九份飽 (蜆殼街) (已搬遷) 新店位置

去炮台山附近做嘢，約埋老公一齊晚飯。本來提議去食拉麵，不過老公話想試下呢間主打台灣菜的「九份飽」。餐廳裝潢很有特色，設計走懷舊風，店內外都有不少九份的著名景點和裝飾，如昇平大戲院、復古燈籠、舊式雜貨店等，與店名互相呼應。點菜紙一張過，食物選項雖然不算很多，但一目了然，清晰簡單。懷舊魯肉飯 ($40/大)：五花肉滷得很入味，帶豐富油脂，但又肥而不膩，入口即溶，完全是正宗台味。最喜愛就是上桌時飯面還配有半隻滷蛋，絕對是佐飯佳品。肉鬆起司蛋餅 ($30)：蛋餅烤得剛好，蛋和餅皮貼合，煎蛋厚而嫩，金黃富蛋香，吃起來不油膩。芝士半溶，分量適中，醬汁酸甜醒胃，再加滿滿的肉鬆，非常可口，值得一食再食。台灣香腸 ($35)：香腸應該係喺台灣入貨，口味好正宗，腸皮煙韌有咬口，而且煎得好香脆，咬下有肉汁同油脂，味道帶甜，與蒜片一齊享用，辛香微辣，味道超夾。酥炸魷魚 ($42)：魷魚即叫即炸， 放上檯時仍熱辣辣，炸粉不算厚，只有薄薄一層，入口一點也不硬，外面夠脆又唔太油膩，內裡軟熟甘香，一場嚟到，當然要食埋甜品先走，於九份芋圓 ($35/冷) 和黑糖花生麻糬之間揀了前者，芋圓份量甚多，非常足料，有三色芋圓、

最近行過炮台山，發現咗一間台灣餐廳，餐廳嘅裝修好吸睛，突然口痕又要醫肚，所以就入咗去試吓。 餐廳裝修以台灣風格紅燈籠為主，好有台灣的感覺 雖然呢間餐廳唔係大，但係都就坐得舒服。 叫咗一款《台灣擔仔米粉》，呢碗野有鹹酸菜、蝦、貢丸、肉操同半隻蛋，非常足料，台灣米粉入口非常爽。  而我老公就叫了一碗《紅燒牛肉麵》，牛肉的做法跟出邊有點不同，驟眼看有點似牛展，湯底味濃。 小食點了一款《蚵仔煎》，分量多，又多蚵仔，十分足料，入口口感豐富。 甜品點了熱的《九份芋圓》，入口不太甜，芋圓好煙軔，熱的比凍的好吃，很有台灣的感覺啊。 因為點了麵食，所以加$10可以有一杯指定的飲品，我還加了珍珠呢，飲得之餘還有嚼勁。 

剛剛上個月去完台灣旅行回來，翻看了手機內的相片，發覺實在很想念當地的美食，於是便相約好友於今晚來這間九份飽細味一番。店內的裝修環境真的有點像台灣當地的食店。台灣香腸食物上菜速度很神速，香腸煎得香脆，肉汁豐富不肥膩。淡水蝦捲鮮嫩大蝦放在裡面炸熟，做法跟春卷有點相似，但這款蝦捲皮更薄更香脆。紅燒牛肉米粉嫩滑五香牛展醃得入味，湯底濃味但沒有味精，吃完不會有口渴感，米粉很幼身爽口，吸湯能力一流。懷舊魯肉飯（大）大大碗魯肉飯只是$40, 非常經濟實惠，魯肉份量足夠鋪滿飯面，汁不會過咸，飯粒富有彈性，口感一流。台式飲品跟餐只是加$10一杯。芋圓仙草豆奶芋圓是台灣必吃的甜品之一，堅韌的質感配上香滑豆奶簡直是絕配，還有一大件嫩滑仙草。

