丼丼屋 (健威坊) (已結業)

今日同朋友去食丼丼屋既lunch，可能甘岩撞正食飯時間所以好多人等位。 甘樣就等左我地差唔多3個字。入到餐廳，食物同環境衛生整體感覺唔錯，個餐有沙律有湯仲有野飲送，而個飯都比想像中既多。照燒雞一向係我最中意食既日本野，當然我就二話不說即刻叫左一份喇! 味道方面，照燒雞都算好食，加埋南瓜同秋葵感覺好健康 。不過lunch set 選擇比較小，而且價錢偏貴既佔大多數，如果有更多價錢便宜既選擇比我地就好喇。

丼丼屋雖然好多地方都有開，但係我其實一次都未試過。今日同朋友諗唔到今咩，所以就嚟試下佢。我地差唔多1點左右嚟到丼丼屋，㩒完飛等咗大概15min. 我地就有位坐。枱面一早放咗2份lunch set menu，唔見有其他menu嘅出現，所以我地以為只可以叫lunch set嘅野。但係食食下發現隔離枱有兩個細路叫咗兒童餐，所以我諗，如果想食lunch set以外嘅野食應該要同staff另外再拎menu。滑蛋碳燒雞肉丼定食($65)佢lunch set跟湯，沙律同果茶，果茶得一款，但係應該會定期轉唔同款。我地果今次嘅果茶係荔枝芒果茶，味道有d假，冇咩特別。蛋煮到半生熟，好嫩滑，份量多。雞肉加咗京蔥一齊煮，京蔥冇煮到好淋，雞塊味道似日式雞肉串燒嘅味，應該係雞脾肉嚟，肉質都好嫩，煮得啱啱好，而且有好多舊，舊舊都好大塊。沙律細細碗，麵包粒係蒜蓉包，非常香口。醬汁只係普通沙律醬，菜亦唔係特別新鮮，沙律普普通通。湯係海帶湯，味道普通，勝在海帶夠多。整體而言，味道不過不失，不過考慮埋價錢嘅話，我覺得CP值唔高，而且要收加一，我就覺得試一次就夠la。

通常同屋企人食飯都係食丼丼屋因為食開知道咩味唔使中伏😂同埋有個77折coupon就用埋佢我係食呢個其實勝つどん唔知點解一直都好似寧舍大碗啲飯係多到滿同會食到超飽啲豬扒好好食呀 又鬆又夠厚 同條邊有少少肥 好正呢個都okay 泡菜幾醒胃 整體普普通通啦呢個58蚊 超級抵食同雞肉份量好多 睇啲肉個樣好似好乾咁其實係幾好食 同唔乾😂啲豬肉片都足夠送晒成碗飯唔使特別嗌特盛一人一個主食又撈亂啲野食下加一後人均消費大概80蚊一位係一家出街食嘅好選擇🤩

好耐無食丼丼屋啦，今日難得假期來嘆番個午餐估吾到依家多左好多新款，價錢同以前差不多不算平中午時間大概12時左右已經好多人店鋪都算大間，位置很寬坐得舒服朋友order左個刺身飯，好快就送餐，望落去都幾新鮮《三文魚🍣親子丼》$95而我最近都好喜歡食煎炸野，見到尼個吉列豬扒丼忍吾住要食啦另外仲出左好多靚甜品見到都心心眼😍價錢也不算貴$20-$60不等落單叫左個《滑蛋吉烈豬扒丼》$98價錢略貴但就好足料，實物同圖片一樣咁有水準送餐才開蓋新鮮運上熱辣辣吉烈豬扒炸到金黃色，肉質仲好鬆軟滑蛋起碼放左兩、三隻蛋好多外圍既蛋熟透而內在既蛋半熟有水份滑流流，食落有兩種口感而飯係用日本珍珠米，仲要起碼有兩碗咁多，所以如果細食既朋友兩個人share都我另外跟餐加$10有咖啡☕️或茶叫左個咖啡☕️睇個樣好普通，點知飲落超滑超香濃奶同糖分量自己調較食完個飯其實已經好飽但都想試下佢既甜品Order左個《白玉紅豆抹茶阿法奇朵》配蕨餅$48尼個甜品🍮等得最耐，蕨餅日本🇯🇵直送單點都要$28蕨餅配黑蜜好正，甜度恰好，入口軟綿綿另外個白玉紅豆配抹茶🍵雪糕仲配多個大既熱抹茶淋上雪糕🍦個熱抹茶🍵湯好大個加落雪糕令個雪糕溶晒其實吾加

