九井壽司 (已結業)

第一次食咁難食嘅壽司真係食放題都好過佢 一睇啲食品用料就知係垃圾用埋哂啲平野 但係個價錢仲貴過出面嘅價真係難食到連相都唔想影首先講下個 八爪魚小食 完全係未解凍嘅食落去呢就好似食緊冰一樣 又要冇味 每一件壽司啲飯都係勁散 輕輕力夾已經鬆爛哂完全係搞唔掂 蟹肉蟹膏軍艦 啲蟹肉好似擺咗10年甘 乾到好似食緊紙巾碎 三文魚子超咸 咸到飲豉油甘三文魚油金魚帆立貝呢啲正常 講真食爭鮮仲好過呢度六點半入到去食咗唔夠一個鐘就走 啲食物完全唔想encore價錢貴少少唔緊要 難食嗰下至緊要

我地3個大人加2個小朋友玩完就去左九井壽司 諗住坐得舒服啲 咁我地就叫左以下既食物 整體黎講我覺得唔錯 最令我驚喜既係吞拿魚呀 拖羅呀係比我想像中好食 因為佢呢個價錢食到呢個質素我覺得相當唔錯 仲有一樣好驚喜既野就係無啦啦會話我地中左獎 我地中左1句Qoo蘋果汁同1支益力多 其實係點先有機會抽獎既呢？定係有小朋友就會有？

咁嘅價位，俾咁嘅質素。同連鎖超市外賣壽司無異，甚至乎可以話係差過超市，壽司刺身完全唔新鮮都算，仲要係無味，只有凍冰冰！💩相都廢事影！因為真係太垃圾！除了食品完全垃圾級別，最大「亮點」係：咁嘅價錢，竟然只提供包裝芥辣，同埋即沖茶包，真係大開眼界！豉油又淡而無味！🤬只可以話如果有人用「爭鮮」同佢比，有欠「爭鮮」一個公道！🤦🏻‍♂️一人消費只叫了七件壽司同一客刺身，埋單都要$200幾！😨如果要去呢間嘢食，真係不用浪費時間同金錢！超市壽司比價比都高佢幾倍！

突然想食壽司就搵到附近有九井壽司，去到見到門口有個櫃係比小朋友拎玩具玩，幾得意。三文魚陣味真係唔同啲架喎，有日本食嘅味，可能太掛住日本😂火炙左口魚邊超香！ 無燒到溶曬仲有啲咬口。Set嘅壽司都唔差，八瓜魚又真係似係日本食嘅味同埋唔韌。烏冬就。。。。家庭裝烏冬果啲囉，哈哈

星期六大概12:30到達，可以直入，餐廳裝修好靚，以列車為主題，左手邊係車窗設計，右手邊是地圖設計，入口處有小朋友玩樂區，提供圖書及可以免費拎一隻公仔。餐廳設有小朋友餐具。整體壽司同刺身都比較新鮮，海膽魷魚軍艦，海膽味濃，可惜今日海膽賣晒，見到好吸引，下次一定要再試下。軟殼蟹手卷軟殼蟹份量比較少，屬於香脆有蟹膏。鵝肝壽司值得推介，鵝肝份量適中，外脆內軟，好Juice，唔鹹，煎得剛剛好。蟹柳卷賣相一般，唔算好整齊，飯鬆軟。牛肉拉麵值得推介，牛肉肥瘦適中，拉麵湯底濃郁，拉麵軟硬度適中，吸了湯底，好啱我口味。

餐廳有大概10張卡位，如果想等卡位可以特別向服務員表明，餐廳環境設計好靚，好友列車嘅特色，但係服務一般。黑松露牡丹蝦，牡丹蝦大細適中，有蝦嘅鮮味，但係黑松露蓋過了蝦嘅鮮味。鹽燒雞中翼，賣相幾靚，唔算好鹹，但係勁少肉，骨多肉少，味道唔錯。蟹膏蟹肉軍艦，蟹肉嘅份量比蟹高多，蟹膏味濃，蟹肉新鮮，紫菜唔會冧，飯唔會太硬。餐廳係自助點餐，提供電子屏幕板點餐，但係固定位置，唔方便，反應有點慢，每點四樣嘢就要落單，然後要睇完個動畫先可以再下單。

呢度係一間親子壽司店，大部份都係家庭嚟食太陽號（兒童餐）$48呢個兒童餐有三件加州卷+三件炸雞同埋一啲卡通造型嘅日式魚蛋。炸雞上枱仲係熱辣辣，應該炸咗冇耐。卡通魚蛋主要氹小朋友，係幾吸睛；加州卷就一般水準，跟餐仲有附送支益力多整體來講都好啱小朋友口味你睇吓細佬壽司推介：黑松露帆立貝壽司 $46黑松露好香，帆立貝都好大隻，幾鮮味整體來講都幾好食油甘魚壽司 $32油甘魚好大塊，食落有鮮魚油香味，啖啖肉唔錯赤海路壽司 $27赤海路好大件，啲肉好厚身，都幾鮮味，好味道海膽魷魚軍艦 $26海膽同魷魚份量算多，海膽都幾鮮味，好大件，抵食嚟呢度最開心係小朋友，食完仲可以喺門口揀返件小禮物先走揚揚整體評分：8/10揚揚環境評分：7.5/10揚揚味道評分：7.5/10揚揚服務評分：8/10揚揚抵食程度：8/10揚揚返食機會：8/10

