影片
又到食饭时间，上次食立哥见到对面呢间乐怡美食店d餐牌都好多款式，价钱都唔贵，今日1于黎试试啦。店面好细，店内得几张枱同埋位与位之间都算近，不过小店都系咁上下啦，最紧要食物质素，坐底睇餐牌，款式都几多，有饭有乌冬有汉堡有面，好多配搭。今日分别叫左个什排饭同鳗鱼蛋饭，2个饭都另外跟个忌廉蟹肉薯饼，什排饭超抵食，有猪排鸡排，法兰克福肠同1只煎蛋，仲有几条菜跟tim，2块排虽然唔算好大块，但都好够饱了，炸得都算香口，豉油汁另上，多汁少汁自己控制。鳗鱼炒蛋饭就较为普通啦，分开左3小块加个普通炒蛋，味道都ok既，但胜在抵食。跟餐既忌廉蟹肉薯饼都系急冻货无乜特别啦，但略为炸得唔够热要注意下。整体黎讲系满意既，有机会都想试下d汉堡。
继续阅读
因为太夜周围都收哂，所以想揾一间岩食既野都几难，行到一条巷仔度见到呢间好似茶记，但又食日本野既食店，胆粗粗试下。帮衬原因完全系因为女侍应定老板娘系门口热情介绍，所以入去捧下场朋友叫左个生姜猪肉饭，只碗好日本松屋feel, 虽然间店装修半点日本风都无，但只碗救一救返佢。猪肉好多，算系咁，但有点小贵，成五十几蚊，呢个饭系日本食只系最多收$35，不过就无野饮，咁佢而家包埋野饮，算啦，香港地价贵人工贵食落肉片都几厚，味道尚可，不过不失，无惊喜。之后我叫左芝士鸡扒炸虾饭佢个芝士汁有一督好怪鸡既蓝色汁，我朋友话而家兴，但我觉得好呕心，始终蓝色既食物不嬲都唔讨好，令人无食欲，所以佢呢个用蝶豆花调既汁，我唔buy sorry. 芝士汁，无乜芝士味，同出面既白汁无分别，连盐都唔知有无落，好淡，完全唔觉自己食紧芝士汁，希望佢之后会落返多d芝士啦。鸡扒 - 一般，正常炸虾 - 一般，正常莲藕 - 呢个几开心 因为好少见 无咁寡饮品都系香港典型茶记野，其实唔系好知佢定位系日本菜定茶记，好模糊，里面既装修摆设又好古怪，九唔搭八，但坐位都算系舒服，服务态度又几好，我估佢新开左无耐，所以仲未掌握到一间食店应该有既定位同风格，而家真系有d唔汤唔水咁。
继续阅读