樂融融手工麵

营业中

休息中

這間小店，裝修簡單，平日經過都不起眼的。咁啱日前打算用app叫外賣，在附近餐廳名單中見到呢間食麵的小店。見食評同餐牌都可以一試，咁啱又巴士站對面，就直頭入去買外賣。揀左牛肉香菜通心麵，麻辣牛肉湯底，加雪花肥牛。個湯底好香，有麻辣味，好惹味，通心麵應該有味，但可能湯底太濃蓋了原本麵味，都有幾多菜做底，幾好👍🏻唯一係麵太碎，如果可以原條會好好多。另加$10有個口水雞，都不錯，抵。個底仲有好多前菜絲，非常之好。

樂融融手工麵 (西環)西環皇后大道西345號地舖中間好似通心粉，是中通架麵你食過未呀？好得意呢度就係賣呢種麵啦！中間可以令到更彈牙，又更索湯汁呢！蕃茄湯酸咪咪好開胃，跟一個叉燒做餸我點了個撈麵， 有青瓜同carrot ,野味鴨絲，更岩夏天食！仲試埋個湯麵，$42 蝦仁黃瓜餡夾心麵，個麵咬短當飲管咁吸湯，haha ,食得好過癮呀加個干媽雞絲，就是干媽醬，勁好食滋味濃郁樂融融手工麵 (西環) 專做外賣，好抵食又少有

位於西環的港式麵食店，以外賣為主，食物款式不多，主打夾心麵條，很特別。麵條分別有招牌推薦的涼拌之選，亦有熱湯，有四款湯底選擇，各有特色。套餐更加划算，麵食主食套餐可以任選一款配料，有肉、香腸、丸子類等，還送上紙包飲品。帶餡麵條： 鮁魚餡夾心麵湯底：惹味酸菜湯這款配料選了魚片頭，湯底是酸菜湯，金黃色色澤，酸菜湯底很濃郁，酸酸辣辣，非常過癮。麵條帶點韌性，而且裡面空心的設計，更掛湯汁。帶餡麵條：涼拌鮁魚夾心麵拌醬料可選蔥油或甜辣，拌上香蔥油，惹味非常，每條麵條都沾上醬汁，焦香又彈牙。配料還有青瓜絲、紅蘿蔔絲及自選的白魚蛋，更添口感。小食：麻辣手撕雞一份小食配麵食，很豐富。麻辣醬淋上面，雞絲份量適中，底下有芹菜、青瓜絲等。

第一次見夾心麵 見到即刻吸引咗我眼球好似發現新大陸一樣 樣樣都吸引 一於點兩款唔同嘅口味即叫即煮 想食就要耐心等候啦💁🏻‍♀️其實好似車仔麵咁可以自由配揀咗一款夾心麵 再揀一款配菜同湯底💁🏻‍♀️骨湯牛肉洋蔥餡夾心麵配牛丸💁🏻‍♀️香辣牛肉湯蝦仁黃瓜餡夾心麵配腸仔+口水雞夾心餡嘅口感有啲似食乾身版意大利雲吞個餡～牛肉餡食落較濃味 蝦仁餡比較清新香辣牛肉湯其實係四片麻辣湯 勁香濃惹味想食輕怡啲 推介骨滑 夾心餡嘅味道會更加突出腸仔係用我最愛嘅廚師腸 牛丸多肉汁夠彈牙口水雞雖然只係加$10 但超級大份 唔加就笨了

樂融融手工麵係一間隱世小店，由香港老闆親自設計出嚟嘅創意手工麵，真係有啲特別！呢度嘅手工麵唔單止係外型有創意，仲係夾心麵，餡料包喺麵條入邊，咬落去真係有驚喜。牛肉香菜餡夾心麵配雪花牛肉 $49，湯底係濃香蕃茄湯，味道酸甜濃郁，雪花牛肉片嫩滑帶嚼勁，加埋麵條入邊嘅香菜牛肉餡，層次豐富，幾有趣。另一款 鮁魚餡夾心麵配牛丸 $49，湯底係每日熬製嘅骨湯，湯頭濃郁有骨香，牛丸彈牙，而麵條入邊嘅鮁魚餡鹹香帶鮮，幾有海味風味。想加料嘅話，可以升級加 $10 配炸豬頸肉，炸到外脆內嫩，正！

近排多咗出去食，要減減磅，喺西營盤B3出口附近搵到一間比較清淡嘅手工麵店。😊😊招牌推薦涼拌夾心麵✨✨涼拌夾心麵可以揀用唔同醬料去拌，有辣又不辣，有蔥油同甜辣兩種口味去揀，十分大眾化。麵條價錢平民化，加幾蚊可以變套餐，配件康工房飲品一包。魚蛋夾心麵手工做的，現點現做，煙靭爽口，伴着青瓜絲，紅蘿蔔絲，花生及香蔥油，香氣四溢，清爽之選。涼拌手撕雞✨✨手撕雞肉質嫩滑，鹹香鹹香，十分惹味！伴着青瓜絲紅蘿蔔絲，中和了雞肉的油膩感。

呢間餐廳真係滿滿誠意，專注服務社區，特別為學生同長者提供$5優惠，幫大家慳埋慳，大派福利！👏主打嘅係 ，唔係普通入面包餡嗰隻，而係麵條本身就有味道，好有層次感！🍜 有4款口味俾大家揀：🐟 鮁魚風味🐂 牛肉洋蔥風味🌿 牛肉香菜風味🦐 蝦仁黃瓜風味湯底每日用心熬製，係用骨湯煮成，濃郁又健康！鍾意熱辣辣就揀湯麵，想清新啲就試下涼拌，總有一款啱你胃口！🍲✨仲有超抵嘅套餐，配埋一款餸，每日選擇都唔一樣，例如今日有牛丸同雪花牛肉可以試，仲可以加錢點埋口水雞同雞絲涼皮，真係豐富到爆！🍖🐓最抵讚嘅係每個套餐仲會附送健康工房飲品一包，無論係味道定格調都主打一個「養生」，食得開心又放心！💪💕呢間餐廳真係值得支持，過去試下就知有幾有心啦！🌈

今日睇完牙 路過見到係手工麵 入左去試下一入到店員非常熱情招呼我 見我第一次食 仲教我點嗌 推薦左我牛肉香菜餡麵 服務非常好我係外賣拎走既 特登叫左分湯店員都即刻做比我 唔洗5分鐘就拎得麵非常彈 好好食 我推薦牛肉香菜餡麵+酸辣湯+豬大腸$50都唔洗 仲送紙包飲品 值得推介