樂天經典

营业中

休息中

🍽️ 樂天經典食評：南洋風味與小遺憾📍 環境與定位位於康城The LOHAS商場4樓的樂天經典，主打新加坡南洋中菜，裝潢具東南亞風情，座位寬敞舒適。餐廳以星洲蟹、炒飯等經典菜式聞名，屬中價商場食肆定位。 🍜 主食表現1. 海鮮喇沙米線 湯底濃郁帶椰香，喇沙醬風味正宗，配料含蝦、魚片等海鮮，但蝦肉新鮮度一般，米線吸湯後尚算入味。 2. 蝦球炒飯 即叫即炒鑊氣足，飯粒乾爽分明，魚子增添鹹鮮口感，屬招牌水準之作。惟蝦球尺寸明顯縮水，口感彈牙但分量稍吝嗇。 🍹 飲品雷區- 青檸梳打（+$18）：梳打氣泡感足，但青檸香薄弱，似普通碳酸飲品。 - 蘋果荔枝茶（+$18）：甜度過高，荔枝肉被糖水浸泡後失去果香，僅存人工甜味，屬明顯敗筆。 💰 性價比二人消費$160（人均$80），以商場餐廳而言尚可接受，主食質素合格但飲品定價偏高且品質不佳，建議單點主食避開特飲。 ✍️ 總結樂天經典的熱食仍保有一定水準，尤其炒飯類鑊氣值得一試。惟需注意： - 蝦球縮水：反映食材成本控制； - 加價飲品（如荔枝茶）性價比低，不如自備茶水； - 避開高峰時段可提升用餐體驗。 > ℹ️ 點

今天來到康城食個午餐，見到呢間野咁平（寫著$55就有午餐食）就試下。一入到去，點左2個午餐，分別系馬來海鮮粉同老鼠粉煲。味道不過不失無乜特別👌🏻。，店員系我地點餐嘅時候突然比2隻杯我地，但並唔系提供免費水，而是‘’強制‘’你要點飲品（$12豆漿）。原來，呢間店規定即使你唔點飲品，都要收返茶錢（$6），勁好笑。。睇返張單，雖然我地都expect要加一,畢竟生意難做，但是你收舊價加一($88嘅加一），會唔會過分左啲？說好的$55午餐，塊promotion餐單並無寫要以舊價加一、強制叫飲品，確是有誤導同投機取巧之嫌！結果，買單2位要成$147食物味道不過不失，但一定唔會再有下次。

餐廳座位闊落舒適，適合一班人或兩小口聚餐ღ 黃金軟殼蟹炸至金黃色，口感香脆美味，而且蟹肉肉質細緻吸引，惹味至極ღ 星馬金磚豆腐即叫即炸熱辣辣，豆腐充滿豆香、入口好嫩滑ღ 金銀蛋浸時蔬色彩繽紛，搭配咗新鮮蔬菜同金黃色嘅鹹蛋，令到成個菜式睇起嚟既美觀又健康。蔬菜的清脆與蛋的綿滑相得益彰ღ 家鄉炒麵線炒麵線香氣撲鼻，入口順滑唔油膩ღ 清心丸綠豆爽清心丸晶瑩剔透，韌中帶有彈性，食落清甜爽口ღ豆漿ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ

餐廳環境舒適 座位闊落 上菜快 晚市仲有二人餐揀 最近做緊蟹逅星洲主題 椒鹽香酥鮮淮山淮山爽脆加埋椒鹽嘅味道 令本身無嘜味嘅淮山變得幾惹味脆脆咕嚕肉咕嚕肉炸得幾脆口配埋甜甜酸酸嘅醬汁好餸飯胃口大開椰香咖哩軟殼蟹軟殼蟹啖啖肉 咖哩唔算好辣 易入口臘味炒飯臘腸臘肉炒成嘅飯 粒粒分明 再加上少少蔥花 幾有口感清心丸綠豆爽馬蹄片爽口 清心丸好軟糯 清甜解熱檸檬薏米水飲品有冷熱揀 酸酸甜甜 非常解膩🍽樂天經典康城路1號The LOHAS康城4樓415A號舖

