影片
港铁南昌站 D1 出口, 港铁深水埗站 C1 出口
继续阅读
电话号码
97065687
营业时间
今日营业
12:00 - 21:00
星期一至日
12:00 - 21:00
公众假期
12:00 - 21:00
公众假期前夕
12:00 - 21:00
以上资料只供参考，请与餐厅确认详情
影片
相片
蒜蓉猪手
芝士牛肉饭卷
玫瑰卡邦尼炒年糕公仔面
+580
+49
食家推介
有冇人统计过西九个美食广场有几多间食店？8楼呢层真系百花齐放，几乎咩菜式都有得食。是日去咗朋友推介嘅乐乐韩式猪手，朋友一向爱食韩国菜，佢话呢间啲嘢好食㖞。⭐原味猪手猪手有几款口味，个人本身想试个辣味嘅，不过朋友唔食辣，咁就叫半份原味。猪手而去骨，满满一兜都系猪手肉，炆得相当软腍，入口好有胶质，个猪皮胶质重到有黏口嘅感觉，调味同口感都啱口味㖞🤤⭐炸酱炒年糕公仔面跟住有炸酱炒年糕跟公仔面，入面有韩式鱼糕同椰菜等配料，年糕烟烟韧韧有咬口，公仔面淋淋地份量劲多，炸酱咸咸甜甜几好味，不过食到底酱汁太多，有少少咸。⭐芝士泡菜饭卷韩式饭卷又系朋友至爱，今次叫咗芝士泡菜口味，饭卷入面包住多款腌蔬菜咸香爽脆，芝士带奶香，泡菜小酸微辣，小小嘅饭卷同时带有多款味道，正😋⭐腌椰菜除猪手附送嘅腌椰菜，食咗咁多重口味嘢，食返个酸酸哋嘅椰菜中和下😆⭐柠檬茶小店只有纸包饮品同罐装饮品，拣咗好耐冇饮过嘅阳光柠檬茶😆好多肉同淀粉质嘅一餐，食饱饱好满足～
继续阅读
西九龙中心相信是不少90后的青春回忆，多年没有到访还以为风光不再，这次来到八楼美食广场发现人流依然络绎不绝，而且美食选择丰富得目不暇给。最后决定一试顾名思义主打韩式猪手的「乐乐韩式猪手」，餐牌主要有韩式猪手、韩式炒年糕、韩式饭卷及小食。蒜蓉猪手($78/半份)韩式猪手分别有招牌原味猪手、蒜蓉猪手及香辣猪手三款口味，除了可选全份或半份之外更可配饭，半份已经满满一盒，份量十足。面层舖满蒜蓉几乎彻底淹没底层猪手，香气浓郁扑鼻，猪手本身已卤制入味，咸中带甜，肉质软而不烂，猪皮爽滑弹牙，配以腌椰菜酸香爽脆令猪手更显肥而不腻。芝士牛肉饭卷 ($52)饭卷裹住芝士、牛肉、鱼糕、蛋丝、青瓜、红萝卜、腌黄萝卜及牛蒡，馅料丰富但并不会轻易散开，饭粒湿润而软硬适中，若然麻油香气更强定必锦上添花。玫瑰卡邦尼炒年糕公仔面 ($69)虽然玫瑰酱早已在韩国流行多年，但仍有不少香港人会误会玫瑰酱成份包含玫瑰花，事实上玫瑰酱主要是以忌廉、茄汁及韩式辣酱制成，因其颜色有如玫瑰一样而命名。年糕口感烟韧软糯并与公仔面一样充分裹上玫瑰卡邦尼酱，酱汁将玫瑰酱及卡邦尼酱合二为一，甜辣平衡之余浓厚醇香，加入烟肉、洋葱等卡邦尼元素，层次更加丰富。
继续阅读
最近西九龙中心food court 多左好多美食平日我都会西九龙中心揾野食 选择性比较，想咩都有，有手摇品 今次选择一间韩国菜，猪手，紫色包饭，韩式年糕⋯ 猪手佢有得半只/ 便当 选择左便当，佢好丰富，有前菜，蛋，猪手份量唔少包纸包饮品猪手煮得好淋身，入口溶化 。芝士吞拿鱼紫菜包饭 佢个材料好足料，好食， 其他选择泡菜，牛肉。 韩式年糕选择好多炸酱，卡邦尼，泡菜 选择咗卡邦尼韩式年糕，份量好足，冇谂过原来卡邦尼再加埋韩式年糕咁夹 如果惊唔饱嘅话，其实可以再加多个韩式面底 以后去food court又多一个选择
继续阅读
揾食去西九龙中心就啱哂, 系8楼美食广场几乎咩菜式都有得食; 老公话今日想食韩式猪手, 我就推介呢间乐乐韩式猪手, 店铺招牌菜正正就系猪手,佢啲猪手炆煮仲好入味! 而且见到价钱真系抵呀!招牌原味猪手饭 - $53韩式猪手分别有招牌原味猪手, 蒜蓉猪手及香辣猪手三款口味; 猪手除了可选全份或半份之外, 更可配饭; 我地要个招牌原味猪手饭, 仲可配一包纸包饮品。饭配有卤蛋, 前菜, 脆紫菜, 猪手份量都有1/4只; 原味猪手烹调得非常恰到好处, 猪手去骨, 肉质鲜美, 搭配特制的酱汁, 炆得相当软腍, 入口好有胶质, 个猪皮胶质重到有黏口嘅感觉; 食咗咁多重口味嘢, 仲可食返个酸酸哋嘅椰菜中和吓。牛肉饭卷 - $58饭卷入面包住腌得入味嘅牛肉, 腌萝卜, 红萝卜丝, 青瓜, 蟹柳, 干瓢同鱼糕等材料, 真系爆哂料, 而且新鲜爽口, 每件都卷得实净, 唔会一夹就散, 饭粒湿润而软硬适中, 不过欠少少麻油香味。饭卷都有纸包饮品配呀!辣炒年糕公仔面 - $66大大盒, 年糕烟韧有嚼口, 仲加有鱼糕同椰菜, 洋葱; 一入口系甜辣, 但越食就越辣, 有啲似辣鸡面咁; 好辣嘅人会食得好过瘾, 公仔面淋淋地份量劲多, 食量大嘅人一定够饱呀!
继续阅读
今日又再嚟到西九龙中心呢间韩式餐厅，谂起上次食过嘅猪手同卡邦尼年糕公仔面真系好正，决定再encore！今次我哋依然叫返蒜蓉猪手，水准保持得好好，猪手外皮Q弹嘅口感同浓郁嘅蒜香味完全冇变，女朋友食到停唔到口，话终于解到佢嘅韩国猪手瘾。另外再叫多次卡邦尼年糕公仔面，烟肉同洋葱嘅份量依然十足，芝士味浓厚得嚟又唔会太腻，年糕同公仔面嘅配搭出奇地夹，食落去好有满足感。餐厅环境同上次一样，保持住中学时代嘅感觉，坐喺度食嘢真系好有亲切感。服务都几好，上菜速度够快。食完之后，我同女朋友都觉得呢间餐厅真系keep到水准，两次嚟食都冇令我哋失望。下次再嚟西九龙中心，一定会再帮衬！
继续阅读