九份食府 (已結業)

昨日去探友人經過虹方，上左去2字九份食府，唸起情人節那晚同老婆食左個煎黑毛豬扒，牛肉牛筋，後者好有水準，有台灣古早味，麻油味很香，環景很好，準備過幾日帶外母再捧場，老婆飲左杯果皮老薑茶，佢話飲得出糸熬出來的，晚上很好睡，比贊!👍🏻👍🏻 👍🏻

剛剛見完客戶 回家途中因為大雨困在 朗屏西鐵站 正值中午時間 突然想起 幾個月之前 曾經吃過的九份食府 之前吃的時候 感覺又貴又難吃 想著想著 給他多一次機會吧嗯......一次又一次 首先應該說 雙牛飯 牛筋和牛肉都挺入味 好吃 但是飯量極少 明明已經叫了多飯 可能樓面沒有跟廚房說吧 或者根本已經多了飯......然後就是凍飲了 朱古力珍珠 朱古力味道不錯 珍珠很難吃 其次就是服務態度和環境 沒有什麼服務可言 還有可能因為廚房比較近 廚房師傅在談笑風生 都可以聽得一清二楚 包括對食客的批評環境衛生一般 盛水的水杯有污漬 還有強大的油煙味 基本上離開之後 衣服都有 油煙味最後感覺真的不值 至少是吃不飽的感覺 那樣就要70元 強烈感覺 倒不如在家裏叫~鄭嘉穎~總結:下一次 應該要過幾個月之後吧 希望一段時間之後會更好吧 還有疫情期間 很多餐廳都 有折扣優惠 這裏只有更貴 凍飲加了18元 分量都不如茶餐廳加3元一杯的凍奶茶

白色情人節食咩好? 食貴價野去打卡？自己煮點支蠟燭浪漫下？對我黎講其實都係睇我果日胃口啊心情啊想食Ｄ咩😂😂😂簡簡單單就好啦～不是嗎？❤️果日想食台灣野，網上見到元朗工業邨入面有棟新商業大廈「虹方」，咁就帶天氣先生(以後為我男朋友的代號😆)去試下喇！因為係新商業大廈，環境都好乾淨。上到去轉個彎就係餐廳！我地叫左兩個拌麵，兩個都好好食:雞球香軟、肉燥入味，飲品都清新唔會太甜…太好食既關係所以無影到原相🙈　果晚係一個男仔主理食物，另外有兩個姐姐做樓面同收銀，餐廳面積不大，最多坐到30人，但氣氛感覺溫暖有愛。如果大家係元朗市中心食到悶，可以黎Ｅ家試下，朗屏站F出口落地下行5分鐘就到呢~方便就腳😙，仲要平靚正，真心唔錯！

今晚約左老公去元朗朗屏站嘅九份食府撑抬腳，經过朗屏站F出口出，见到對面有招牌九份食府，行左一陣就到達虹方，再搭𨋢上去二楼，一開門，就聞到好香溉臺灣風味😝😝等左一陣就坐底左，小食叫左一款臺灣醬汁嘅蒜香雞亦尖開下胃，少少辣，惹味香滑，17蚊ok,底食，仲有好正的滷肉飯，好食，秘制照烧汁香茄牛展，每次也必點，牛展用牛骨湯煲淋，幾好味，點左牛展，滷肉，都好有水準，侍仔哥哥話醬計料係臺式秘製，😏😏懶神秘，之後再嘆碗糖水，好滿足，，有靚佬相伴暈曬浪😚😚

聽同事講開左間台灣野，甘就去試下食。 開係工業邨內新商業大廈，整體價錢吾算平～ 叫左碗蕃茄牛𦟌 +$3轉刀削麵 湯底ok, 蕃茄件有幾舊都ok，餸既量係足夠，味道都幾好的，如果有蕃茄湯就更好，同埋麵量絕對吾夠，得好少！重點係我另點一碟菜芯，不是加配$15一碟，結果得到5條菜芯我真係有問老闆娘/女侍應，係咪$15真係得5條，佢地諗一諗答我係呀～ 好～ 甘繼續食！最後我係吾夠食。 大家食量少可以試下既，食量大就免了

九份食府是在元朗工業邨附近的一家樓上餐廳，餐廳很小，但很有愛。鮮茄牛肉湯米粉，番茄是紅燒煮過的，味道濃郁，牛𦟌份量足，味道也很好，米粉是台灣新竹米粉，十分幼細。再加上一杯檸檬香茅熱飲。這樣的午餐很滿足。

一段時間無來吃，今日有朋友過來想吃台灣嘢，選擇比之前多咗喔。豬軟骨米粉$49，豬軟骨燜得夠淋，米粉係用台灣新竹米粉，味道唔錯。黑麻油雞球拌麵$45，麵係台式粗麵，少少彈牙，雞球麻油味唔太夠。肉燥飯份量比較少，如果多返隻滷蛋就更好啦。台灣腸燒得好香，好味。珍珠奶茶都幾好飲，不過跟餐要加$18就有點貴。

