九記牛腩

营业中

休息中

有名的食店總是教人又驚又喜，驚的是它會讓人失望而回，喜的固然是因為有機會嘗到別人認定的美食。今次去到九記，等候的人龍不算多人，等了幾分鐘便有位。坐下便點了上湯腩伊，友人點了上湯腩河。上湯腩河先來，嘗一口湯，就是猛點頭，然後進入瘋狂狀態，吃完了我的伊麵還未見芳蹤。友人意猶未盡，再點了咖哩筋伊。我的上湯腩伊才來，馬上試一口湯，的確很清，然後看見伊麵就像是粗麵，吃一口便覺得好吃。主角的牛腩沒有欺場，不過有些部分不是太「淋」，還有點「un」的感覺，但整體上已經比很多地方好吃。友人的咖哩汁很惹味，伴著伊麵吃簡直令友人不能停口。服務和環境方面當然不會有什麼要求私了，而且已經比想像中好。最深刻是一個伙計不用寫便記得全店內的人點了什麼，然後把總數告訴廚房，再把麵準確地送到正確地方，很厲害。

細個,試過幾次一家人過海遠道而黎食牛腩,以前既清湯牛腩,咖哩牛腩,一食就上左癮咁,一陣念念不忘,直止搬黎西環,係中環返工,先有機會去再嘗九記味道....lunch時間,建議唔好去食,因為實在太多人,而鋪頭較為細小,太逼了....可能我本身比較高大,一坐到d走廊位,好多時佢地出入食物,我都要dum低自己個頭就佢地....至於對上一次,我叫左咖哩牛腩麵食,女朋友就叫左清湯牛腩麵,清湯牛腩,水準依然猶在,一入口完全唔痴牙既感覺簡直享受,而清湯喝擺亦唔會口乾,至於咖哩牛腩就較為失色,可能依家出左唔同既花款,佢地做食物失去左以前既專注....咖哩過份濃烈,加埋麵同牛腩,咖哩好似唔係湯底而係醬汁似的....而且價錢亦比同區更貴(可想而知中環本身既食物價格已經係偏高)不過,叫我再試既話,我都會去既,但可能會少人d既時候去好d....至於侍應態度,一般啦,可能佢地午市較忙,所以先比較急,但我記得以前細個去食,佢地同媽咪都有傾有講@@

先幾日帶左個台灣朋友黎尼間食牛腩面..12:15黎到見到已經有人排隊等佢開鋪...真係有面子..叫左一碗清湯牛腩伊..一碗咖哩牛筋腩伊..清湯湯底好甜..飲到冬瓜ge味道..咖哩湯底好濃...辣辣地...好正..牛腩夠"林"..又夠味...伊面又彈牙有口感...唯一要'彈'ge就係細碗左少少...見到唔少人一個人食兩碗先夠皮..台灣朋友非常滿意尼餐, 大讚好食!

食左腩伊umm...伊麵我自己覺得唔夠熱牛腩有一半係有d "un"不過都可以另一半好味喎爽爽地可能就係爽腩哈4點幾去食都係差唔多坐滿見到佢地營業時間7點幾到8點幾最旺個時黎休息清潔...哈...真係勁不過遠左d都幾難搵而且一定要行先去到經過食下都無所謂既~~

本來見到噤多劣評, 佢又噤遲先開舖, 都唸住唔試架啦! 但係又唔甘心, 港島區$40以下的食店差唔多試過曬, 佢又排到禁前, 就算明知無咩料到都想試下, 一齊鬧下佢都好啊!上星期六LUNCH落大雨, 果然唔係好多人去食, 9成滿到啦! 我叫左牛腩伊, 老公叫左牛根麵, 牛根一定係咖哩. 結果…牛腩都好味, 但係一般清湯腩店都做到啦! 牛根我麻麻地鐘意食, 老公話無咩特別, 好普通!可能人少, 伙計無鬧人.一定無下次! 總算了左件心事!

因為由細到大都係中環到住..去九記食野..都算係家常便飯..細細個屋企人就帶我去食..當時..聖芳園果個位..都重係九記既大排擋..食左咁多年..我由牛腩粗麵..變到食牛腩伊麵..再變到牛腩河..食每樣野都一樣感覺..就係正呀!!九記咁多年..水準都無變過..都係100分..九記既火計既服務態度可能真係唔係太好..但係你去食果幾十蚊野..唔通你想要五星級服務咩?支持九記..希望佢地可以捱過今次香港無活牛既難關啦!!

