影片
以上资料只供参考，请与餐厅确认详情
今日行过见到有下午茶， 入去一试， 一入去就见到好多唔同类型嘅figure，我以为入错铺头入咗figure店， 店舖做到好有心思， 我一入去都话哇咗一声。睇食评话食物正宗，我见到水吧和 waitress全部都应该系越南人，好有礼貌。叫咗个猪扒捞檬加热咖啡，热咖啡好正宗好饮， 个越南猪扒捞檬好地道， 青瓜同萝卜丝都好fresh，猪扒好软滑。满分。我都觉得好满意＄43全个餐真系抵到烂，我唔明点解无咩人写食评，以前系荃湾有间正宗越南餐厅已经关门大吉，而家揾到一间好地道嘅越南餐厅真系好 惊喜。这间我应会再常再来，朋友聚餐也是个好选择。
继续阅读
最近疫情严重，搅到冇咗晚巿好耐，同朋友聚会变咗食tea时间🤣见到呢间小店新开张，大家就谂住试吓😆可能系下午3点半，人唔算多（啲人都未放工🤭🤭）我哋喺度谂紧食咩嘅时候（因为样样都想试🤣）老板娘就推荐生牛肉汤河，佢话今日啲牛肉同牛腩都好靓，咁我哋就要咗一碗，另外再点咗拼盘、炸春卷、蒸粉包、海南鸡、沙律。个生牛肉汤河上枱，我见到除咗有生牛肉外，仲有几旧牛腩同牛肚（后来老板娘话系俾我哋试吓佢嘅正嘢😂😂）真系好好味（唔记得影相🤦♀️）我哋连汤都饮埋🤣，海南鸡好滑，老板娘超细心，见我哋叫咗春卷，所以个拼盘就整泰式凤爪、泰式木瓜沙律、炸鱼饼、炸鸡翼、烧猪颈肉，等我哋可以试其他小食，啲嘢实在太好味，一阵就清晒枱面嘅嘢🤣🤣但我哋觉得仲差少少咁，就再order咗个沙律（唔系泰式），个沙律望落好普通，食落劲好味，真系唔够喉，最后我哋总共食咗三份沙律先收手🤣🤣好有人情味嘅小店，老板娘超好，我哋叫果三份沙律，每份沙律都用唔同嘅生果配搭，真系好细心👍🏻👍🏻
继续阅读
餐厅环境套用上一手Toy’s cafe 的布置，可能新开张唔系好耐的关系，落单方面比较混乱，但而家呢个时势，就体谅下。餐厅位置比较偏僻，但都近马路位置，跟住 google map 就可以容易揾到；食物方面，叫咗个鸡丝汤檬+生牛肉汤河，味道唔错，份量都算多，厨师好有礼貌，会跟返客人啲单黎加快出餐，希望下次去，会有进步啦
继续阅读
见到新店开张，比门口个甜品吸引咗，餐牌价钱都几抵食，于是入去试吓。春卷好好味，有惊喜！粉卷里面唔知道有乜嘢香料，味道好特别，钟意食猪颈肉，点左一个猪颈肉法包👍，甜品好香斑兰味，最后食到好饱，外卖左一盒海南鸡饭，整体水准都好平均。
继续阅读
最近经过福华街，开咗一间越式餐厅，入去试吓先，虽然店舖细，座位不多，但老板的热诚，良心食物，竟然找到亮点，无骨海南鸡，又滑又有鸡味，配合姜茸和鸡酱，简直无得输，其它春卷，纸米卷都超乎想像，讲到价钱，都合情理！
继续阅读