九記牛腩

营业中

休息中

overrated. average quality but overpriced. very small portion. need 2 bowls to feed a girl, 3 to feed a man and 4 to feed a teenager.The woman at the counter looks like she is constipated. i hate how she digs out an outrageous number of $100 note and count it in your face.

成日睇人地d食評, 都話呢間野有幾好, 最近終於有機會一試!與2名女性友人同行, 放工即趕過去, 因為佢地7:30-8:30唔做生意架! 遲左就要等到8:30之後先有得食喇~ 我地7:10左右到左, 即刻點野食... 友人推介清湯牛腩伊, 我最愛吃伊麵, 所以覺得好正^.^ 不過個湯底比我想像中油左d...我諗住"清湯"應該係好清, 冇乜油的! 另一位友人點左咖哩腩伊, 我試左舊牛腩, 好香好稔, 好味道! 另外仲點了油菜、淨腩... 我個fd之後仲叫多碗淨米...^o^3個人食左$14X, 唔算平, 不過好味值返晒啦!!!

不覺得牛楠好食,味精湯. 最惨店鋪極之猤 衛生...唔會有下次.

題目只係因為見到最近的食評有感而發矣, 跟內容係無乜關係的。又到每月一次埋數日, 上次適逢九記開飯食唔到, 今次早左搞掂, 不理三七廿一, 由擺花街直衝九記。六時多的九記人不算多, 不過都坐滿咁滯, 求其搵張檯坐低, 叫碗半肥腩米多青, 加多碗湯, auntie就要了咖哩腩米。九記至特別的是將肥肉跟瘦肉分開整。所以叫半肥腩絕對唔等於肥瘦相間的肉, 而是半碗肥膏半碗肉。呷一口湯, 是濃甜得不得了! 吃一箸米粉, 比坊間的幼身, 很索湯。半肥的牛腩肉唔痴牙的, 有濃濃的肉味, 肥膏更是甘香! 吃一件肥肉喝一口湯, 人生一大滿足也! auntie也對咖哩讚不絕口, 最正是起膠的牛筋。有時睇食評真係得啖笑。湯水不合自己胃口, 可以稱為不好喝; 加入了味精作材料的湯才稱為味精湯。不要因為喝完東西要喝水便一口咬定是味精作祟罷, 吃完味精的徵兆很多, 而除了味精以外, 吃完很多東西也會導致口喝的。我講咁多廢話, 無非唔抵得人樣樣食完唔鐘意食就屈d味精, 其實下了味精的食物也可以好好食je!

睇完安格斯的食評想回應一下！九記份量比群記多，湯偏油，味道唔夠群記濃，清湯腩有點肕，喜歡有嚼口朋友會喜歡，但個人喜歡爽腩多點，伊麵彈牙好食！另外食左咖哩腩，牛筋彈牙，但汁大濃，個湯同汁無分別，有的似炆伊，整體群記好的！

適逢其會，分別於昨天和今天試了這兩間名店，感覺如下：1.湯底-群記較清，少些油，整碗喝下，感覺甚佳。九記則雖然也十分鮮甜，但亦較肥膩，所以群記較好。2.牛腩-群記的較鬆輭，一件件較整齊；九記的比較「散」和「鞋」，所以群記勝。3.河粉-九記的比較薄身和滑,群記的比較「鞋」些，九記勝。4.款式-九記有咖喱腩，群記只有清湯腩，九記較多選擇。安格斯二零零七年八月三十日

哈～～～～～～～　終於搬番哩中環番工．．．咁就日日可以食你啦！正呀！！！！所謂大利呀, 華姐呀通通唔入流... 仲難為我因為之前喺天后要挨咗佢哋一段唔短既時間... 以依傢發達囉!btw, 我食親都係腩粗走油多蔥... 無話request 乜腩物腩因為知佢有就有無就無... 問都無用... 有多佢哋自然會搭啲比你

對上一次食九記, 已經係五六年前既事但上星期特登去幫襯番, 都係失望而回星期六下午兩點半, 高峰期已過等左五分鐘就已經有得坐低叫左個最保守的牛腩河牛腩OK, 但都無人地講甘鬆化湯底偏咸, 河粉亦只係普通貨仔招呼只係一般般想聽下其他食客叫乜野食先決定寫單既哥仔都好似唔耐煩, 嫌我阻定甘款