選左688的2人餐，其中主菜（招牌菜）是一隻大蟹，單叫的話價錢是388。可是，期望越大失望越大。隻蟹係好大隻，但是只是個殼大，裡面空飄飄。。。。。。1個人食都唔夠，仲要2個人食。。。。。。唉。。。。。。性價比極低。。。。。。最先上是炒飯（味道可口），跟著炒生魚片（太咸，麻麻地），然後是蟹（如上面所述太失望，無哂心機），再之後是黃金豆腐（味道可以）。噢。。。。現在才發現還有一個甜品無上到，自己對單時無留意到，大概是因為後來無心機了。

今次去咗康城行街，見到樂天經典出咗兩款套餐優惠，嘩$688套餐包括蟹，有黑椒蟹、黃金蟹、辣椒蟹，仲有星洲黑胡椒螃蟹！😍之前去新加坡都未食過星洲黑胡椒螃蟹，呢個套餐可以兩個人食！螃蟹（四選一）星洲黑胡椒螃蟹上碟真係好香！爆香黑胡椒+蒜頭+蔥爆炒，黑胡椒味好香濃好入味，都會有小辣，蟹肉彈牙鮮甜，都幾多肉 前菜小食（四選一）蒜香紅海蜇頭海蜇頭口感爽脆,蘸上配有蒜蓉有少少酸酸辣辣嘅醃汁,味道清新無味精感覺 熱炒（八選一）泰式炭燒豬頸肉豬頸肉肉質香嫩夠薄身，有陣陣炭燒香，再蘸少少泰式酸辣醬,夠曬酸辣惹味飲品（二選一）招牌酸柑香茅凍果凍香茅味重，加埋奇亞籽冰，酸柑一齊食，味道酸酸甜甜好好味，健康又清新 飯與粉麵（四選一）臘味炒飯飯粒粉明偏硬，又唔會太油，都幾香口

新加坡名菜～必吃「星洲惹味胡椒蟹」🦀💦🥢😍..主打正宗新加坡🇸🇬 南洋中菜的「樂天經典」，糅合馬來西亞、新加坡、泰國 & 印尼等多國特色製作美食，以新派手法主理各種經典菜式🥢，真係有質素保證的❤️，每次黎食飯都很滿意喔！餐廳環境裝修具南洋風格，坐位舒適又闊落～岩晒同屋企人來吃飯，而且新加坡名菜一定唔少得食【星洲蟹】😍 厚肉多汁又鮮甜～價錢大眾化已經品嚐到南洋菜式，一客套餐已經很豐富了。【星洲盛宴 新加坡風味套餐】 $668前菜小吃 🔸蒜香紅海頭 (爽脆）新鮮螃蟹 🔸星州黑胡椒螃蟹煲厚 (肉多汁又鮮甜）熱炒小菜 🔸金銀蛋浸時蔬 (清爽 又下火之選）飯與粉麵 🔸蝦味魚子蝦球炒飯 (夠鑊氣 粒粒蝦子）星洲甜品 🔸清心丸綠豆爽 (清心丸煙韌可口）特色飲料 🔸檸檬薏米水 & 無糖豆漿 (有豆香）..×××××ש將軍澳康城路1號The LOHAS康城4樓415A號舖

之前經過比佢個套餐吸引到，5樣野食連飲品有$418 同$668，後者仲要有埋螃蟹，今次就叫呢個先😆星州黑胡椒螃蟹螃蟹有幾款整法可以揀，我地揀左星州黑胡椒螃蟹，好重黑椒味，鹹香味十足，辣辣地食落好過癮😋蝦味魚子蝦球炒飯魚子粒分明，飯粒炒得乾身，蝦都好彈牙，味道好足😆脆脆咕嚕肉我最愛既咕嚕肉💓外脆內軟，酸酸甜甜好開胃！星馬金磚豆腐金黃酥脆外皮包裹著嫩滑豆腐，口感對比鮮明，外脆內滑，椒鹽鹹味濃郁，而且有成10舊，份量都好多😛最後仲有甜品清心丸綠豆爽💓飲品揀左檸檬薏米水，夠晒消滯😆

