九爺牛腩 (佐敦道)

营业中

休息中

剛好在佐郭附近逛逛，肚子飽在找餐廳途中看到九爺牛腩，二話不說就去吃了！其實小編之前已經吃過尖沙咀分店的九爺牛腩，忘不了崩沙腩的味道😋😋🤤九爺有多款不同的粉麵，有崩沙腩、牛魔皇河、魚皇魚麵、招牌八寶等。亦有各式飯類、西式飯類、泡飯、常餐等。‼️必食推介‼️‼️性價比高，崩沙腩麵只需55元‼️55元可以吃到好吃的崩沙腩，絕對便宜又抵食👍🏻帶著軟筋膜又連著少許肉，口感軟腍，而且牛味香濃。牛魔王 $60有牛腩、牛筋、牛肚、牛腸和牛膀，全部炆到軟腍入味，特別喜歡牛筋夠腍又有彈性，牛腸乾淨，牛腩口感稍硬但牛味濃，牛肚口感上嚼劲十足且有弹牙的口感。細麻辣墨魚鬆 $50不太辣，墨魚鬆口感爽彈。生菜 $12牛菜配腐乳，一流👍🏻菜心 $12加腩汁也不錯😋

未開新分店之前已經喺尖沙咀試過九爺牛腩一次，用餐體驗唔錯，見佢哋喺佐敦新開分店，上次試左招牌八寶河，今次決定試埋佢地嘅魚皇魚麵~🐟 魚皇魚麵 $58魚蛋、魚片口感彈牙，湯底清清地，魚麵口感爽身，魚皮餃味道較濃，外皮偏軟，內餡飽滿帶汁，但始終魚麵份量比較多，略嫌有少少濟，但整體味道同口感都幾好。🐮🐟 雙丸河 $38魚蛋同牛丸都好彈牙，味道幾新鮮。河粉口感都幾滑嫩唔易斷且掛湯，配上湯底幾入味，而且份量都偏多，記得河粉比較容易吸湯，一定要盡快食~🐙 麻辣墨魚鬚 $30墨魚鬚口感好有嚼勁，口感偏軟身，個人覺得辣椒味道稍為濃烈左少少，可能會掩蓋左少少墨魚鬚味道，但整體對於食辣朋友的確幾吸引、幾惹味。🥟 酥炸雲吞 $28酥炸雲吞味道幾有驚喜，外皮酥脆，內裡肉餡鮮美，同酥脆外皮幾搭配，會令人一直想追食。

今日係佐敦裕華國貨幫阿媽買完嘢，覺得有啲肚餓，醒起同事推介過呢道附近有間“九爺牛腩🍜，話地方乾淨企理，食物質素好，就一於同老婆去試下啦🥰！大約行咗6分鐘就到，店舖裝修約簡明亮，坐位闊落🤗。睇咗餐牌📔，除咗一般嘅粉麵河，仲有西式早餐🍳、西式飯餐🥘、泡飯、常餐及三文治🥪等供應，非常多元化🥰。牛魔王河 $60嘩😳！好大推頭好吸睛🫢，大湯碗面層鋪滿牛腩、金錢肚、牛筋、牛肺、牛沙瓜及牛大腸，炆得軟腍入味😋，但每種食材都保留本身質感，味道香濃充滿牛味🐂。河粉滑溜帶米香，湯底同樣牛味香濃，食完一碗既飽肚又勁滿足😋。崩沙牛腩麵 $55(+墨鬚 $10)崩沙腩份量多牛味🐂香濃，最重要係嗰條薄膜邊及油脂層，令牛肉口感更豐富🥰，並散發出一陣油脂香味☺️。墨魚鬚🦑唔係好多店舖有得供應，新鮮彈牙味美😋，老婆話加$10有咁多件好抵，加上麵質🍜爽身彈牙，整碗麵都勁好食💯。酥炸雲吞 $28一碟有5️⃣粒，雲吞飽滿炸得香脆，豬肉🐖同蝦肉🦐嘅餡料比例啱啱好，一口一粒唔錯😋。香茅雞翼 $28一碟有6️⃣隻，表面炸得乾身，肉質保持嫩滑濕juicy，帶微微嘅香茅味，好食😋。炸魚皮 $20魚皮🐟炸得香脆又大塊，獨立包裝上枱，食

