影片
Lunch外卖咗榄角蒜香骨，生炒排骨，西柠鸡；全部都系香口嘢，当中榄角蒜香骨最为出色。蒜香骨卖相平平（所以影相都只系啡啡黑黑咁）但系一入口香脆不油腻，连带榄角亦非常香口，送饭一流，会忍不住一旧接一旧咁食。另外两款𩠌亦属水准之作，西柠鸡既炸鸡件，就算唔加西柠汁就咁食已经酥软香滑，外面既炸皮厚薄适中，唔会干柴柴。生炒骨就传统大排档味道。
继续阅读
好耐都无入到去牛头角了，今日见完客就喺附近揾好嘢食，打开地图发现附近有冬菇亭，望咗好几间餐厅就拣咗呢间乐华，望落都好是正餐厅环境好似平时茶餐厅咁，但外观都成个冬菇咁，入面都好干净，拣咗一轮就叫咗个干炒猪扒意粉，一上台就闻到好香，意粉上豉油好均匀，意思都爽口弹牙唔好煮到腍哂，而猪扒切好细细，半煎炸到香口惹味，入面仲有洋葱芽菜香葱，呢啲配菜先最正，另外佢杯冻柠檬茶都好正，茶底够清香又够茶味，一啲苦涩味都无
继续阅读
星期日一起身已经系12点几1点😂 想食早餐但系又过晒钟🥲 友人带咗我过嚟呢度食早餐 因为呢度嘅早餐去到下昼五点都有得食 真系够晒有弹性啊✌🏻沙嗲牛肉公仔面呢度嘅沙嗲牛肉非常出色 沙嗲花生味浓郁 牛肉片肉质软腍🐮 底下嘅公仔面唔会煮得过腍 仲几有咬口 呢一份早餐仲可以拣两样配料🍳 我就拣咗餐肉同埋太阳蛋 仲加咗一蚊要多士烘底🍞五香肉丁公仔面友人就拣咗五香肉丁 五香肉丁份量虽然唔系好多 但系个味道都几有惊喜😗 因为食五香肉丁就系钟意佢有少少辛辣嘅感觉 呢一个五香肉丁就完全做到我嘅要求啦🐷 呢度嘅上汤都味道唔错 配料方面呢份就嗌咗烟肉🥓 太阳蛋 牛油面包 牛油面包几软熟 呢度嘅牛油份量充足🧈饮品冻柠茶 夏日炎炎梗系想饮返杯冻柠茶透心凉一下 呢度嘅糖分唔系太多 笃埋柠檬就啱啱好🍋 热奶茶 去茶餐厅最钟意就系佢杯热奶茶 呢度嘅茶底香浓 配搭埋淡奶就一流啦☕️呢个港式早餐真系够晒正宗 好耐都冇食过咁地道嘅早餐啦🥰 食完仲去咗附近嘅打卡热点 乐华南邨停车场 打卡添啊
继续阅读
冇睇清楚时间，未到下午茶时间走入去，但点咗个下午茶餐，姐姐话差少少时间冇所谓，就照写。其实耐唔耐行完山落嚟食一次，啲姐姐次次态度都好好，环境又卫生干净，冇立黐黐，采光好，冷气适中，啲人唔嘈，坐得舒服，整体感觉良好，大概老板为员工营造咗个自在嘅工作环境。不免令人要为佢写一下食评支持下。个鱼香茄子炆米入味又够热，奶茶有茶味又够滑、少冰都调得啱啱好，系饮得过。冬菇亭大牌档嘅质素、价钱同人情味都保留到，可以一试。
继续阅读
旧式屋邨入面嘅冬菇亭餐厅买少见少🍄，今日咁啱喺乐华邨返工，见到呢度仲有几个冬菇亭餐厅营业紧，就决定喺度食午餐啦！🍗台式三杯鸡套餐套餐包左一杯热饮同埋例汤🍲$48来讲非常抵食！预咗唔会系正宗嘅台式三杯鸡，呢度嘅做法比较似系豉汁咕噜肉，值得称赞嘅系鸡肉嘅外皮炸得好脆，亦都好入味。整体而言有啲似韩式酱油炸鸡🤣🤣如果唔系非常肚饿嘅话最好叫少饭，份量真系太多啦🫠🫠 港式奶茶嘅味道都几香浓，但汤就很一般啦。
继续阅读