九份飽 (淘大商場1期)

营业中

休息中

星期六同家人經過淘大 ，揀間餐廳食個午餐， 咁岩想食台灣野， 去到門口見到第2個午餐半價添，好抵就選擇左九份飽。一入到去，心裡嘩左一聲， 裡面裝修真係好有以前台灣風味...之後家人叫左台灣米線，我自己叫左個魯肉飯（大） ， 小食叫左鹽酥雞+ 肉鬆芝士蛋餅 （掛住食唔記得影相）我都後悔叫左個大飯， 因為佢份量真係十分夠，如果要叫蛋餅或其他小食， 建議主餐叫細既份量都夠... 哩餐真係食到好飽， 初初個飯黎到會心諗， 咁細盤既， 點知食食下堅飽， 再加蛋餅， 不得了。。。而且全部味道都唔差， 都幾地道...真係推薦下可以一解“思鄉愁”

位於九龍灣淘大商場平台的台式餐廳九份飽。餐廳內高掛了不少紅燈籠🏮，氣氛很好。食物價格合理，味道和質數亦不錯！這次是第二次光顧。兩人因為不太餓，點了一碗大的魯肉飯，地瓜球，甜不辣和一柸百香果綠茶。 魯肉飯味道不錯，不會過淡或過咸，魯肉半肥瘦，入口鬆化，米飯🍚軟軟的，忍不住跟魯肉一口接一口吃。地瓜球有黃蕃薯🍠和紫蕃薯🍠，兩款都很好，都是新鮮炸起的，上台還是熱辣辣的，小心燙口呢！甜不辣帶有淡淡的胡椒粉和魚的味道，都是新鮮炸的，配上酸酸醬很配，令人開胃的小食。飲品百香果綠茶，綠茶味濃，選擇的半甜度是剛剛好！

本身對台灣嘢期望唔大，如果冇其他嘅選擇底下，佢係一個安全嘅選擇。我會形容為保底食物。 呢間餐廳係疫情做到而家都仲未執，佢都幾犀利。 於是，我抱住咁樣嘅心態去試下。 入座： 兩個人，星期六夜晚七點幾，唔使等位。 落單/上菜： QR code，落單上菜算快。 食物： 叫咗碗細嘅滷肉飯，38蚊好抵食。 滷肉汁同埋飯嘅比例做得都唔錯。 唔會太鹹，但亦會令你想齋撈汁食完成碗飯。 仲有叫咗個排骨米線$58，份量真係唔錯。 排骨炸得好脆，有骨同埋佢唔會係太乾亦有少少肥膏。 仲有叫咗個鹽酥雞，$37。 鹽酥雞同台灣好似，但未到好乾。 不過食完真係有啲熱氣，你絕對會想好似喺台灣夜市咁即刻買杯嘢飲。 但我就冇揀餐廳配餐飲品，用十蚊優惠價買嘢飲。不過對我嚟講冇咩吸引，得啲綠茶紅茶。 珍奶嗰啲就要額外價錢。 總結：都抵食，分量有大。 好適合讀書拍拖嚟食。

講返台灣菜 一向都鍾意九份飽都食過幾次 今次幾令我地喜出望外已列入可回訪系列😌🤙🏻⍥ 香酥排骨油麵排骨夠熱！夠多！夠脆！出色！湯底唔油仲幾好味🤣有啲菜同芫荽 仲有半粒蛋 真心係 好掂！⍥ 蕃茄牛肉油麵蕃茄湯底預左唔太蕃茄 有啲紅蘿蔔點綴下反而牛展份量多又稔😚都唔錯 不過都係上面個排骨麵出色啲🤣🤣🤣⍥ 海苔肉鬆起司蛋餅蛋餅好食 海苔肉鬆芝士實無死鹹香又微微拉絲😌唔可以錯過 ⍥ 珍珠奶茶🤩史生每次食台灣野都要叫杯肥仔水增肥架啦

