樂都冰室

营业中

休息中

呢間餐廳泊位方便， 附近總有個位比你停， 仲要吾收錢， 所以附近好多村屋朋友都喜歡渣車過黎食。由於佢價錢吾價，份量大， 味道都吾錯，一個好飽既早餐都係40蚊有找。 所以經常排哂隊， 而且室內座位比較密， 坐得會較辛苦。

元朗爾巒 入面嘅天空之城 有一間冰室 永遠都有咁多人 佢個名就叫樂都冰室 佢有室內同室外嘅位置 通常 室外嘅位置就比較多人逢星期六日都會塞滿曬人同埋排隊可能因為佢哋嘅食物 份量非常充足 好似一個早餐 你可以配一個通粉另外再加一隻熱狗 或者係 一個麵 再加一件三文治粉麵大大碗， 三文治都係用厚麵包真係兩個人食都夠呀再加杯嘢飲 價錢係略嫌貴 但係以佢嘅份量 都算ok啦 食物嘅味道唔錯既另外值得一提佢哋有自家製麵包每次見到嗰啲好大個嘅菠蘿包 雞尾包 都會覺得 佢哋做得比外面嘅麵包鋪 更加靚 更好味

呢個位於元朗錦田嘅天空之城裏面嘅樂都冰室 咁地方就係隔涉少少啦 不過呢佢裏面有條私人路呢咁樣都可以拍到車唔會畀人抄牌嘅 佢呢度坐低啦就會畀搵大碗嘅中式湯嚟嘅就都好足了㗎個味道都好鮮甜嘅(見我飲哂先記得影）🤣咁唔錯嘅值得到此一遊站 👍🏻今次我就食咗佢呢個海鮮白汁焗飯啦 佢即叫即焗啦嚟到嗰陣呢嗰啲碟邊呢仲有*字字*聲有啲 譜走出嚟嘅 非常之熱辣辣 咁佢個白汁同埋啲餸都好好食啦 😊野飲都ok唔錯嘅 值得幫襯（有車既話或住附近）

設有露天地方，非常方便寵物，但係亦都有機會有食煙嘅顧客，所以大家留心，嘢食方面係正常嘅，冇太出眾嘅表現，價錢有啲貴，用料上邊食得出唔係有太大嘅分別，雖然餐牌寫嘅係西班牙豬

去附近露營又未食晏，所以嚟呢度食個下午茶填填肚。第一次嚟呢度食嘢，泊車都幾方便。都幾鍾意佢室內新舊交集嘅裝潢，本來想坐室內。但係個侍應就話佢哋要做嘢。咁就唔准坐裏面，咁我哋唯有出去食西北風。下午茶其實都幾多邪惡選擇，朋友選咗蔥油雞扒撈丁同埋牛脷煎蛋出前一丁。牛脷其實冇乜特別，一來無味又乾，不過隻煎蛋係有啲隨便嘅。反而加咗佢個辣椒蒜蓉醬就突然出色咗，都係個配料救咗個麵。跟住個邪惡蔥油撈麵，雞扒尚算正常，個蔥油又真係做得幾出色不過如果多番少少就好啦，因為唔夠撈麵，其實食嘢期間我都走出走入室內攞野。就係唔見佢喺裏便所謂要做嘢嗰幾張枱嗰度做嘢，所以唔俾坐室內都唔知咩心態🫠

好奈冇去過大西北, 仲要將軍澳人晨早流流入去踩單車。 我地十二點左右係天水圍出發踩到上水， 路程話長唔長，但係就食左好多野😂。 途中經過錦田， 有條街超多餐廳， 咖啡店。 見到樂都冰室裝修都幾chill, 竹林般既設計引人入勝。下午茶餐選擇都算幾多， 上至日式冷麵 ，下至港式公司三文治。 雖然價錢比平時食既餐茶貴，但食物質素及份量卻在其上。大大份既三文治，兩個人食都飽到上心口同埋另人驚喜既係，呢到既奶茶比出面茶記既更香濃，更有港式風味。用既不只是錫蘭紅茶，仲有伯爵茶香， 又不失奶香。 超多料， 而且麻醬一啲都吝嗇， 超邪惡之選。而且雞疑似係手撕雞， 雞味香滑可口。今日最讚嘆既係， 冇諗過簡單既西多士，好似兩塊面咁大份，切開裡面係kayan。 加上牛油同糖漿邪惡得尼又惹味。附上元朗美景

坐低落單之後15分鐘後張單全部落既野都係錯既！餐點黎到又錯 賴我地轉枱 根本冇人郁過🫠男侍應黎幫我地check單 同佢講全部錯既 以為佢拎張單入去幫我地跟進返 原來乜都冇！最好笑係有個女人行過黎問我地張枱點解我地乜都冇 我都想問返你地轉頭？叫返個男侍應出黎 原來淨係拎走左我哋張單 乜都冇幫過我地做😡坐左45分鐘原來冇落過單 未食都一肚氣😓😡😡😡😡😡😡😡😡😡😡😡😡😡😡😡😡😡😡😡

📍樂都冰室📍💡元朗放假就係時候做運動，踩單車中途經過呢到食埋個早餐先醒神早餐 A+B($46)🐥A客家手撕雞麵 原來客家手撕雞係砂姜手撕雞，不過配麵真係第一次🐥B美式漢堡蛋包包入面有蕃茄、煎蛋、漢堡扒，一上枱大大份有驚喜🐥B香脆奶油豬奶油豬真係又香又脆，個包夠大個牛油香，如果煉奶量多dd就真係完美🥰🥰好多人都帶埋狗狗一齊食🥰#元郎 #元朗美食 #美食推介 #香港美食 #美食 #hkfoodie #hkfood #hkbreakfast #hkfoodie #hkrestaurant #hkiger #hkfoodstagram #hkfoodlover #hkig #hkfoodshare #foodiesinternationalchat #globaleats