食乜嘢：名古屋鳥開親子丼 ($83)評分：8/10.一直以為港島東區冇乜專門食丼飯嘅舖頭(?) 原來北角地段內街有間丼丼屋 😃 呢個親子丼採用名古屋雞肉料理專門店「鳥開」出品嘅 「名古屋交趾雞」嚟做主要食材 🤔😀 聽落好把炮～一粒粒嘅雞肉質感厚實富彈性，配埋半熟嘅滑嘟嘟炒蛋一齊食味道香濃😍 其實呢個系蛋上蛋嘅概念(?) 炒蛋上蓋再加生蛋一隻，令飯粒更加濕潤～唯一不足係雞肉都有啲肥，不過肥美嘅雞肉先係口感最好嘅(?) 親子丼感覺係香港唔系話好多人點但其實比起紅肉雞肉都有自己嘅魅力喔

人有時真係要找d什麼藉口去做d什麼，！今天，我為我哋找了勞動節要勞動的藉口早早就去了食lunch.講真，來來去去都係習慣哋去幫襯果幾間。學人話齋:習慣係一件好可怕的事！好啦，就睇下我勞動節食乜慰勞自己…炸物?都係下次吧，清清哋好。迷你?不，我來講，份量有過之而不及。魚生新鮮，小巧。飯暖暖的，黏黏的，軟糯，微微酸。咁晒我個人的口味。尼個亦係同事至愛。我笑他:餐餐蛋撈飯便可滿足。鰻魚都彈牙，細緻滑嫩，口感豐富。應該也是健康之選。而且，最重要一點:不會太太太甜。勞動節也要勞動，食飽飽才有力氣勞動嘛！值得推介的餐廳

之前在丼丼屋都食過幾次lunch, 一般都覺得ok, 所以今日再來幫襯餐牌裹的圖片都好吸引，真係樣樣都想試！今日見到個限時定食，仲要一日得20set, 所以一定要試下。黑天丼定食$138~配半熟玉子天婦羅，沙律，昆布湯，抹茶冷麵，另外有6款天婦羅，平心而論，有D失望，天婦羅出面用左佢話30年秘傳醬汁浸淋左，醬汁毫不美味，加上淋左嘅天婦羅脆漿，真係有D難食雖然裹面的秋葵，茄子，蝦等都不錯，但整體配合唔到，昆布湯無味，抹茶冷麵好乾亦無抹茶味！好失望呀好彩仲有隻半熟玉子天婦羅，流心的蛋黃，濃濃的蛋味，正滑蛋吉列豬扒$98~ 份量好大，滑蛋真係好嫩滑好juicy, 吉列豬扒亦炸得不錯，飯粒大大粒，同滑蛋混埋一齊吃很不錯！

北角健威坊既丼丼屋本身我就好少食丼丼屋既只係好似食過一次晚飯咁大把咋覺得佢都只係食啲炸豬扒飯定食但賣百幾蚊幾貴因為我覺得只係一般般咁今日係去丼丼屋企食lunch既係正電梯口唔難搵餐牌設計都簡而精睇上黎都舒服lunch去係未有人既我係十二點去到拎位環境都舒適好坐叫咗個午餐食係炭燒風味雞肉丼定食但飯都唔差既但我唔覺有炭燒味雞肉食落唔錯個湯幾甜 都開胃既沙律清新 但唔太鮮咁一般般整體黎講仲有一杯新果茶凍既果茶口感清新味道淡淡都入口舒適

丼丼屋食店數量好像比以前少了，太古城的店沒了，最近便要到健威。一直都係親子雞丼鐵粉，皆因蛋滑、雞滑、米香，加少少豉油，簡單好味。不過今日我想要多點刺激，就試韓式香辣海鮮石鍋烏冬，石鍋上檯時仲係滋滋聲，真係又熱又辣。烏冬彈牙，不會帶酸。蜆肉不是很大隻，不過夠新鮮，無沙。回頭機率都好高。另外朋友點了咖哩滑蛋吉列豬扒飯，蛋係煮得夠滑，豬扒有點乾，都係雞肉好味d。除了豬扒，飯夠大大碟，咖哩加上充滿米香得珍珠米，都好開胃，好快就食到見底。👍🏻