收工喺附近想搵間壽司舖食見到附近只有MegaBox有膽粗粗入去試so far 正常但豉油唔夠味 茶都冇味壽司方面avg再上啦無特別推介 樣樣正正常常 //🐈🐈🐈🐈今日食左咩🐈🐈🐈🐈三文魚壽司黑松露帆立貝壽司特色脆炸吉列蠔花之戀味付芝麻八爪魚濃芝士軟殻蟹卷酥脆軟殼蟹手卷熟蝦壽司蟹子軍艦 Total $326 2人 8成飽無咩其他啱食 冇繼續叫——————————————————味道：7/10服務：6.5-8/10(有個好 其他Bad)環境：7/10價錢：6.5/10回頭：6/10 (係附近想食壽司個陣)

一向都好鐘意搵唔同嘅壽司店試吓，因為以前去見營養師，話壽司係好好嘅外出餐飲選擇⭐️係比較低脂之選～所以出街好多時候揀食sushi！九龍灣megabox偶然遇上九井壽司，望上去裝潢令我諗起日本，日本又係有呢一種自助列車壽司，而且乾淨企理，坐得幾舒服嘅。自助點餐，每叫四樣野就可以抽獎🥳但抽唔中🥲🤣好似日本食100yen壽司咁，都有得咁玩！見隔離中咗獎有飲品送咖～壽司質素唔差啵，軍艦壽司脹卜卜好足料，樣樣都新鮮，帶子，玉子睇吓都幾厚肉，新鮮肉質。仲試咗呢一款醬燒帶子 $38一串有4粒共兩串，都燒得唔錯，調味剛好，又唔會燒燶晒。仲喺呢到食到好耐無見到嘅牛肉薯餅！！味道唔錯，炸粉薄薄的，食落又唔油膩👍整體全部食物都好，滿足一餐😋

去親megabox都多數行某大型傢俬舖 平時多數會係個到食埋野 不過今日又唔太想食西餐所以上網搵下有咩食啦 就發現到9樓既九井壽司啦！我地2:00上去醫肚既 竟然剛好遇上下午茶 套餐有8折 折完大約$5x左右已經有個丼飯 真係超級抵 所以就同老公一人嗌個set 再散點幾款壽司食啦用iPad落單 好快就係輸送帶到送到黎啦 如果bb大個見到火車送食物應該會勁開心😃下午茶三文魚刺身盛$54真係好抵食 有蟹子沙律 三文魚刺身 4件壽司🍣重有個烏冬 真係性價比超高 重要係好食 夠新鮮下午茶雜錦刺身丼定食$62又係超抵食！！！有刺身飯 又有沙律又有麵豉湯 講返個井先啦 三文魚甜蝦八爪魚等等全部都有兩塊 真係好重本吞拿魚壽司$22色澤唔錯 吞拿魚味都幾濃🤤油甘魚壽司$22不過不失劍魚腩壽司$25超超超超超好食😋油脂好豐富 真係必點火炙鹽燒鵝肝壽司$28鵝肝係好食嘅 不過就燶咗少少🤏側邊位大少少苦🤔極上大拖羅壽司$35嘩入口即溶喔 最後黎個大拖羅做總結 大滿足～下次黎9龍灣都一定係到食 實在太抵食啦 性價比極高👍🏻👍🏻👍🏻👍🏻👍🏻👍🏻專送比小朋友❤️❤️

前兩日陪個fd去咗megabox 行BB展，行完之後就梗係去搵食啦！見到呢間「九井壽司」門面同裝修都幾靚，門口又有d好日式嘅擺設，於是就衝咗入去！除左壽司之外，佢d炸物同燒物都幾吸引！我地就叫咗以下幾樣.日式芝士年糕：熱辣辣，超好食！芝士味濃，口感又夠煙韌，呢個必食！炸蟹餅：同樣夠晒熱辣辣！炸物真係要咁先正！蟹餅都幾彈牙，味道就同平時食開既無咩分別！正常水準！鹽燒雞翼：呢個我幾鍾意，佢燒到塊雞皮脆卜卜，咬落去真係外脆內軟！就咁簡簡單單用鹽燒已經好好食，又夠味！海鹽燒油甘魚餃：平時食開都係三文魚多，油甘魚真係好少見！又幾厚肉，油脂香味唔會輸比三文魚！有驚喜！同埋size都唔細，$62都抵食！除左炸物燒物，又點少得叫壽司呀！我地叫咗三文魚腩、帆立貝、鰻魚、海膽花之戀、紋甲魷魚同埋珍寶赤蝦！壽司整體都唔錯，夠新鮮！赤蝦必食，真係珍寶size！一件有手掌咁大！另外朋友仔係海膽迷，佢見到隔離枱叫咗個迷你丼飯，又忍唔住口😂呢個三文魚籽海膽迷你丼，一人份量真係啱啱好！海膽新鮮，口感Creamy！三文魚籽調味啱啱好，唔會過咸，配飯一齊食真係一流！以後去megabox 行街，