依日去嘆下香港地道風味☺️ 九爺牛腩喺佐敦開咗新分店。除咗招牌崩沙牛腩，仲有好多港式粉麵選擇，例如魚皇魚麵丶招牌八寶等，價錢抵食，性價比高呀。🔶崩沙牛腩河 $55崩沙腩肉入口爽脆腍滑有口感，肥瘦剛好，湯底較清不會過濃，突顯牛腩嘅牛香～河粉夠滑，大大碗，份量都多喎。🔶牛魔王麵 $60鍾意食牛雜嘅話💗一定要叫呢碗啊🫶🏻入面有牛肚丶牛筋丶牛腩丶牛膀丶牛腸丶牛肺，全部都好鮮嫩入味。🔶酥炸雲吞 $28一客有五大粒，配以甜酸醬，沾醬一起吃更有風味，餡料有好多蝦肉，香脆不膩。🔶麻辣雞翼尖 $28感覺有啲似沙嗲嘅麻辣醬，雞翼尖入口夠滑，辣度不會過火，挺香口。🔶凍檸茶 （粉麵+$8）

究竟九爺同鼎爺有冇關係？！😂😂好多時係尖沙咀經過九爺見有好多人排隊，今日被我見到原來佐敦都開咗間，新開的，趁人唔多唔使排隊即刻拉住友人入去試試睇哂牆上相片同埋餐牌，二話不說，一碗牛魔王米粉$60有齊牛什、牛腩同牛根喎😋😋店員話要唔要試魚麪呀⋯⋯No 啦！我怕又淋又腥！佢話佢地嘅魚麪係最好食架，係我猶豫中，又叫信佢！唉，心軟，就決定俾次機會佢啦！碗麵好大碗呀，見到咁多餸已經心心眼，湯頭又好飲，跟住夾起粗粗嘅魚麪一食，依⋯⋯好似食緊長條形嘅魚旦，仲要好彈牙，一D腥味都冇添，勁正喎👍🏻👍🏻👍🏻叫多個小食麻辣墨魚鬚，小許麻辣味，墨魚鬚粗大，煮得火喉剛好，脆口😍😍

途經佐敦道，見到之前在尖沙咀的九爺牛腩開了分店，記得它質素不錯又抵食，叫了主食後，飲品和油菜都有優惠，性價比高啊。🔶咖哩牛腩撈伊麵（$58）伊麵上全是牛腩，沒有薯仔或蘿蔔，所以牛腩份量相當多。切成方粒的牛腩又腍又滑，肥瘦恰當，不膩不柴。咖哩汁很溫和。🔶五香牛脷河（$40）拼豬手（+$8）豬潤（+$8）牛脷和豬手炆得好腍，口感豐富。牛脷和豬潤都是厚切，各有3片。豬手兩大件，這8元加得非常抵。🔶酥炸雲吞（$28）雲吞中的豬肉碎和蝦仁各佔一半，外酥內嫩，好食。🔶腐乳通菜（+$12）🔶凍檸檬利賓納（+$12）🔶熱杏仁霜（+$8）