食厭左元朗站連鎖食巿，不妨過朗屏站搵食。離朗屏站幾分鐘路程既虹方就新開左唔同新食肆，屬樓上舖。由於新裝修，餐廳乾淨企理。牆身有插畫師畫上左有關台式食物的插畫，色彩繽紛，感覺和諧。環境、食物、價錢都幾平均，經濟之選。🔸台式黑麻油雞球拌麵 $46黑麻油好香，味道適中，唔會太濃。雞球啖啖肉，拌麵份量多，亦有唔同配料，幾豐富。🔸滷水雞翼三隻 $25唔算特別平，不過支持小店黎講都OK。滷水入味，帶有花椒八角香味。🔸原味手抓餅 $21本身入面有沙律醬及生菜，另外可加配芝士/雞蛋/肉鬆/蟹棒/火腿/粟米。每樣$3。今次加左肉鬆。手抓餅夠酥，咬落生菜好爽脆，整體唔錯。🔸台式香腸 $28屬迷你香腸，有四條。幾香，中間有咬口。但唔算好彈牙爽口，不過不失。小食價，幾個人分黎食都OK。．by VIN環境分數: 7.5/10食物分數: 7.5/10

今日與友人經過朗屏，知道附近有新商場，於是上網找找有什麼吃的。剛好看到有台灣菜，附近也沒什麼餐廳，抱著試試的心態吧。店內位置不多，目測5-6張枱，小型但眼見乾淨，光線充足。店員服務是ok的。至於食物，紅燒豬軟骨伴麵，豬軟骨份量頗多，比較肥，都算入味，可是伴麵卻似是減了湯的份量，水水的，而且沒什麼味道。。。紅燒牛肉湯麵，湯也是淡淡的，沒什麼味道，以為是彈牙的麵，好可惜，比較失望的午餐，覺得真的是有待改善。而友人的秘制醬汁五花肉片反而出色得多，肉有酒香夠香口，配飯很好入口。另外餐飲不包，需另外加錢，特飲另加$18，不化算，因此沒order, 沒能分享了。

牛骨湯味道剛剛好，不會太重好味。牛肉亦煮得軟硬適中,食得出是用了好幾個小時慢火煮出來的。餐後還可以添加特色台式甜品｡在這個元朗工業區裡，找到這些隱世小店實屬難得。

去朗屏搵個朋友順便附近食下野醫肚，見到新商場虹方有幾間餐廳。2樓開左間台灣野，d裝修幾可愛，簡潔乾淨就去試一試。我叫左豬軟骨麵，朋友叫左蕃茄牛展麵， 仲有花枝丸同台灣腸。而家仲有40令蚊既麵真係難搵。豬軟骨同牛展都好淋好入味😍ok wo!佢d配菜唔少，有菜心、豆角，冬瓜同酸青瓜。平時出面餐廳d麵得兩條菜，呢間配菜有咁多樣都幾用心😍👍叫左桂圓紅棗茶同香茅檸檬水，幾好味，後者好清新！比起d連鎖店，我更欣賞有人情味的小店，d店員好熱情好nice! 態度好重要，好驚d西面waiter ，好彩呢間無。 下次再食過先。 支持小店😘👍

星期天來到朗屏「虹方」，無意中見到樓上食店「九份食府」，決定一試。我和朋友各點了一道麵，我點的是紅燒牛肉麵，朋友則點了豬手麵。我一向不太喜歡中式豬手，但這裡的豬手味道不錯，不會感到肥膩。而我點的牛肉麵更是非常美味，牛肉湯底沒有味精，老闆娘跟熟客聊天時我聽到的，喝完湯也不口渴。麵量不算多，作為一頓「輕食」，也就差不多。還有胃納可以容下甜品。選擇了仙草芋圓凍。仙草頗大塊，芋圓口感很Q彈，糖水似乎是黑糖製的，跟一般糖水不太相似。這道甜品份量不算大，但吃完即感到幸福。

吃過兩次哩間台灣小店，麵嘅口感唔錯，同平時吃開嘅台灣麵有d唔同，幾特別。滷肉飯味道幾好，如果份量多d就好啦！豬軟骨同豬手都炆得好入味，唔錯。最喜歡飲香茅檸檬水，好好飲，兩次飲完喉嚨都好舒服。不過食物種類選擇無算多，希望可以繼續進步啦！

週四晚上唔想離家太遠，得知虹方新商廈入面有幾間新食肆，其中一間係要上樓既九份食府🇹🇼入到新束束既商廈二樓，打開lift門用鼻就搵到舖頭🤣 小店唔太大入門左手已經係水吧加廚房，舖頭大約坐到廿人，但座位唔算太迫夜晚8點黎到一個人包場，畢竟係工業區晚上，仲要新場人流未足😯Menu 有番台灣店風格，選項唔駛多👍 但被告知飯賣晒😫😫牛肉麵🐂先到，湯底頗重花椒八角味，牛肉係散開有碎塊🤔 但做到好入味👍 係台灣既古早味，麵質稍淋😑 上枱賣相都唔差台式花枝丸🦑溫度稍嫌未夠熱，饀料係有原粒墨魚😯至於杯蜂蜜柚子茶，無好好溝埋佢😣新店好多地方有待進步，望店家可以慢慢做好，係九份身上係有少少香港少有既古早台灣味因子👍新店有做特價，全單平3蚊，埋單一人78，尚好👍