最近，因為我生日決定要去慶祝，老公仔最後過嚟呢一間貴氣的餐廳，每一道菜都讓我感受到不同的風味和文化。星洲黑胡椒螃蟹這道星洲黑胡椒螃蟹真是讓人驚艷。新鮮的螃蟹肉質鮮嫩，黑胡椒醬汁濃郁，帶有一點微辣，完美地提升了海鮮的鮮甜。我喜歡用手撥開螃蟹殼，享受每一口肉的滋味，搭配一杯清爽的飲品，簡直是極致享受。黃金魚皮接下來是黃金魚皮，這道小吃外酥內嫩，口感極佳。魚皮的香脆和微鹹的味道，讓人一口接一口。這道菜非常適合作為開胃小菜，增添了用餐的樂趣。古早魚香老鼠粉古早魚香老鼠粉是一道充滿懷舊風味的佳餚。粉條滑順，搭配濃郁的魚香醬，讓人感受到家的溫暖。這道菜的調味恰到好處，不會過於油膩，卻又能讓人回味無窮。咕嚕肉咕嚕肉是我心目中的經典。外酥內軟的豬肉球，裹著甜酸的醬汁，令人垂涎。每一口都充滿了香氣，讓人忍不住想再來一份。這道菜的色澤鮮豔，視覺上的享受也增添了食欲。招牌酸柑香茅凍最後是招牌酸柑香茅凍，這道甜品清新脫俗。香茅的香氣與酸柑的清爽相結合，讓人瞬間感到涼快。凍品的滑嫩口感，讓人心情愉悅，為整頓餐點畫上完美的句號。

二訪樂天經典，因為胡椒蟹太好食，～位置方便喺康城站上面，坐得又舒服，今日收工去左食二人胡椒蟹套餐星洲黑胡椒蟹星洲黑胡椒蟹少少辣，好惹味，上次食完就係想再食，特登返嚟食～隻蟹都夠大多肉。脆脆咕嚕肉酸酸甜甜，咕嚕肉外皮香脆，有咬口，菠蘿🍍都甜彈牙，仲有d洋蔥粒好香口🧅黃金魚皮炸魚皮有黃金蛋黃鹹香，非常之香脆古早魚香老鼠粉煲老鼠粉即係我哋食開嘅銀針粉，一煲上熱辣辣～清心丸綠豆爽清心丸煙靭有咬口仲有啲一片片嘅馬蹄食落好爽提升咗層次～🍱樂天經典 (將軍澳)📍將軍澳康城路1號The LOHAS康城4樓415A號舖

睇戲前望到佢既餐牌有65折都幾抵食，再睇睇下見到呢個2人套餐$668包咁多野食就直接試下啦! 套餐可以叫既款式都多而且都係佢地既招牌菜，因為之前冇耐先食完鐵板豆腐，今次就轉金磚豆腐，份量同平時散叫係一模一樣咁多，而且即叫即炸熱辣辣，外皮香脆再加埋軟滑豆腐，真係好好食!另外叫左咕嚕肉，味道都中規中距而且真係啖啖肉而唔係粉漿或者肥膏，醬汁亦都酸甜適中，食落開胃又唔會好肥膩。蝦球炒飯次次食都保持到高水準，炒飯粒粒分明而且蝦味濃郁，蝦球已經去哂腸而且肉質彈牙又juicy，真係好高質!黃金焗蟹到左主角黃金焗蟹，隻蟹本身都好大隻而且夠厚肉，成隻上既效果好澎湃，咸蛋黃既味道好濃厚又唔會過咸，香氣十足又食到蟹本身既鮮味，真係好少有既配搭係好食既。焗既時間都好精準，一上台已經係咁食，應該真係大人小朋友都岩食!

