麗春院海鮮小廚 (已結業)

初試牛刀為食既我的第一次!以前成日好想屋企樓下有間開夜啲既食店，每次去跑步經過都見到好多人食，見朋友生日就去book黎試一試烤魚. 辣度.可能因為朋友吾係好食得辣,所以一開頭夾起啲辣椒,所以除左魚之外既配料都食到加碗飯就match哂!椒鹽鮮尤.黃金蝦.惹味*炸得岩岩好蜜椒牛柳粒. 牛粒軟硬適中,最吸引到我既係配菜(薯仔),有驚喜,炸過既關係,皮脆內軟豆鼓鯪魚油麥菜.水比較多 可能煮得有點耐,好淋!朋友們都比較重口味,所以咸度岩岩好,整體上滿意,再有機會會再食ps:服務上幾好,有禮貌,吾會覺得有吾耐煩!(以前食開果邊幾間都會比較多蚊,較近村屋,所以開風扇可能感覺上會小啲)

今晚嚟咗葵涌食小菜，呢間餐廳都係做街坊生意多，係正d村屋隔離。我地叫咗個蟲草花蒸雞、勝瓜雲耳炒豬頸肉、小炒王、蒸倉魚同埋炒白菜仔。蟲草花蒸雞蒸得好滑，味道都幾好。蒸倉魚都好滑同埋夠新鮮。小炒王好有鑊氣可惜咸咗少少，同埋韮菜花有少少渣。勝瓜雲耳炒豬頸肉都係咸咗少少。不過以屋村餐廳來講，都算幾好！

是晚探朋友，好彩門口有個巴士站返去都好方便，中式大排檔菜式大碟又好食，同埋香口夠獲氣，間舖唔算大不過出面都開埋枱滿座，住附近或者揸車經過都可以去食，如果冬天食仲正，4個女仔嗌左4樣都好飽因為都幾大碟同平，可能街坊價，推介推介

唔好睇間野細細哋 啲小菜超有鑊氣叫左個雞煲 都幾大份 仲要多左幾個小菜 啲份量都好足我8個人都夠食啲小菜都超有鑊氣 最值得一提係個泰式生菜包超好味個椒鹽鮮魷同埋椒鹽豬頸肉都

同朋友遊完車河, 諗住搵個地方食飯, 佢地車左黎呢間村屋既食店, 唔係佢地真係唔知原來呢度有野食.戶外位裝左部大電視, 坐外面又涼又大, 仲可以食煙, 係間中有蚊咬.呢度都係家常小炒野, 要左京都豬扒, 份量算多, 好多舊豬扒, 個汁酸酸甜甜幾開胃. 豬扒幾腍身易入口, 細細舊容易食. 而且幾多洋蔥, 夠香好爽口.要多個蒜蓉炒生菜, 正常野, 蒜蓉味就唔算太濃, 仲幾油下, 如果少D油會健康D, 菜都算新鮮爽口.

上星期到梨木樹探朋友。朋友說帶我食好野，心想梨木樹邊有好野食架？！原來村屋果邊有間大排檔口碑不錯。應該是開業不久的。當晚8點幾去到坐街邊不用等位，但店員已經講明今晚很多單做唔切可能要等很久。明白食好野系要等呢個道理，我地當然等下啦店外其實幾好坐，涼涼地好闊落，又可以食煙，帶寵物泥又得。2個人點了一個雞煲（一隻），等左半個中終於有得食。雞煲一上枱香噴噴，店員才剛放下已急不及待開動，雞件不'鞋'身，好滑！而且好香花椒八角既味道，送飯一流想不到梨木樹也有臥虎藏龍既小店

朋友帶我地去食村屋大排檔去到時 佢都好驚訝點解咁多人我地一行4人 去到待應哥哥已經同我地講因為今日好多單 我唔會肯定你地要等幾耐我問：洗唔洗一個鐘 待應哥哥都以一個唔肯定答案答我地但我地最終決定 係等結果 真係等左 一個鍾先上菜我地叫左薑蔥際腩煲：咸左小小 但好食的！黃金九肚魚：呢個正！好食！芥辣牛肉：呢個 嗅上去好似好好 但食落去覺得個汁同個牛唔係好夾！椒鹽墨魚：好正！肉唔會乾哂，外皮又脆！上菜時 待應哥哥 同我地講 多謝你地既耐心等候 雖然等左好耐但我地都覺得 唔緊要比時錢 佢都再次同我地講唔好意思！呢間小店 我好肯定我地會再去！

同屋企人探婆婆,同婆婆傾左好耐,婆婆都好開心,之後我約左朋友係就近ga麗春院食飯!我點左京都豬扒,等左1陣碟京都豬扒巳到,夠大碟同賣相吸引,食落味道唔錯,甜酸醬配合得啱啱好,不會太甜不會太酸,而豬扒食落也好有質感,軟腍入味,入口夠香,唔錯!

平時都路經此鋪頭，都見到好多人，今日終於忍唔住，雖然係一間鋪頭仔但環境舒適，仲可以坐出面添，必食推介：所有黃金系列（特別係九肚魚炸出黎係勁少粉、仲有黃金蝦、黃金朱勁肉.....,蜜椒一字雞翼、土匪牛仔骨、避風塘系列都起好味！特式野味雞煲、麻辣烤魚，原來仲可以一早訂返煲杏汁豬肺湯，好香杏仁味豬肺一D都唔腥，成煲好似牛奶色超級好飲，最後不得不提服務質素一流，師傅廚藝功架冇得頂，估唔到D食物咁好味！直得一試！