之前見有網友介紹尖沙咀嗰間「九爺牛腩」，話店舖嘅出品價廉物美，經濟又抵食，尤其是崩沙腩麵，每碗只係 $55，性價比極高，所以已經即時 mark 低咗。今日嚟佐敦購物，發現原來附近都開咗間新分店，擇日不如撞日，Shopping 完就即刻嚟呢度開餐。餐廳面積不大，屬街坊茶記格局，但裝修簇新，環境乾淨企理，所以都坐得好舒服。點咗崩沙牛腩河 ($55) 同 招牌八寶河，另加油菜同兩款酥炸小食。湯底非常清甜，香料味鮮明悠長，帶微微油香。崩沙腩好腍滑，入口肉嫩軟綿，加上腩位連著少少膏，食落脂香十足，肥美得嚟又有肉感，絕對值得畀個 like。伴吃嘅河粉水準亦不俗，爽滑細緻，輕輕一啜就滑入喉頭。如果唔想食河粉，亦可選幼麵、粗麵、米粉或米線等，毋需額外補錢。至於碗招牌八寶河 ($60)  用料亦非常豐富，內有牛腩、牛筋、金錢肚、手打牛丸、汕頭魚餃、鮮甜墨丸、潮州魚蛋同香菇貢丸，絕對係大堆頭之作。牛腩鬆化入味、牛筋軟糯腍滑、金錢肚爽中帶韌勁、手打牛丸彈牙多汁。魚蛋白雪雪，鮮味突出，而魚皮餃味道亦唔錯，餃皮好滑，餡料飽滿，咬落好正。將河粉轉咗做魚麵 (+$14)  麵條採用天然海魚炮製，食落魚味好濃郁，鮮味

之前再去尖沙咀已經食過呢間九爺牛腩，而家喺佐敦近柯士甸又開多間，就決定嚟試吓！入到去見餐廳環境闊落，好光猛好乾淨，坐得舒服！經店員推介，我哋試咗：👏🏼崩沙牛腩米粉識食一定食崩沙腩！呢度嘅崩沙腩，每日新鮮準備，所以數量有限，想試嘅朋友記得早啲嚟！最鍾意佢牛腩唔會太肥成層肥膏，但又唔會太柴嚼到口都軟，牛腩腌得好夠味，好正！👏🏼牛魔王貪心想乜都食啲嘅朋友最啱叫呢一款牛魔王！每款都有幾塊，真係份量十足，食完堅飽！而且每款到炆得好入味，好夠林，加埋勁香嘅腩汁，不得了。👏🏼麻辣墨魚鬚（細）店員推介，話好多顧客都返定呢一樣小食，我哋就決定試吓。雖然話係小食，但份量都唔少！墨魚鬚好Q彈，加埋秘製醬汁，好惹味！醬汁食落似沙嗲醬做base，再加上花椒八角，正。我哋仲叫咗個腐乳通菜，再加每人一杯飲品，但埋單都唔使兩舊水，性價比極高！絕對可以入選平日解決三餐抵食之選。

有日同事和我剛見完客，由柯士甸再行經佐敦時，見到有間粉麵店，便打算去食個麵。估不到價錢平價仲有驚喜，屬平靚正美食好好味😋 位置在佐敦附近十分方便，無論崩沙牛腩、金錢肚、雲吞麵等都是有水準👍 麵店環境有卡位及圓枱，企理又舒服😌金錢肚麵我覺得都是皇牌之選，金錢肚軟身易咬，湯底味道清甜帶油香，口感唔錯👍紫菜四寶河有齊魚皮餃、魚蛋貢丸紫菜滿足我的口味！淨雲吞粒粒大大粒，足料有口感！📍 九爺牛腩 分店地址：佐敦，佐敦道36號地鋪

這款平民美食表面看似平平無奇，但要做得好食出色又平民價真係唔係間間都得😎尖沙咀店舖小小，名氣極大，好快佐敦就開分店，主打潮式粉麵，馳名牛腩，崩沙腩、自家製魚麵、牛嘅內臟，有各式各樣唔同嘅配搭，另外當然仲有各式各樣嘅丸類，水餃雲吞，炸物小食，仲有最得我心既蠔仔肉碎粥😋牛魔王魚麵一碗有齊牛腩，牛筋，牛肚，牛腸，牛膀，全部炆到軟腍入味，特別喜歡牛腩半肥瘦，牛筋夠腍有彈性，仲有牛腸非常乾淨，味道濃郁帶少少肥膏👍🏻蠔仔肉碎粥份量足大大碗，多蠔仔及肉碎，有小小芹菜帶出香味，50蚊咁大碗真係小見💯麻辣八爪魚呢款小食都唔錯，好開胃，又會靭🐙呢間仲有早餐供應略嫌粉面唔夠飽，又想食牛腩牛雜，你可以選擇配飯哦😁