突然好掛住星加坡嘅胡椒蟹 🦀 原來樂天經典有胡椒蟹套餐🦀 星洲黑胡椒螃蟹加入黑胡椒、蒜頭、蔥爆炒黑胡椒味好香濃好入味 唔辣嘅蟹肉彈牙鮮甜 蘸埋醬汁更加滋味✨星馬黃金豆腐磚外表炸至金黃香脆 內裏軟滑 好惹味✨魚香茄子煲熱辣辣 茄子軟腍入味 魚肉碎充滿鹹香 ✨ 古早魚香老鼠粉煲第一次食 覺得好好食 好有驚喜銀針粉加入鹹魚、特製鹹魚醬同冬菇肉粒等材料熬製充滿鹹香 加上芡汁好開胃 食唔停口✨甜品清心綠豆爽味道清甜 入邊有綠豆爽煙煙韌韌✨檸檬薏米水~清熱解膩

魚香茄子$48熱豆漿魚香茄子真的是一道好吃的菜！茄子外面嫩嫩的，裡面吸了很多的醬汁，吃起來特別入味，讓人忍不住多吃幾口。再加上豬肉末，肉香和茄子的軟滑搭配得剛剛好，口感真的很棒。顏色也很漂亮，紅紅紫紫的，看著就讓人食慾大開。

秋冬就係食蟹嘅好季節唔洗坐飛機去新加坡一樣可以品嚐正宗南洋風味我地揀咗個二人套餐有多款菜式可以自己配搭樣樣都好吸引呀✨星馬金磚豆腐超嫩滑嘅豆腐外層炸得金黃香脆熱辣辣．係必點嘅香口菜式✨星洲黑胡椒螃蟹主角來了...不枉專登嚟食呢隻星洲蟹香濃嘅黑胡椒味道．好惹味蟹肉肥美又飽滿．嫩滑又新鮮✨脆脆咕嚕肉咕嚕肉外層香脆．肉質爽彈加入新鮮菠蘿同青椒香甜又開胃✨蝦米魚子蝦球炒飯炒飯粒粒分離．原隻蝦球新鮮爽彈加入蔥粒蝦米同魚子．好足料✨招牌酸柑香茅凍口感似蒟蒻嘅果凍酸酸甜甜．係值得一試嘅招牌甜品✨檸檬薏米水超多薏米．味道唔會太甜今餐抵食豐富又滿意

.樂天集團嘅中菜就食得多啦今次就試吓佢哋旗下嘅新加坡菜餐廳嘅裝潢具南洋風格座位闊落環境舒適最近仲推出咗二人套餐非常抵食✨二人套餐B $668✨呢個餐嘅主角係螃蟹，除此之外，仲有一款前菜小食、一款熱炒、一款飯/麵、一款甜品同埋飲品，真係非常豐富。黃金魚皮前菜小食一共有四款可以選擇，我哋就揀咗招牌菜黃金魚皮，每一片魚皮都沾滿鹹蛋黃，炸完之後金黃香脆，鹹蛋黃味香濃，非常好味。辣椒螃蟹螃蟹有四款選擇咁多，真係每款都好正好想揀。辣椒螃蟹好好肉，食落蟹肉好鮮甜，辣椒汁辣辣地非常惹味，仲有炸饅頭伴碟，點辣椒醬食一流。沙拉排骨熱炒共有八款選擇，菜同肉都有，我哋就揀咗沙拉排骨。沙拉骨份量都好多，每一件都沾上沙拉醬，食落口感鬆軟，送飯一流。蝦味魚子蝦球炒飯呢個炒飯非常足料，用咗好多隻大蝦球去炒，蝦球口感彈牙，炒飯嘅米粒粒分明，寫好有鑊氣，成個炒飯食落蝦味好香濃。.清心丸綠豆爽呢款甜品係暖嘅，綠豆味好香濃，做飯後甜品一流。.無糖豆漿有凍同熱選擇，豆味香濃，而且唔會好甜。