天后嗰邊出名多好嘢食 今晚就搭多一個站 黎到炮台山食台灣菜 呢間餐廳係地鐵站行過去幾分鐘時間 7點零鐘已經滿座 好彩朋友醒目有book定位 店面唔大 無論裝修同檯凳定燈光都別有一番心思 感覺就好似去咗台灣九份嘅餐廳咁 😌睇下餐牌先 懷舊魯肉飯（大）朋友話太耐無食魯肉飯 點都要食個大嘅！魯肉大大粒 鋪滿曬喺飯面 仲配有半隻滷蛋 啖啖飯都係魯肉 好滿足😋紅燒牛肉麵 麵條軟度適中 湯底有紅蘿蔔🥕 清甜唔油膩配料有我最愛嘅嘅通菜 芫西 肉鬆起司蛋餅 蛋餅皮夠薄 滿滿嘅肉鬆再配上濃厚嘅芝士 愛辣嘅可以點少少辣醬台灣香腸 35一片片嘅台灣腸配有生蒜頭🧄 就咁食生蒜頭好谷鼻 香口得黎好爽口 而台灣腸相反好軟熟 配埋竟然好夾蚵仔煎 42蚵仔煎🦪表面煎到少少焦黃 粉漿濃稠度剛好 蚵仔煎嘅配料為🦪蚵仔 蔥花 蛋為主 酥炸鹽酥雞即點即炸嘅鹽酥雞 粉漿唔多 食鹽酥雞最正就係啖啖雞肉 鹹度啱啱好 配返杯飲品一流黑糖花生麻糬 25每次去台灣特別鍾意買麻糬返黎做手信 尤其係現做嘅麻糬 QQ嘅黑糖麻糬裡面包住花生餡料 表面灑滿糖同花生🥜碎 一口一小塊 還不錯吃喔！茉香奶茶 熱 微甜淡淡嘅絲滑茉香奶茶 個人唔鍾意太甜我

難得台灣朋友來香港跨年，當然帶他們周圍食食逛逛，介紹港式食物給他們嚐嚐~但食了幾天後，已經想念故鄉的味道，所以我推介了這間九份飽☺️我們一行四人，點了八樣食物和飲料，真的好食又滿足😋——————————🔹懷舊滷肉飯 (大) $40在香港要食到正宗滷肉飯真是很少，但這間做得不錯，滷肉很肥美，油亮色美，還帶有濃郁的醬香，皮的膠質融化後會有黏答答的口感，朋友們特別喜歡，更表示可以食幾碗～🔸香酥排骨麵 $40這個排骨炸得很酥脆，炸粉不會太厚，所以食起來都唔會太乾或者太油膩；但麵條應該是油麵，有點鹼水味，就不太合我口味～🔹滷味拼盤 $32每次去台式餐廳，都好喜歡叫滷水拼盤。一上菜，發現好抵食，有雞翼、豬𦟌、豬耳、豆腐、雞蛋等等，每樣都滷得好入味，又不會太鹹，不錯！🔸鹽酥雞 $35鹽酥雞份量也不少，味道與香酥排骨差不多，但個人較喜歡前者，因為雞肉嫩滑，外皮不會與雞肉分離，炸粉香脆而不膩，食完也不會有負擔感☺️🔹肉鬆起司蛋餅 $30很少台式餐廳會有蛋餅，但這間還有很多款！餅皮有淡淡的蛋香味，煙韌濕潤，加入肉鬆和芝士，真是絕配，鍾意食辣的朋友，不妨蘸少少台式辣醬，更加惹味😍🔸蚵仔煎 $42蚵仔煎的味道相對

原來下午3點呢個時間，北角好多餐廳都會落場，行下行下就由北角行到落炮台山搵食，終於搵到間無落場既餐廳 - 九份飽餐廳係一個轉角位，店舖亦不大，坐滿人的，餐廳佈置🏮🏮好有台灣九份既特色懷舊魯肉飯(小)魯肉好入味，肥瘦比例岩岩好，魯肉佈滿一層油光，送飯一流紅燒牛肉麵不是很重藥材味的那種湯底但好濃郁，牛展好腍，配角酸菜竟然係成碗牛肉麵既亮點，好夾好好食台灣擔仔米粉有蝦，鹵水蛋，肉燥，貢丸，好多餸，好豐富，米粉質感有d似香港既瀨粉，不錯台北豬腳飯豬腳仔好腍好入味，份量都唔少，咬一啖成口都好骨膠原既感覺鹽酥雞 & 酥炸花枝丸好酥脆，個脆漿做得不錯，調味亦都岩岩好，好食起司蛋餅蛋皮造得好薄，配埋甜辣醬，好台灣既味道我地叫埋野飲，食到放題咁每人$100都唔洗，香灣台灣餐廳多的是，但好食又抵既真係唔好，呢間真心推介