寫食評，都幾好玩，食完之後寫低自己既感受同其他人分，有趣！睇食評，一樣有趣，睇完去食，再印證人講既係唔係啱，都幾得意！呢間店，我食一碗咖哩牛腩麵，一路食，一路諗番ｄ食評．．味道唔錯，份量少，全中！牛腩好林，有水準，都啱！服務方面，唔係十分好，但係不見得有駡人的伙計！這是我我所見所聞！

lunch時間黎呢到嘗試第一次o既九記門口有一條短短的人龍不過好快有位。坐低環顧四周個個都o係到「埋頭苦幹」唔執書即刻叫左個牛腩河粉期待已久的牛腩河終於黎到細細碗面有數件牛腩有肥有瘦~食落口....冇乜特別o既感覺同出面其他粉麵檔差唔多...唔覺有咩特別食埋啖河粉平平無奇的牛腩河罷了可能因為期望過大??我認為唔值得特登走黎呢到試囉呢種水準o既牛腩河出面好多地方都可以食到而且...價錢比佢平很多....

一月十八日(星期五)終於到星期五喇!!!!好holiday mood,不過o係呢度每日都過得好開心,因為有老公~~~~hehe本身今日去蘭芳園飲凍奶茶!..最後都同左同事黎呢度食!一樣好味道!還記得上次我地仲未開始,但係...haha~~~所以都記在心內!....多謝老公!!今次食左上湯牛腩粗麵!好味,牛腩炆得arm arm好!同埋d湯底好味(雖然有d肥!)...而咖哩牛筋腩就ok,我地都覺得上湯先能食出真味!!!!......呢度真係幾好食架!~~呢條街有兩間好出名既食店!!!!其他有待我地兩夫婦去發掘!!!!!!!!!!!!!!!請大家式目以待!

好似好出名的牛腩店,好想試吓個坑腩,但..又貴又咸, 都唔明點解仲甘多人幫襯定係咁啱我食嗰碗差左呢??而且又細碗,再要叫多碗咖哩牛腩麵,味道係幾好既,但係好似食唔飽..叫兩碗又好似給搵笨了,笨小孩呀!>m<

記得十多年前母親因為工作關係，經常要帶埋我們當時年紀仲細的兩姐弟返工，由於公司後街就係九如坊，食晏去九記已成不二之選，基本上所有配搭都試過哂(事實上來來去去咪又係個幾味～)，不過唔知點解，每件牛腩食落口的感覺件件都好似食緊爽腩咁好味，可能係因為有至親陪伴時的心情和氣氛所感染啦！到左自己出來社會做野，多年來遊走於中上環新舊區之間拍攝，總會不自覺地(好唔順路地)走到九記這條街，與店內各人雖不算很熟絡，但其實由細到大我已對他們營造那種渲鬧的氣氛十分適應，就如親人在你耳邊訴說著昔日的歡欣故事般，每次我再把牛腩咀嚼時都總會記起許多童年往事，仲會記得母親多年辛苦工作的日子裡，就如今天自力更新的過程，肉汁與湯底的濃都不及那份溫馨回憶咁濃厚。我嘗試過尋找其他類似的食肆總找不回那一份味道，這可能就是一個人對某樣事物的情意結吧！以前非繁忙時間座低曾經見過任賢齊、譚詠麟等大明星經常拉大隊來光顧，唔知將來又會有幾多個死硬派為尋找某種回憶而去尋找味道呢？發覺近年D腩身無以前咁易入口的關係，近年一律已轉為咖哩筋腩伊+齋伊全走咁食法，有時中午前見條龍排到街尾咁滯唔入去食都會走去後欄聞幾聞吊下癮既～

好唔開心..食得..真係唔知有咩好,員工態度極惡劣,無禮貌,食物一般!!什麼牛腩衣,當我唔曉食啦!碗麵細碗,如果好食無所謂,地方迫食得好辛苦…但唔開心係,做物呼呼渴渴我呢,話哂都係客!請改善服務!

牛腩又肥又有渣, 如果要排隊先食到呢0的普通貨色, 實不值得!!

我很喜歡九記的牛腩但我又非常討厭九記....不是很矛盾嗎？午飯時間到過此店多次, 印象是: 嘈, 人多, 排隊時間特長, 伙記態度惡劣....是惡劣, 不是差！麵有鹼水味又鹹得要命。真的不明為什麼這麼多人排隊.....？直到有一天晚上, 我的新加坡同事因和我要趕project, 決定把東西帶回我家中再拼命。我的同事是牛腩痴, 開車回家途中順路到九記買些牛腩和清湯做簡單的湯飯....怎知- 出事了！簡單的湯飯加上小許黑胡椒粉，牛味十足, 清湯極鮮。不到十五分鐘兩碗牛腩, 兩碗清湯加兩大碗白飯一掃而空。原來沒有嘈雜的人聲，態度惡劣之伙記, 鹹得要命之麵湯，九記牛腩可以是完全不同, 清香鮮美之佳作。從此我再也不到牛記堂食了! 如果有天晚上你見到一名中國籍男子, 極速開車停在九記門前, 付錢外賣牛腩及牛湯後再風馳電掣離開的話- 那人有可能就是小弟！

今日食左個清湯牛腩粉．牛腩唔林．不過唔算un．牛腩無牛味．湯好一般，好甜，係落左糖果隻甜，唔係清甜．份量好小．食完好似無食．價錢貴．２３蚊一小碗．真係極之失望．