環境3分： 日式快餐店格局，坐滿人迫迫地，但企理。衛生4分：  自助餐具整齊衛生。服務4分：  記得自己點咗滑蛋牛肉丼定食，但卻來了咖哩牛肉飯定食。由於落單後自己未有核對，不能怪他人，因有可能自己搞錯。總括服務態度良好有禮，效益高。味道3分：  和風白飯有信心保證。牛肉夠薄，咖哩甜而不辣。炸日本薯餅唔油，但唔特別。免費荔枝味花茶甜得太假。 抵食3分：  簡單講係貴版吉X家。

一次午餐竟意外發現有水準的食堂！可能年近新年，食堂做緊推廣，只要午餐或晚餐結賬時，會安排抽獎箱給客人有一次抽獎機會，抽的是一封利是仔，有新年氣氛，讚！內裏是飲食優惠卷或贈食券，剛巧一次午餐抽了免費丼物一客，於是今晚就約了老公嚟北角分店食晚飯，順便用埋張免費卷。今晚我和老公都各自叫了迷你套餐，加上免費丼物一客，原來免費丼物是正餐分量，餐牌內價錢是$58，好大方呢！結賬時又一次抽獎，幸運地又抽中免費丼物一客，對於時常出外吃飯的我們是好實際的禮物。價錢合理（結賬時會扣回免費丼物$58,所以今餐消費約只需$160左右）加上有誠意的製作，是一間值得推薦的食堂！

Lunch黎叫左份滑蛋豬扒飯，lunch set係同散叫一樣價錢， 不過送埋桃茶、沙律 同麵鼓湯俾你。 好抵！ 剛出左糧所以加左份炸雞翼同炸牛肉薯餅， 好豐富！薯餅香脆鬆軟。 裡面薯蓉棉滑， 牛肉味香濃， 配上少許洋蔥在裡面， 完美！雞翼厚肉肥美， 連雞翼尖都有肉！ 加了芝麻在上面， 更覺香脆！湯及沙律不過不失， 桃茶清淡不過甜， 不錯！滑蛋相當滑而且份量多，很好送飯。 豬扒香脆， 可惜肉質有點乾， 不過整體仍算不錯！吃罷飽到上心口

係北角返工LUNCH食飯其實有好多選擇，其中一間真係要介紹一下，就係呢間日式連鎖店丼丼屋，係北角正正常常食一間茶餐廳都差唔多五十幾蚊起，不如加多少少錢食間好D，返工咁辛苦，丼丼屋對我黎講真係一個食堂一樣，食餐好少少都唔係太過份姐。丼丼屋係北角好多人食，早D去，12點左右就唔洗點等位就入得，入到去環境不錯，夠光猛，座位又舒服，入到去就揀左咖哩牛肉飯同炭燒風味雞肉丼，先講牛肉飯，有一份沙律，一豌麵豉湯，日式咖喱係甜，非常易入口同最岩溝飯一齊食! 咖喱汁份量又剛剛好，牛肉亦非常入味，二者非常合拍！咖哩牛肉飯 - $58炭燒風味雞肉丼 - $58炭燒風味雞肉丼，碟飯一送黎，真係香到無朋友，都係有一份沙律，一豌麵豉湯，呢碟比起牛肉飯就失色左D，炭燒香就香，但係今次雞肉麻麻地，有D鞋口，不過就份重好多，燒汁送飯又係一流，飯份量又多，對於我男士黎講食完都有8成飽，剛剛好。

丼丼屋通常都幾full，今日難得有位唔駛等！依期Menu好似無乜點變。我地唔想食生野，同事同我都order左滑蛋吉列豬扒丼。食過好幾次都覺得唔錯，今日亦唔例外。滑蛋算滑，好大塊吉列豬排，外層鬆脆但肉唔乾。美中不足係今日杯果茶有啲淡。$90左右一個set有麵豉湯，沙律，大大碗飯，仲有杯餐飲，質素算唔差，抵食啦！

以前我屋企附近嘅丼丼屋冇左中午走去北角回味一番健威坊係好多食肆嘅集中地估計應該好多餐廳都爆滿今日係長假期緣故好多鋪頭都係水靜河飛實在太好啦咁可以慢慢唔使等位慢慢享受我就叫咗個雞肉我老闆就叫豬肉又平包羅萬有好可惜一樣野嘅係我就嚟食完個雞肉我老細碗豬扒都仲未到唔知發生咩事我哋吹咗兩三次千呼萬喚始出來 猶抱琵琶半遮面因為冇食早餐既關係 等到暈好彩食物冇令人失望 我哋可以好好品嚐今日嘅第一餐豬扒同雞肉都令到我哋好快食完如果係想平靚正呢度係一個好嘅選擇