為食比比 (已結業)

今日我買外賣叫咗個蜜糖芥末黑醋雞配珍珠飯，打開睇d飯真係樣衰到一個點，d飯係濕、黐立立、一嚿嚿成pat野咁，睇見都唔開胃，真係想問句到底係咪唔識煮飯？真心覺得好求求其其、是是但但咁，淨係個飯咁基本嘅野都做唔好，點做生意㗎？我日日食外賣都未食過咁差嘅飯！個飯咁樣衰都可以比個客嘅？我喺fb比負皮，第1次佢覆咗然後del咗，跟住覆第2次post埋whatsapp對話cap圖，跟住我夜晚睇，我個留言已經比人del咗，真係令我懷疑佢d fb評價全部都係5星，跟本就係假！全部自己友！利申唔係打手嗰d其實係打手呢餐飯真係好差，$46完全唔值不知所謂嘅餐廳無言不予置評🙄🙄

上個星期六自己一個經過想食小小野，見佢鋪頭細細就諗住食個tea去到有人等緊野食，我就等店主serve完前面嗰位客人先到我，等左5分鐘店主送完餐，終於到我叫，叫左比比雞翼同薯仔沙津，但等左好耐都未有....見到原來鋪頭得店主一個人，佢好有禮貌又有笑容，我就再等多陣啦結果由落單開始等左20分鐘先有野食，但 一啲 都 無 後 悔！好好食！完全係我想食既雞翼！即叫即炸，好香脆 但個sauce先係重點，好似buffalo wings, 但無咁辣同creamy啲薯仔沙律都唔錯，調味得幾好個檸檬熱飲好有心思，一飲先發現啲檸檬係漬物，所以一啲都唔會有平時熱檸水嘅苦澀味，好啱我好怕苦又好怕酸嘅人不過仲有一個缺點，就係佢嘅通風做得好差，食完之後成浸油煙味，希望下次會改善啦一路食一路諗聖誕order佢既到會 (利申非打手，見依間小店無人氣，所以就決定打篇食評支持下，真心好食)