腩面,面嘅份量確係小,兩啖食完,d湯係濃,仲好重味精,至於牛腩,件件都有d肥膏,味道係唔錯,炆得夠淋,但係廿二蚊得兩啖嘅一碗面,確係貴左d囉。走嘅時候,見佢地門口排晒長龍,咁好生意,唔怪得佢地唔憂做啦!!但係我諗,要係中環食到一碗上好嘅牛腩面,九記唔係唯一選擇。p.s. 係中上環做食肆,有邊間午市時間唔多人,點解有d可以好服務,有d就咁串呢??起碼我覺得係九記做伙計應該無咁難做,因為剩得牛腩叫,唔使記太多範,唔通咁都好惡撈

慕名去九記,食個牛腩河,但碗野一到即嚇一驚,因為從來未見過咁肥的一碗牛腩河!好似阿媽煲完湯冇去油一樣!不過個湯的確幾特別,有種好鮮甜的感覺,難怪淨湯要5蚊一碗啦!

this place is not consistent. i went there over 10 years ago, by then it was good, beef was tender. this time the beef was tasteless and really tough.there is no comparison with the one in tung ta street - on lee in shaukiwan. their ching tong lam was really tender.there are many other better places than gau kee around in central.

(7/6)朋友似乎未曾吃過此店，也要陪伴到此一遊，清潔時間後入座，二話不說，甫坐下點了爽腩米，但侍應笑著說沒有，那便要切腩，心裡也奇怪他們笑容可掬？相信很多人吃完後會讚好，朋友也不例外，切腩也有肥膏伴著，而我每次也要喝完湯才罷休，原想叫多碗清湯，但適可而止。不想用太多文字去表達，總要吃。

9記..山長水遠去到..真係好好食...d 湯係咸..but我accept到..冇咩咪精..好正...d腩都好腍..不過我食既係腩面...試唔到爽腩/.\

我帶的每一個朋友都超讚，超好食．腩伊，我每次都叫，好食，有D 咸，不過都可以．爽，唔係成日有，但係真係好正，但係太太太太太貴啦．如果唔係D 野食太貴的話會仲好．Service．．．算吧啦，D 野好食就算啦．

久聞九記牛腩0既大名,前兩日住係中環0既朋友仔話要補請我食生日飯,難得有人帶路,當然第一時間叫佢帶我黎呢度~~~叫左人人讚好0既牛腩"yi"麵多青,阿姐好好人地拎左成碗蔥埋黎加俾我,仲一路問"夠未呀??仲要唔要呀??"好搞笑~~~先飲一啖湯,嘩,真係好好好好味!!!!飲完仲一d都唔口渴,d麵索晒d湯,簡直係成碗麵0既精華!!!連我呢d平時食麵唔飲湯0既人都一飲再飲。牛腩都好好食,不過未至於好食到感動0既地步,我個人喜歡安利0既牛腩多d。不過單係d湯已經叫人想encore了~~~(下次不如叫淨麵~~~haha!!!)

今日lunch,專登和同事去試聞名已久的九記牛腩。我同事已經試過,話no special.我爸媽吃過，爸爸愛吃牛腩，所以常常勁要吃；但媽咪嫌它太油。見食評介紹過腩伊，今日我點左呢樣。ｏｋ喎，可能ｄ伊麵吸哂ｄ油，唔覺好油呀。ｄ湯唔知點解覺得有ｄ雞湯ｆｅｅｌ。而ｄ牛腩，好ｌｕｍ，但個人更喜歡大利清湯腩的質感。都可以推介去吃的。：）