樂天冰室 (幸運工業大廈)

今日下昼lunch time要食个快饭，🏃🏻‍♀️最紧要快，所以拣咗一间茶记乐天冰室，叫咗是日午餐蒸肉饼，嘢食嚟得好快味道都不过不失，肉饼嘅质地唔算太滑，肉同肥膏嘅比例都算唔错，唔会有一种好肥腻嘅感觉，食物方面系唔错嘅正常茶餐厅水准。但系就有啲甩漏，叫咗杯热奶茶饭都食完都未到🤷🏻‍♀️，然后再追先至嚟可能繁忙时间大家都忙，所以就有啲甩漏都叫正常。有一点特别要注意嘅系依间餐厅只系收现金💵所以下次去食之前记得要带够现金。…查看更多

今日要学结他，上堂前当然要吃个饭先，选拣同同学黎食依间冰室。芝士肉酱焗意粉，卖相唔错，芝士好澎湃！肉酱系比较甜而浓稠！捞埋意粉食岩岩好，肉酱份量好多，食晒意粉都仲有剩！同学叫左个常餐，滑蛋煮得好唔错！入口即熔，正呀！餐包同埋餐肉正常，无咩特别。牛尾通粉还好，牛尾份量唔多，只有两件，汤底虽然话系罗宋汤，但味道比较淡，仲淡过d 肉酱，有d 可惜。炸鸡翼薯条几好，生炸既鸡翼外皮香冈！充满肉汁，咬开之后d 肉汁真系一直流！可惜一份得3只，唔够喉！整体黎讲都几满意，下午茶40蚊左右可以吃到饱真系抵到烂！但希望餐厅服务可以好D，接待我地既侍应几无礼貌，全程非常唔耐烦，有d 赶客，希望餐厅正视。…查看更多

常餐A瑞士汁鸡翼捞面配嫩滑炒蛋+牛油多士鸡翼每一只都腌到好入味，鸡皮的色泽通透，表面都均匀地上色，食到鸡翼的胶质，肉质嫩滑，但可以再腍少少。个汁都好够捞公仔面，唔会太干，食到尾都会有汁剩。炒蛋同牛油多士都系正常茶餐厅水准，份量都够食。流心奶黄西多士西多士好出色，比起平时大家乐食到嘅差好远，面包唔会好干，同埋入面嘅流心比得好足，流到成只碟都有。奶黄的味道香甜，绵密起沙，够晒邪恶！…查看更多

之前听同事讲呢间乐天冰室好好味，我见喺公司附近就走去试一入到去都有几个人排紧队，由于我得一个人去，所以要搭台。我拣左个常餐，牛尾汤通粉、然后配炒蛋同丹麦多士，冻柠茶。d 野食等得唔算耐。牛尾汤超好味！佢好浓好足料，又有好多牛尾。我个人亦好中意入面d 菜同薯仔。个多士都好正，虽然油油地好邪恶炒蛋同火腿都正正常常。冻柠茶够多冰，味道都系正常发挥。观塘有咁多工厦茶餐厅，暂时我食过呢间算系最正下次一定一定会再试埋其他野…查看更多

乐天应该系观塘数一数二既茶餐厅每日中午都劲多人排队但系佢流量好快，基本上唔使等好耐就可以入座推荐餐牌上嘅美食就唔好点快餐单点咖喱饭/星洲炒米/银芽肉丝炒面，都系心水推介，即叫即炒，特别有镬气特别好味…查看更多