放工搵朋友仔食飯，係轉角位見到燈火通明，紅燈籠掛滿嘅台灣山城——九份......飽鋪面細細但入面好多人，我哋都好快咁等到位叫咗啲嘢食share食，第一道係魚丸湯台灣嘢食得多，但係有魚丸肉羹湯嘅真係好少有魚丸結實彈牙，有啲似較firm嘅白魚蛋，加上生菜，芹菜同肉羹煲嘅湯，濃郁得嚟卻係清甜可口主菜叫咗兩款，分別係紅燒牛肉麵同魯肉飯牛肉麵有好豐富配料，台式牛展，雪菜，芫茜湯底顏色唔似平常食嘅紅燒牛肉麵湯咁透明，較為混濁，飲落仲有少少香料味，證明真材實料濃濃嘅湯底加上油麵，真係令人想一嚐再嚐懷舊魯肉飯絕對係古早味嘅代表，豬腩肉切細條，滷好，入味香濃，豬油滲滿其中醬汁唔會蓋過飯嘅一半，水油比例控制合宜，唔會膩，加上醃蘿蔔一小片，細細碗但係飽足小食叫咗蚵仔煎，煎到好香，有正宗台灣夜市嘅風味醬汁係橙紅色，下面有蚵仔，雞蛋，生菜等等嘅配料，混合木薯粉漿，蠔仔嘅香味同蛋黃互相輝映最後甜品我哋揀咗九份芋圓，有大大粒芋圓，珍珠，紅豆，鮮草同豆花芋圓咬落好煙韌彈牙，唔知係咪因為我哋放咗一陣先食，啲芋圓發漲咗，特別大粒浸住嘅糖水顏色雖然黑，但有別以往我哋食開嘅黑糖味，反而帶陣陣嘅蜂蜜味道，感覺清新

惹味台灣菜@九份飽北角蜆殼街4號宇宙商業大廈地下1-3號舖 夜市情懷, 我本人偏向點小食, 細細份又可以試多幾款, 平日在香港都喜歡街頭小食, 來到這店正好戮回台灣的當地味道$30 肉鬆起司蛋餅, 肉鬆起司真是抗拒不了, 肉鬆甜甜的, 卷好仲有溶化的芝士片, 組合簡單卻美味$35 鹽酥雞 炸符香口再灑上調荐粉, 香口又脆, 而一粒剛好是一口SIZE, 忍唔住一粒粒不停送入口.但味精粉好重手，食完要狂灌水$ 20 涼拌青瓜 (辣) 比較細份, 微辣中又帶點生, 倒是肩開胃$42 酥炸魷魚, 有咬口的魷魚, 腳的部位更具嚼勁,甚是喜歡與它較量!

台灣嘢食永遠係性價比最高嘅，因為次次叫到成枱都係嘢食，埋單都係每人百幾蚊，所以今日經過炮台山見到呢間台式餐廳就入咗嚟試啦。喺門口等左一陣先可以入座，入面麻雀雖小，但裝修都幾有台灣九份嘅感覺，唔怪得知叫9分飽啦。要知道一間台灣野好唔好食最緊要就係試吓佢嘅滷肉飯，呢碗滷肉飯賣相超級吸引，啲豬肉脂肪同瘦肉嘅比例係一比一，食落嘅感覺肥而不膩，個醬汁又好香濃，口感好好，我叫左大size 份量好足夠，兩個人食都得。另外仲叫咗紅燒牛肉麵，湯底非常之香濃，採用左幼麵，麵既掛湯能力唔錯，每一啖都食到濃稠既牛湯味道。肉鬆芝士蛋餅又係我每一次食台灣野必食既，蛋餅嘅皮非常軟滑，上枱既時候熱辣辣，芝士半溶，不得不提佢包得非常之好，唔會咬嘅時候跌晒入邊啲餡出嚟，值得一讚。台灣香腸調味適中，唔算太鹹，我覺得超級送飯，呢一碟夠我送一大碗白飯。蚵仔煎又係台灣夜市必食嘅食物，蛋皮煎得幾香脆，好足料，食到新鮮既蚵仔。最後叫咗酥炸魷魚，魷魚好有嚼勁，但唔算太難咬因為我箍緊牙都食到。外皮炸得夠酥夠脆，加上少少椒鹽調味，食到停唔到口。賣相好靚，貪得意影左張全家幅。半糖既茉香綠茶熱既東瓜茶總括來講，兩個人嗌到成枱都係嘢食都知不過每

