丼丼屋 (創紀之城五期(apm))

营业中

休息中

丼丼屋這間日式餐廳價錢平民性價比高和風汁牛肉定食🍱沙律菜清甜和風味噌湯味道一般正常和風汁牛肉定食醬汁很惹味白飯分量適中定食內容頗豐富配上清新一口的甜品十分飽肚！

有一段時間沒有到丼丼屋用膳，今次到觀塘創紀之城分店， 點了兩款比較吸引的定食🍱🤩，牛肉壽喜燒定食$150、拖羅丼定食$158。 牛肉壽喜燒定食🍱 ～ 有湯、沙律、刺身、副菜、甜品和果茶，牛肉鮮嫩， 雞蛋沾上牛肉， 口感更加滑溜， 壽喜燒味道甜甜的， 拌飯很不錯。 拖羅丼定食🍱 ～ 有湯、副菜、甜品和果茶， 拖羅有三件😋， 油脂味重， 厚切肥美。 一向幾喜歡丼丼屋的定食☺️， 價錢相宜又美味。     丼丼屋 (創紀之城五期(apm)地址: 觀塘觀塘道418號創紀之城五期(apm)6樓L6-3b號舖

晚市終於重開，好期待唔使自己煮或買外賣！去APM 睇戲，同一層有好幾間食肆，一個小時時間充裕！見丼丼屋有新餐牌就試下。點左個炙燒海鮮丼 $88，加$25配鮮蝦沙律。炙燒三文魚表面熟，而底係魚生，同時食到兩個口感，而且配左粒燒元貝及蝦刺身夠鮮甜！再點左個鳥開芝士親子定食 $140，加$5配萍果醋。定食有沙律、麵豉湯、魚生、黑糖寒天！刺身蝦好奶油口感及鮮甜，三文魚魚生夠新鮮，而黑糖寒天本人好鍾意食，最後有個小甜品好滿足！😌親子丼為雞肉及蛋，蛋滑雞嫩，不錯！

一直都好鐘意食日式丼飯～ 咁岩香港有一間主打日式丼飯既餐廳當然不能錯過～而且地點夠哂方便👍🏻滑蛋豬排丼$98果然，沒有失望～大大碗既豬排丼飯！ 一直都好怕蛋汁會令到豬排變淋好驚喜地豬排不單只冇變淋，反而仲好脆真係外脆內軟～蛋方面都好香好夠滑分量十足！ 送飯一流👍🏻+$15 升級定食（日式湯、沙律、副菜及果茶）日式湯係傳統的麵豉湯 沙律係紫薯蓉副菜係咖啡果凍（偏甜） 果茶可選擇無糖建議如果女仔可以不用升級為定食因為一個丼飯已經好豐富～

中午和同事剛好到APM買東野。想吃日本🇯🇵料理，剛好就看到這一家當當屋。可以簡簡單單的快手，是一個日本餐。裡面的位置還是有挺多的剛好不用排隊。。午餐套餐選擇也挺豐富。套餐少貴，不過 食材都新鮮 分量都可以。套餐還可以配小食 ~我呢個定食的蝦子好大好大，裡面仲有蝦膏，蝦膏我仲可以用黎撈飯食....哈哈哈哈。

雜錦刺身丼定食 $138個set 幾抵 有麵豉湯 漬物鮮蝦沙律🥗 有時會係牛油果沙律 但果日無供應仲有黑糖凍做甜品🍮個飯都幾澎湃 有粒狀三文魚 吞拿魚 帶子 青瓜 玉子 雖然最後食唔哂d飯唯果日坐ge 位子 冷氣有點太凍 加埋跟餐送的指定是凍飲 不過服務員好好 雖然本身整好左飲品 但亦再整過 幫我地全部轉走冰而且加少少錢亦可加小食

Just happened to come by for a late lunch and ordered a 南蛮チキン plus set menu for an additional charge. Different restaurants have their different style of 南蛮チキン, some would have chicken nuggets and the tartar sauce would also be different. 丼丼屋 serves a chicken fillet with julienned cabbage. The chicken is marinated well and meaty. Their style of tartar sauce is refreshing! And the 大豆きんぴらis really good to go with steamed rice. The miso soup was standard. The lychee soda coming with the set menu wa

裝修整潔明亮. 食物種類不算多但吸引. 叫了一個滑蛋雞肉飯 ：蛋汁嫩滑, 半生雞汁拌白飯一流。 雞肉火喉控制得宜，雞肉份量多. 味道濃一點更好。日本米很香軟, 有米香. 

星期一仲有holiday mood, 已經要返工，放工當然唔想煮飯，放工即刻去APM 丼丼屋買左3個什錦刺身丼，再加三個小食😋🥢什錦刺身丼 $98 ～ 就算外賣都份量十足，有好多種唔同既魚刺身🐟🐠🐟好鮮甜好新鮮，海量的飛魚籽加埋青瓜🥒完全同堂食無分別。飯🍚多到小妹都食唔晒🤦🏼‍♀️🍤吉列大蝦(3件）$23～ 我至愛既小食😍吉列大蝦🍤個皮好薄，炸到好鬆脆，蝦🦐肉好甜好新鮮🥢炸芝麻雞翼（2隻）$25 ～ 炸到好香脆，有芝麻既香味🔥🐙炸魷魚鬚 $28～ 呢d邪惡的食物小妹唔會成日食，但呢個魷魚鬚炸得好香，好有咬口，食到停唔到口😂