下午人唔多，唔洗等位。枱櫈偏細，坐耐左無咁舒服。環境係懷舊feel，像舊式商店。野食方面，各自叫碗米線，麻麻地。再叫鹽酥雞同蛋餅同朋友share。鹽酥雞同蛋餅比較好食。雞炸得脆脆，而蛋餅夾有肉鬆加醬汁。另叫杯珍珠奶茶，都係一般。

✨超平抵食搞掂！淘大商場台式下午茶推介｜$40一set飲飽食醉｜九龍灣美食分享💫做開Social Media嘅我今日想同大家分享一間淘大新開嘅台式餐廳 - 九份飽！👀佢地啱啱推出咗兩款超抵食下午茶餐，每款都係$40咋，重點係份量足料到冚唪唥！🤤 ❣️下午茶餐A set包括：• 芝士蛋餅 (醬汁夾埋食超惹味！)• 鹽酥雞 (外脆內嫩，一碟起碼有成10粒咁多！)• 百香果梳打 (夏天飲咁清甜真係一流！)❣️下午茶餐B set包括：• 秘製牛腩飯 (牛腩超軟腍入味！)• 山藥枸杞豬骨湯 (消暑之選)• 冬瓜茶 (凍/熱任揀)餐廳環境真係靚到癲，成間餐廳以台灣九份為主題，掛滿咗紅燈籠，仲要擺設古色古香，打卡一流！坐低食個下午茶都feel到去咗台灣旅行咁！😍

今日第一次嚟到呢間位於淘大嘅台灣小菜館，店舖都算闊落。叫咗個肉鬆芝士蛋餅，肉鬆都幾多，整體上都幾香同埋好大嚿。同埋叫咗個紅燒牛肉麵，好有去左台灣食嘅感覺，牛肉炆得好腍同埋好入味，啲麵條都好有咬口。整體嚟講都值得推介因為價錢唔貴。

最近我造訪了一家台灣餐廳，品嚐了他們的甜不辣。這道小吃非常受歡迎，讓我印象深刻。甜不辣裡面則是鮮嫩的魚漿，口感非常滑順。搭配上特製的甜醬，味道更是增加了層次感，甜中帶有微微的鹹香。店內的環境簡單舒適，適合和朋友一起聚餐。服務人員也相當熱情，隨時提供建議，讓人感到賓至如歸。每一份甜不辣上桌時，散發出的香氣令人垂涎，讓人忍不住想再點一份。總的來說，這家店的甜不辣非常好吃，無論是當作小吃還是下酒菜，都很合適。如果你有機會到台灣旅遊，不妨來試試這道地道的小吃。

有無人好中意食台式野？❤️1. 懷舊魯肉飯(小)$32細飯既魯肉份量都唔會孤寒！肥瘦適中偏肥小小小小～❤️味道唔錯😚唔係話極度肚餓既時候去食＋飲埋珍奶就夠飽❤️對台式控黎講係大滿足👻2. 香酥雞扒魯肉飯 $48雞扒都幾大舊，但就少咗啲肉汁有啲乾🐔魯肉喺半肥瘦夠曬香，魯肉一定唔可以全瘦🐷呢樣抵讚！3. 起司蛋餅 $284.珍🐷奶茶不過不失👻一貫味道✏️呀豬

【觀塘區】【九份飽】呢餐飯係我認識美女朋友之後第一餐正正經經同佢食嘅飯，咁唔係話之前啲飯局唔正經，我都係想強調返，係我自己畀錢嘅啫。大個仔喇，自己識賺錢埋單㗎喇。不過又咁講，就算係同美女朋友一齊出 job，佢都相當配合，唔會詐型之餘又唔會越幫越忙。既然係自費就唔使食咁貴，之前都食過呢間台灣嘢嘅屯門分店，質素雖然平庸但的確係幾平。佢食「香酥雞扒魯肉飯」都只係 $55，最緊要係佢覺得 okay，而且唔會話唔夠食。我就食 $50 嘅「台灣擔仔油麵」，都係正正常常嘅選擇，味道不過不失咁啦。跟住叫 $37 嘅「滷味拼盤」，有百葉豆腐、雞蛋、牛肚、雞翼，最後得雞翼冇人食，豆腐受歡迎。嘢飲方面佢加 $10 飲熱「蜂蜜綠茶」，要半糖，我就都係加 $10 飲凍「百香果綠茶」，都係半糖，冇乜特別，正常嘢飲咁囉。埋單 $162，又的確係唔貴嘅。。。（地址：九龍灣牛頭角道77號淘大商場1期地下G142號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：屯門區：1am1259#1amfoodie #foodie #hkfoodie #thatfoodi

