麗晶麵包店

营业中

休息中

今日去買兩隻茶葉蛋，其實明知有汁，個個都會畀多個膠袋入住拎走，因為得一個膠袋實會漏，叫佢入多個袋畀我，佢居然話政府要收膠袋費嚟拒絕我，其實好多小食店，好似買腸粉嗰啲，個個都會入兩個袋驚漏汁，但呢間舖頭唔知係咪連個膠袋都要姑寒，死都唔肯畀多個袋我，仲差啲唔肯找錢畀我！！我同同事講起呢件事，原來喺多年前都發生呢啲不愉快事件，事源我同事去買腸粉，明明係話畀4條，點知佢畀少半條，跟住我同事話畀佢知少咗，點知嗰個老闆娘話：“咁咪食少啖囉”，我同事咪問佢：“咁係咪收少2毫先？” ，跟住個老闆娘話：咁你唔好食啦”，跟住我同事都費事食拎轉頭就走咗，連排佢後面嗰個人都走埋，呢間嘢啲人啲態度咁差，都唔知仲有邊個會幫襯？真係貼錢買難受，我以後都唔會幫襯，要幫襯就行前幾步去麗晶商場下面都有間小食店，賣嘅嘢一樣，但人哋啲態度好好多囉！

我本身好鍾意食串燒，呢間舖頭係附近唯一一間賣串燒，我週不時都會買黎食下。今日去到見到門口好多人，叫左一串腸仔同一串牛肉，但她聽錯話腸粉，我話唔係係腸仔，她就大聲講三蚊一串個d自己攞la(係好無禮貌個隻)之後我就話我仲要牛肉，她攞起左一串野然後話係唔係呢個，然後繼續好大聲講你講牛肉我點知你講邊隻(我之後先知原來他們有賣牛肉球) 可能我講野唔大聲她可能聽錯，我道歉都正常但她可以之後可以有禮貌d囖，真心我唔係到做我鬼知腸仔可以自己攞wo以前一路都係即刻燒比我架囖我知我係到打食評無用...呢間舖頭仍然會好好生意.....我呢個客一d都唔重要....只係打算舒發下我的情感.....再見...

自從要重新返學開始,晚巿麗晶麵包店便成了我的速食飯堂!他們晚巿主要賣小食,如糖水,現成的有味粥,串燒,魚蛋,中式點心等等...他們的魚肉燒賣便是我的最愛了! 香港有很多小食店,魚肉燒賣更是必賣品. 但很多不是霖之之,就是無魚肉味.這裡的魚肉燒賣有魚肉吃之餘,亦"yin yin un un" 的,很彈牙!! 加上甜鼓油&辣油更是我吃過最好好的魚肉燒賣!!! 每次要返學歸家時的,這裡的魚肉燒賣便成了我的速食脕餐~