影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
相关文章
今晚赶时间要食个快饭，所以拣咗乐园外卖粉面返屋企食，我同屋企人都觉得呢度嘅粉面非常足料又好味，喺上水区嚟讲，都算系数一数二嘅牛腩粉面。呢度除咗粉面，仲可以拣食饭，多个选择。喺度等外卖期间，都见不断有人买外卖，但都系等咗5分钟左右，好快手。鱼饺牛杂米第一次食佢嘅鱼饺，几爽口弹牙，而且好有鱼味。牛杂都非常高质，特别系牛肺牛蒡，好大块，有口感，又入味。仲有金钱肚同粉肠，全部都大大块，好足料。水饺牛腩面水饺好饱满好足料，牛腩好靓，肥瘦相间，啱啱好。佢个腩汁都几出色，浓味得嚟又唔会过咸。加配饮品加$8，我点咗热柠蜜同冻柠茶。佢嘅蜜都落得好重手，偏甜。冻柠茶茶味几浓，几好饮。下次如果想食牛腩粉面，又多一个方便选择。
继续阅读
牛丸河$37真系好正！河粉滑溜，牛丸鲜嫩，汤底浓郁，味道好香。加埋啲葱花，简直完美！每一口都令人想再来一次，真系香港美食嘅代表！下次一定要再试！鱼旦河$39真系劲好味！鱼旦弹牙，河粉滑溜，汤底鲜美，饮到唔想停。加埋啲青菜，色香味俱全！每一口都令人心满意足，绝对系平价美食中的一绝！下次再嚟！跟餐加咗两杯嘢饮$8/1冻柠茶同埋热柠蜜环境阔落，坐落都好舒服
继续阅读
$39嘅五香牛腩面，啲牛腩又「鞋」又难咬，味道又唔够，完全食唔倒五香味啰；再叫$37嘅招牌鱼蛋河，啲鱼蛋唔弹牙亦唔爽口，又系乜味都无，唔通咁就系佢哋主打招牌？！另外加$13叫咗个郊外油菜，蚝油菜心⋯⋯啲菜好似未煮熟咁，硬到咩咁⋯⋯餐饮叫咗杯冻柠茶，点知个茶底⋯⋯又苦又涩，咁嘅水吧真系「无敌」。唯一食得吓嘅系云吞，食到有虾，有味道嘅。真系好耐都未食过质素咁差嘅潮州粉面，而且仲系全上水最难食最不知所谓嘅潮州粉面。
继续阅读
平日的晚饭也不是每一餐也吃很贵，今日见到上水商场新开的鱼蛋粉面便去试了，内里环境很光亮，原来这间鱼蛋粉也开了很多分店。这间除了常见的鱼蛋水饺类𩠌菜和各种牛的部位外，还有港式扒饭餐和牛类饭餐，当日不想吃粉面的话也有很多饭类选择，而且价钱也合宜，是一个很抵食的晚饭选择。牛腩鱼片河粉牛腩肉质非常软熟，牛腩味道亦很浓郁。配上嫩滑的鱼片河粉很足味，牛腩汁很入味。点上一点辣油，带有辣椒籽，牛腩汁加上辣椒油，味道又更是丰富。水饺鱼皮饺河粉水饺非常足料，内面有虾肉、猪肉、香菇、木耳等等，香味四溢加上不会过浓的咸水味，每一口的味道和层次也很丰富。河粉整体幼滑又不容易散，吃得畅快，加上汤汁的味道很满足。粉面整体也很足料，吃得很饱足 冻柠茶+$8冻柠蜜+$11
继续阅读
上水「乐园鱼旦专家」呢间粉面店，开咗唔系好耐，成日行过都见佢排队，今日终于有时间嚟试吓😊😊今次两个人嚟食，我就叫咗个四宝丸河，因为想食多啲款🙈🙈朋友就叫左牛腩饭🐮四宝丸包括鱼蛋，🐠鱼角，鱼皮饺，猪肉丸🐷唔知平时嘅配搭系咪都系咁嘅呢？因为同餐牌嘅相好似有啲唔一样🙈🙈整体嚟讲都OK，😊鱼蛋同鱼角都弹牙有鱼味，鱼皮饺系大粒嘅，个皮烟靭好味😋猪肉丸就正正常常冇咩特别🤪🤪佢用嘅河粉系幼身，厚嘅，都唔错😌特别一提系要欣赏佢嘅辣椒油好香，而且有啲脆脆系入面，几特别👍🏽👍🏽而牛腩饭嘅肥腩，真系肥美得嚟又唔腻！腩肉炆得够淋，入口即化，而且肥而不腻，真系好正！饭粒煮得干身，唔会湿淋淋，而且吸收晒牛腩嘅汤汁，每一口都充满香气。呢个系朋友嘅讲法😉仲有佢个紫菜汤，超多紫菜🥳好味😌😌「乐园鱼旦专家」系干净企理，而且服务态度都几好。想简单食个粉面都系一个唔错嘅选择😊
继续阅读