從傻妹口中知道九記既牛腩好正,所以特登過黎食的...一個上湯牛腩伊, 一個咖哩牛腩伊, 一個西生菜油菜, 一杯凍檸樂, 牛腩好有鮮牛味, 而且都好林, 而且伊面索哂d 上湯, 又加埋林, 真係好好食; 至於個咖哩牛腩伊, 一樣咁好食, 牛腩仲更加林, 咖哩又好香, 不過d 伊面太過索汁了, 最後都差不多無哂汁了….哈哈…..個油菜都ok, 不過個凍檸樂就好貴了, 要16蚊呀….兩碗面都係24蚊, 加埋菜總共75蚊, 都算好ok了

都唔知呢間野係清湯腩or 咖哩腩?店家就叫賣清湯，客人大部份都係咖哩。牛腩，韌又黐牙。果個湯肥到...冬季時間食遲少少都會結膏。湯已經唔夠味，個麵底又硬，完全吸唔到湯水。$$ vs size 完全係扮大牌高檔貨，同等價錢跟本唔使去佢到食，當然要排餐死之後，食到碗野算係咁架喇。講畀人知去過九記食野...嘩，好多人架喎，要排好耐架...(幾有滿足感)有人話好食就等有心人去食。呢間有特式既...就係大眾口味。叫做合格就係好味。而試食當日所見，其他食客好似唔知牛腩係乜味，一味話好食好食。* 店員可以叫做冇服務，幫客人落order、執碗...etc，如果呢D 都叫服務，咁基本上全香港無一間店鋪係服務差(至少唔會唔幫你落order or 特意掃D 骨落你到掛)。

我幫襯過兩次，有以下感覺：1.排隊最少排15分鐘；2.員工無禮貌；3.座位逼到食野手肘撞手肘；4.牛腩又韌又黐牙；5.無其他野食，只有牛腩，選擇少。

食完勝香園，埂係過黎食下牛腩啦！一入去到問下有冇爽腩先，但係答案一樣係冇既。唯有叫清湯牛腩伊啦！照舊好快就黎，飲啖湯先，真係幾回味，牛腩都keep到，不過伊麵就唔夠淋。 食到半路哥哥仔話有返爽腩，食到差唔多飽所以冇叫，真係慘，又冇得試!最後都清左碗麵，但水準下降了不少。每人一碗$25仲要山長水遠入黎食真係唔多抵。

個日去完勝香園之後,皆友人再戰九記叫了淨伊,淨清湯腩同埋油菜友人極力推薦呢呢度既伊麵,食左幾啖,發覺同平時係酒樓食開既唔同,但又講唔出點好味法...清湯腩黎講,肥瘦適中,好夠牛味,好香,但可能個日係下午,牛腩仲未係最淋既時候,所以有少少un,我諗下次夜晚去會好好多呢^^見到其他人叫既咖哩腩伊好似好好味咁,下次一定要試呀!!之不過,呢度既價錢都唔平,服務亦都認真麻麻..

記得那次男友特地帶我來九記，可惜食了閉門羹。這個星期六我倆又來了，終於可以一試，不過就要在門外排隊等了一會。雖然我不愛食牛腩，但男友說這兒的牛腩好好食，就本著什麼都要試一試的心態來食一次。男友點了咖喱筋腩伊，我就點了牛腩河。咖喱筋腩伊的咖喱加進湯內，令到湯底很稠，我覺得不太好。筋腩是相連的，筋就好好味，好稔，牛腩都好稔，只是我覺得整個味都沒甚麼湯。牛腩河的清湯底就比咖哩出色，清清的很好味，但都略微少了一點，可能被河粉吸了不少湯。牛腩都十分稔，好好咬，牛腩份量都很多，我都給了不少男友幫我食。但整碗麵的份量就少了一點。沒有華麗的裝修，坐得逼逼的，但依然有不少人來食。雖然食完後我都沒有留下深刻的印象，可能是我不愛牛吧。但此店人流不絕，定必有其成功之處。

食過幾次九記，一向印象都唔錯，星期五晚十點鐘左右，無意中經過九記，點咗碗咖喱牛筋腩伊麵，好油，成碗都係油，唔知係咪太夜去關係呢？！希望下次去會有改善。