原本係元朗都幾十年不過都係初次幫襯抵食之選 早餐（A+B)只不過$44🔆生滾牛肉麵嫩滑生牛肉份量都算好足湯底剛剛好 唔會太咸🔆手撕雞麵香口肉質睇落好似唔係好多但可接受🔆美式漢堡蛋包 （加$2）烤到香脆嘅麵包鮮蕃茄蛋安全配搭份量都算大早餐單食都好夠飽😂🔆奶油豬無得輸既奶油豬夠哂香脆不過鍊奶份量略嫌不足如果可以多到漏 就好啦（甜控）🔅熱華田🔅凍鴛鴦（凍飲+3）啡茶比例剛剛好😋唔會太水或太淡整體來講好滿足周末十點零鐘上菜速度快坐位唔係話好多不過好彩都唔使等而且係pet friendly 另外仲有新鮮麵包可供選擇

可以比狗去嘅餐廳真係買小見小天空之城都算係一個我成日去嘅飯堂今次介紹嘅係一間普通嘅茶餐廳野食大件夾抵食狗狗又坐得，lunch set 都係$60~$80夠大份，食完可以去放狗去玩weekend 會多人小小，可能要等位平日就位都唔洗等餐廳裝修完無耐，環境ok，衛生ok，服務正常，比平時茶餐廳好不過夏天坐出面又真係熱左小小，好在有小小風扇，今次食左個炸蝦炒意粉，lunch set 好多個同日日唔同，自己去選擇你想食嘅set總結，野食味道都正常，有份量價錢合理，可以比狗入，泊車易，附近又有得放狗種種因素，就變相做左我嘅飯堂

今次帶埋狗狗出嚟，近近哋又去咗天空之城搵食。今次隨便食就嚟左呢間冰室。喜好濃味菜既我哋，都叫左咖喱牛腩。事前響openrice睇左d相，未到埗已經不斷話要試個咖喱牛腩撈丁；朋友就叫左個咖喱牛腩飯。如果想試撈丁既，要留意返好似只有下午茶時段提供。唔好以為都係咖喱牛腩就一樣，撈丁有加左d炸蒜，所以食落好香口，多左一層味道。睇落好似唔大碗，但其實食落都幾「漏」，都差d食唔晒。飯的話可以大大啖咖喱汁配飯食，所以都好惹味。但係稍嫌牛腩有d鞋，我最後都剩左兩三舊冇食😬

擔仔麵配菠蘿油🍍🧈好好味😋擔仔麵用丁麵，加啲肉碎，個味似擔擔麵不過唔辣，清啲；菠蘿包好脆，暖暖地好新鮮，配大大舊牛油，好邪惡但忍不住口😋沙嗲牛肉麵配芝士蛋菠蘿包🧀🍳🍍🥖沙嗲牛肉麵無得彈，湯低好入味，但唔會好鹹。芝士蛋菠蘿包係每次必點☺️太抵食，大大份，食完超滿足！

朋友介紹天空之城呢個位仲有其他好嘢食過黎試下，佢地特別推介咖哩同焗豬扒飯。黎到係下午茶時間，叫左個咖哩牛腩撈一丁，同朋友散點左焗豬扒飯加雞蛋。飲品就凍檸樂(+$5)，朋友散點的焗豬原來飲品加多啲錢先有，凍朱加左$10。 咖哩牛腩撈丁，黃咖哩超香，汁多，可以令每條面都撈到咖哩汁，薯仔腍，但牛腩真係好唔掂，肉硬，唔腍，首先係部位唔係靚牛腩，第丁炆得唔耐，真係令成個撈丁大打折扣。牛腩真係好俾心機整先得，商業環境如果唔容許 不如整返咖哩牛肉、豬扒、雞扒，作為食客，我寧願食塊好食的牛肉，好過夾硬食舊起咋渣的牛腩。到左焗豬扒飯，呢個豬扒要一讚，厚切好有咬口，肉質腍，而且仲保留有肉汁。而焗飯汁則茄汁酸甜適中，飯粒分明，炒飯底可以再炒香少少。

之前都有嚟過這裡，但今日遇上位長髮紥馬尾嘅阿姐，很不友善，甚至乎出言寸客人。首先，舉手準備叫人落order時，呢位馬尾姐見到唔應我，我咪繼續舉住手，睇吓有冇其他人回應啦，點知馬尾姐，係我隔離張枱抹枱，然後就同我講睇到啦知道啦我咪係你隔離囉。跟住，馬尾姐上錯咗個炒河粉比一枱客，我見住個客已經放咗隻义落去，但我見唔到佢有冇食過，呢位阿姐收返碗炒河粉入廚房，而不是倒咗去。另外，我嘅order遲遲未到，我就叫咗一聲阿姐，想追order，馬尾姐就回我二句，話會幫我追，然後仲要大大聲話佢唔係阿姐喎！ 一肚氣！

早餐牛肉麵同奶油豬必食，奶油豬好脆，好好食，牛肉麵有葱，湯底濃，好入味，座位都好舒適，星期日早上比較多人排隊，而且可以帶狗入餐廳，吸引唔少有寵物的主人去食，總之食物質素高，值得去