今日同老公行完IKEA, 想找個舒適地方休息，壽司當然是我的不二之選😜原來MegaBox這裏也開了一間特色火車主題餐廳👍🏼店內都以海洋列車為主題，以藍色為主題，食物都是用平板電腦點，然後很快就有列車送到面前，非常有效率👍🏼👍🏼火炙左口魚邊壽司左口魚邊經炙燒後，表面焦黃，充滿魚脂香味，魚油滲落飯粒，整件壽司吃起來就是享受。火炙三文魚壽司也是我的最愛，火炙後的三文魚焦香，咬下時魚肉軟綿綿的，魚油再滲入飯粒中，火炙系列是我的不二之選😚蔥吞拿魚蓉壽司吞拿魚茸的份量不少，配上蔥花後更提鮮😚，我和老公各要一份😆突然變了吞拿魚狂魔，見到吞拿魚卷物再點🤣味道不錯，加上青瓜後，再清新一點🤤豬軟骨拉麵豬軟骨大大件，是滿滿的骨膠原呢！還配上糖心蛋，非常流心，好吃。拉麵的軟硬度適中，彈牙👍🏼

—📍九龍灣 Megabox 👩🏻‍🏫近排實在太忙 都冇好好地咁食一餐 終於終於前兩日收工去左食餐好 又行左陣街 心理先平衡番少少😭😭❤️個日去左九龍灣食野行街 咁耐冇黎 原來開左好多新餐廳😲😮 見到有迴轉壽司🍣就入左去食 @九井壽司 #九井壽司 試左好多款 有幾款想推介比大家食🤣🤣#火灸鹽燒鵝肝壽司 🌸鵝肝切得好厚 咬落去爆油 夾埋啲醋飯 中和番👍🏻 #帆立貝龍蝦沙律卷❤️帆立貝好鮮甜 龍蝦沙律好足料 加埋蟹籽係面 豐富口感#吉列牛肉薯餅🤩薯餅新鮮炸好 黎到熱辣辣 咬落好脆 入面好多薯蓉同牛肉粒 薯餅好大塊 先$20好抵食 必食！#火灸三文魚壽司🤤用火槍燒過之後嘅三文魚油脂感豐富 加埋蛋黃醬 👍🏻👍🏻睇番菜單發現午餐會再抵食啲 又有定食 大家下次可以黎食午市🤣🤣————九井壽司 (九龍灣)九龍灣宏照道38號Megabox 9樓25號舖#winfat#winfat九龍灣#winfat九龍#winfatmegabox

行開Megabox經過試下依間，以列車為主題的壽司店別具特式。點餐用平板電腦，送餐由小列車代勞，相當自動化。點了四款美食後會有小驚喜，隨即有小抽獎，抽中了支益力多。美食價錢都算經濟，埋單三百蚊有找~炭燒味醂魚干 $32入口煙韌，甜甜地香口惹味，沾埋沙律醬更美味，作為餐前小食的確不錯。 炸九州南瓜薯餅 $20薯餅外層酥脆，餡蓉豐厚味道甜美，啖啖滿足好味好味。燒芝士餃子雞翼 $32雞翼脹卜卜餡肉飽滿，雞皮燒得香口，啖啖肉食得好滋味。炸蟹餅 $28外層金黃香脆，餡肉口感爽彈不油膩，配沙律醬更佳。 燒鰻魚卷 $38鰻魚唔算厚身，勝在夠長包晒飯卷，餡料仲有玉子和青瓜，口感豐富。皇帝蟹棒壽司 $20 味道鮮甜口感綿密，啖啖肉好味。火炙鹽燒鵝肝壽司 $28一嚐鵝肝滋味，味道還可以。火炙始終沒有煎香惹味。濃芝士軟殼蟹卷 $38餡料蟹肉唔少，爽脆口感加埋面層芝士蟹籽和火灸芝士，芝味十足。鮮．蟹肉蟹膏軍艦 $28絲絲蟹肉加埋蟹膏，咸鮮美味。鮮特色至尊海膽 $35海膽鮮甜口感creamy，唔係細細件食落滿足。

次次去親九龍灣都會好想食呢間壽司，記得以前黎親都會排長龍，而家疫情反而少左人，但其實佢既水準都keep到！我地叫左好多壽司，大部分都好新鮮，一落完單過一陣啲野食好快就係迴轉帶度送過黎。仲要讚下佢壽司size適中，帶子、赤蝦個啲都大大隻，仲要好新鮮，完全唔呃稱。最鐘意係佢既吉列蠔壽司，蠔炸列好鬆脆，咬落去完全感受到個種外脆內軟既口感，不得了，而且紫菜都好脆唔係林的。吞拿魚壽司更加係入口即融。所以，呢間鋪我絕對會encore！