星期五晚放工路過APM 買野，買買下都接近9點，平時呢間一定要等位，好彩今日唔使，一去到已有位可以直入唔使等！行到攰想食肉補充體力，兩個餐都叫左有肉既定食餐！辛豚丼配温泉蛋 $128，加杯熱飲加$5，可惜冇咖啡轉左柑橘熱飲。粒溫泉蛋既顏色好吸引，撈飯一流，可能肚餓，咁大碗飯都食得晒！套餐有埋黑糖寒天，好好味個餐再加$25叫左個鮮蝦沙律，個蝦的確好彈牙，可惜細碟左少少...再叫左個和風汁煮牛肉定食$98，呢個之前已食過，覺得好好味所以再叫。本人幾喜歡個汁，而且牛肉夠大碟，又夠嫩，加d 檸檬汁其實真係幾好味！仲有湯有豆小食，用埋Alipay 優惠減$25，仲可以儲埋yuu 分，真係幾抵食！今次個飯有d 大碗食唔哂...😌

好耐無食丼丼屋 ～今日收工去搵朋友食飯，仲有見下我可愛既契女～約左係APM 等，呀契女話想食烏冬，岀面又橫風横雨，所以就留反係APM搵有烏冬既餐廳啦。今次叫左特上盛大蝦海鮮丼定食配芝麻雞翼($168)海鮮丼飯面鋪滿咗刺身，有特大蝦刺身2隻，三文魚3片，呑拿魚2片，日本珍寶級帶子一片，仲有2片甜蛋，少量三文魚籽，都算新鮮好食，不過魚類刺身薄左小小，厚返d就好啦。芝麻雞翼外脆內軟～麵豉湯係好飲既，但冰粉請恕我唔識欣賞😅😅最唔開心係無左紫薯蓉前菜，換左滷花生，但無講聲。呢下真係有小小唔開心。返而兒童餐有驚喜，$炸雞烏冬兒童餐先$65。有一碗烏冬，炸雞2件，蛋餅一塊, 一堆蔬菜，仲有兩件朱古力pancake。賣相都幾吸引。唔錯唔錯。

delicious authentic Japanese cuisine. Seating was comfortable and the staff was both friendly. The wide variety of dishes were all reasonably priced and the generous portions left us satisfied. Overall well worth the experience. Needless to say i will be going back again to try other menu items. 😋

繼續觀塘系列，週末和朋友約好在觀塘，但原來要在觀塘搵食也很困難，每一個地方都很滿座，來到APM逐層搵，終於在最頂層的丼丼屋等了10分鐘有位。什麼都不管了，快點吃飯才是正經。所有定食都包含前菜、麵豉湯、餐飲及甜品。照燒牛肉定食朋友A叫的照燒牛肉定食，賣相不錯，牛肉份量也頗多，醬汁的份量也多，撈飯一流。最後還是白飯先吃完，仲有牛肉剩下，朋友A仲想叫添飯去送剩下的牛肉，可惜加飯要加錢，咁就放棄了。滑蛋吉列炸蝦定食朋友B的滑蛋吉列炸蝦定食，賣相也是很好的，蝦也很大隻，蛋汁也充滿了整個飯，濕潤容易下肚，很容易就可以吃光整份餐了。燒鯖魚配刺身定食我的燒鯖魚配刺身定食，首先上來的是刺身，有一隻甜蝦，三文魚、帆立貝及三文魚子，算是很有份量。當然，質素不能和鮨店的比，但也算是交足功課。燒鯖魚也做得不錯，魚皮夠脆，當然未到算是正常，但整個擺盤也味道也叫做合格。甜品的啫喱沒有味道，是靠浸着的葡萄口味糖水來增添味道的，和一般的啫喱不一樣。人均大約$150 ，算是不過不失吧。

今日係一個人既早午餐,搵到呢間專食日式丼飯既專門店早午餐當然就係要夠豐富 選了角切刺身丼定食配凍綠茶 甜品 小菜 沙律 麵豉湯 將三文魚 吞魚拿 玉子燒 帶子 切成大細相約既尺寸 鋪滿飯面,最後再加上青瓜粒蟹籽食之前淋上日式醬油拌勻,每一日都食到脆,嫩,爽不同既刺身粒,口感豐富味道鮮嫩蟹籽既脆卜卜,玉子既甜 刺身粒既鮮嫩 醬油既濃香 一口食下鮮味十足很滋味前菜沙律,漬物 青瓜沙律 夠新鮮脆口 漬黃瓜片仍微微帶脆口感開胃小菜 甜品黑糖汁黑凍,完美作結,十分滿足飽滿平均消費$155評分8/10Shop L6-3b, Level 6, apm Millennium City 5, 418 Kwun Tong Road, Kwun Tong

呢度主打食日式定食 丼飯類 仲有日式小吃今晚呢個套餐係 帶子蟹籽刺身丼 選用北海道珍寶級帶子加上北海道蟹籽甜品係黑糖冰粉 包一碗魚豆腐麵豉湯 一球好似雪糕既紫薯蓉前菜紫薯蓉香甜軟滑 帶子甘甜鮮味好滋味 加上卜卜脆口感既蟹籽粒,味道豐富好味道帶子可以加少少日本醬汁調味更見鮮味魚豆腐口感似魚片頭帶點彈性 麵豉湯夠濃味 附一杯綠茶甜品冰粉透明JELLY 淡淡既沖繩黑糖漿既甜味評分8/10消費$100Dondonya