九份飽抵食足料，同朋友share蛋餅再叫一個主食已經非常之飽！🍴蕃茄牛肉削麵 $60 (7/10)非常大碗，用咗滷水牛腱，有牛味，湯底蕃茄味微酸，米粉好爽口，不過非常之吸汁，吸到一大嚿😂😂😂🍴肉鬆起司蛋餅 $37 (7.5/10)蛋餅香脆煙韌，蛋芝士肉鬆鹹香，幾好食！🍴 茉香綠茶 +$10 (7/10)正常有茶味推薦指數: 7/10抵食，味道OK!

台灣風味一經過就被裝修吸引彷彿回到台灣食物:🌟🌟🌟🌟環境:🌟🌟🌟🌟服務:🌟🌟🌟價錢:🌟🌟🌟香酥雞扒滷肉飯值得一試，香菇肉碎配上滷肉汁，經典滷肉飯味，小食鹽酥雞，魷魚鬚香脆惹味，大腸包小腸有台灣夜市口感，唔使搭飛機就體驗到台灣地道美食，裝修風格復古，彷彿去到九份旅行。

經過九份飽完全唔駛排隊即刻去食個抵食下午茶餐 出發去一趟偽台灣之旅 九份飽餐廳內既裝修佈置就如其名 以台灣九份為藍圖, 大大個紅燈籠 好似去左旅行咁 仲要唔駛排隊就可以輕輕鬆鬆食個下午茶今次食個濃厚台灣滋味既下午茶餐 $40 有飲品/小食/糖水 有分A/B餐 為食既我地梗係叫哂兩款以下係兩個下午茶餐既份量 芝士蛋餅 - 溶化既芝士 煙煙UN UN 加上蛋餅好香口 完美既配搭 (平時會叫肉鬆蛋餅仲更加好味道) 紅油炒手 - 香口既辣油配搭餃子 冬瓜豬骨湯 - 夏天飲冬瓜湯岩哂可以消暑九份芋丸糖水 入面已經有齊芋丸/涼粉/豆腐花 岩哂為食既我地

晚市過黎食 舖頭位置好闊落一入去已經坐滿咗八成裝修亦都好有台灣風味😂兩個人叫左一個鹽酥雞扒滷肉飯同埋排骨米線雞扒同排骨都炸得好香口大大舊略嫌個米線個湯淡咗啲如果可以濃啲會更好之後仲嗌咗個芝士蛋餅呢個幾出色，芝士真係會拉絲又夠大件嘢食份量好大 兩個人都食唔晒！最後$200埋單 抵食

今次來到淘大商場搵食，行下行下被前面店舖黃黃的燈光吸引，招牌寫上九份飽。九份使我想起幾年前去台灣旅行的快樂時光。踏入店舖眼前是似曾相識的影像，好有懷舊感覺。食物放在木製枱上加上黃黃燈光令人食慾大增。肉鬆蛋餅是台灣人早餐首選不得不試，雖然感覺肉鬆不及台灣當地的好味，但蛋餅皮煎得脆脆的，外脆內軟食得開心。滷水拼盤燜煮得入味而且滷汁不會過咸。麵條湯底也調校得剛好。最最欣賞是樣樣菜上枱時都是熱烘烘的。飲料可因應客人口味調校很窩心。唯一是服務員態度就有待改善。