唔好意思又係介紹台灣菜🙈但👦🏻👧🏻真係太中意台灣菜啦，而今日要介紹既呢間真係好味都令人再三回味。今次嗌左非常多野食可以逐一介紹俾各位朋友仔，分別有台北豬腳飯（加魯肉）、香酥排骨米粉、肉鬆起士蛋餅、炸甜不辣、滷味拼盤、酥炸魷魚、黑糖花生麻糬、黑糖珍珍奶茶同埋綜合水果茶。首先介紹左主食先，台北豬腳飯份量好足夠，一碗飯起碼有四、五隻豬腳，啲豬腳都炆得好淋，就咁食白飯都已經好好味，但中意食魯肉飯既朋友仔一定要試下佢地既魯肉啦；魯肉係另外一個碗仔上既，一碗仔有齊滿滿既肉汁同肉碎，帶啲肥肉得黎又唔會覺得太油膩；排骨炸到酥脆同乾身，排骨同米粉分開上枱唔會浸到淋晒，新竹米粉吸晒啲湯好正😋跟住就係小食既部分，唔知各位朋友仔會唔會同👧🏻一樣特別中意食台灣既小食呢？介紹左香港比較常見既滷味拼盤同炸魷魚先，滷水汁唔會太鹹但好入味，啱晒選擇困難既朋友仔一次可以試多幾樣；炸魷魚除左個炸漿好脆身之外，有少少嚇親👧🏻既係每條魷魚都好長身，而且份量唔少，同朋友開心share就啱晒；甜不辣係👧🏻每次去台灣都一定要食既野，軟淋既口感係香港比較少搵到既，獨特既味道真係會一條接一條停唔到手；最後就係蛋餅，可惜晚餐時間只有一款蛋

本身係芋圓迷， 時常四出尋找台灣美食 ，一嘗芋圓嘅口感。放工時間大約六點半去到， 唔算多人排隊，等候十五分鐘就已經可以入座。 首先點咗一碗大嘅懷舊魯肉飯， 魯肉飯唔會太油膩，肥肉分明，味道剛剛好唔會太咸👍🏻之後再點咗一個 滷味拼盤， 裏面有豬耳雞翼 牛展 豆腐 蛋半隻， 鹵水汁唔太鹹味道剛剛好 。其中最出色嘅係豬耳， 啖啖骨膠原嘅感覺。食完飯同鹵水拼盤又點會夠呢，點多個肉鬆起司蛋餅， 呢一個真係超驚喜，佢裏面仲有芝士， 配搭埋肉鬆，味道非常之好，必試之選。話明係芋圓迷，又點少得個主角 九份芋圓一碗呢。 點咗個 溫嘅芋圓， 芋圓嘅湯唔係紅豆係甜嘅糖水，芋圓嘅口感非常好。但 雖然話係點咗碗溫嘅， 但係豆腐花係冰凍嘅， 而芋圓係暖的， 加埋常溫嘅糖水，口感非常之怪，有啲難受。 最後只係食咗半碗。整體表現係良好嘅，但係糖水有待改善。

星期六日冇嘢做最鍾意就同friend捐窿捐罅去搵嘢食， 尤其是小店，非連鎖式鋪頭就最得我地歡心。今次就去咗位於炮台山同天后中間的九份飽，由兩邊地鐵站行過去都十分方便。 話明小店入面面積當然會好大，大概十數張檯，但有落地玻璃，整體環境仍然舒適。最重要係食物價格非常相宜，幾十蚊碗牛肉麵已經有交易。 今次就叫左兩份主菜，台式小食與及兩杯台式飲品。主菜台北豬腳飯 啲豬腳大大件非常有睇頭而且炆得好入味。 台灣米飯配埋滷豬腳汁非常好食。 紅燒牛肉米粉 紅燒牛肉對版鬆化而肉味濃， 新竹米粉好幼滑好好食 而且喺湯入面又有大大嚿嘅紅蘿蔔好清甜， 淨飲湯食米粉都飽曬 鹽酥雞酥 鹽酥雞做得有水準，炸得香脆不膩， 而且雞肉肉質又好滑身 炸魷魚 炸漿做得好薄香脆， 魷魚爽口鮮甜，食得出勁新鮮 滷水拼盤 一盒鹵水拼盤有齊 豆腐,雞蛋,豬耳朵,牛展,雞翼， 勁足料， 鹵水豆腐實淨有咬口， 豬耳朵亦都好爽 ，雞翼雞蛋食落有鹵水香。 飲品 飲品嘅冰涼同埋甜度都可以自己填喺紙仔度，另外又可以額外加配唔同嘅配料。 黑糖珍珠奶茶 黑糖嘅清甜味非常濃郁， 但係又唔會蓋過奶茶嘅茶味， 珍珠有咬口大小適中。

今天去炮台山食台灣野，店子細細，但坐到好多客，上菜快，店員以國語溝通，感覺好台。懷舊魯肉飯（大）$40，大大碗的魯肉飯，滿滿的魯肉，兩人share剛好！九份魚丸肉羹湯 $25，魚丸就如白色魚蛋，細細粒彈牙，肉丸有一大舊，配上飯就如一個set！酥炸花枝丸$35，用個籃仔盛住，炸得好香口，加上酥炸用的椒鹽。蚵仔煎 $42，入口確實有台灣味道，有些黏黏的口感，好有鑊氣，不過個汁偏咸。芋圓仙草豆奶$39，去到台式食店，當然要點芋圓，份量好多煙煙韌靭，平時仙草多數配花奶，今次配豆奶都幾特別，淡淡的，不會蓋過仙草的味道，另外仲有啲紅豆、珍珠，食到好飽。珍珠奶茶$23，可以揀甜度，我揀左8分甜不會過甜，珍珠好煙韌，都幾好飲！朋友叫左九份檸檬綠 $25，我自己就一般檸檬飲品，珍珠飲奶茶出色點。

入到餐廳，餐廳既環境好特別，我個人喜歡餐廳細細地，好好feel🏮🏮🏮尼個排骨飯，排骨炸得唔錯，不錯有啲dry😕😕成晚好滿意尼個，內面有啲肉鬆，而且個sauce酸酸辣辣咁 幾開胃😬😬😬睇佢個樣以為係炸雞，但原來係炸墨魚球，雖然味道唔係幾濃烈，但係都食到佢個種墨魚味，建議冇點sauce試吓先😛😛朋友認為尼個糖水先係精華但是餐廳第一時間就上左糖水係咩玩法😢😢😢如果餐廳最尾上就好喇😭😭😭

今日餐與餐之間太近，晚餐想食小d野，就搵左呢間九份飽。鋪面裝修古式古香，幾有台灣feel，座位不多，我地入去既時候岩岩好仲有一張枱。食物方面，基本上台灣有既食物佢地都有，好多食物既價錢都介乎$3x-$4x，份量唔會話好大碗，岩哂想輕食既我地，又可以叫多幾款。魯肉飯(小)魯肉肥瘦適中，飯用左珍珠米好有口感，沾左魯肉既油香，但一點都不覺得油膩，食完一啖又一啖👍🏻鹽酥雞炸到熱辣辣要攤一陣先食到，外表椒鹽既份量岩岩好，不會太咸，仔細食落帶有小小甜，粉薄香脆。蚵仔煎蚵仔煎貌相不錯，口感同我係台灣食既一樣，雖然蚵仔份量比較少，但當食到蚵仔既時候，鮮味都好特出。