為食妹 (已結業)

放工肚餓，打算支持下小店🤷🏼‍♀️買左兩樣野食$30。店舖吾收八達通，銀包就只有五百元！阿姐問我有冇散紙，真係冇！阿姐就好惡死話下次五百元吾收！佢講出這一句，意思叫人吾好有下次？🤷🏼‍♀️我眼望吾多見有寫五百元吾收，如果知道係吾收就吾好意思去買野食，現時生意真係吾憂做😮‍💨

今時今日咁嘅價錢都真係無得輸，但就淨係為填飽個肚格仔餅有得揀多/少醬，我全部都要多，得甜味食唔出花生醬。個窩夫底更加恐怖，完全無蛋香/牛油香，而且我即刻食都仲係好淋☹️八爪魚小丸子一樣淨係得麵粉味，今次唔係淋而係好乾好乾，乾到會咬到硬粒。雖然好平但都應該唔會黎第二次喇☹️

西環有好多不同食肆，今天去著名潮州餐館吃飯，時間尚早四圍逛逛。行到卑路乍街，見到有大班年青人在舖外吃小食，舖頭名為「為食妹」。望一望，原來好多平價小食，魚蛋、燒賣 、腸粉 、雞絲碗仔翅、珍珠奶茶等等，選擇好多價錢便宜。買了一個魚蛋三寶試下，三寶包括魚蛋五粒 豬皮三件 蘿蔔三件，$10 一份好抵喎。味道呢，我冇加任何醬汁吃下真味，魚蛋細細粒，但質感不錯，雖然唔係最好但不會腥，蘿蔔夠稔有味，好耐冇食豬皮啦，幾好食，它吸收了汁料，一口咬下汁就標出都幾好食。

健康怪既我今朝同老公行左山，先敢話想食雞蛋仔同夾餅，期待左一整日。去西環見到要排隊，就打算響呢間買。一等就廿分鍾，就算落左單都要等，我覺得主要係佢地系統問題，而稱唔上係生意太好所以慢。雞蛋仔ok既，熱辣辣俾到我。好脆既算係。我最大讚賞係唔太甜，無食媽咪雞蛋仔既油膩邪惡感。夾餅就有好大進步空間。佢搽既醬超少。連我呢個走醬怪都無意慾叫佢少醬(不過我係叫左走糖)。響少醬既情況下，佢既夾餅都唔脆身，成個林身既，同低調高手既質素就真係相隔太遠。

呢間係一間又平又乾淨嘅小食店，所有價錢簡直係平到你唔信，$15六粒小丸子、$10有5粒魚蛋3塊豬皮3件蘿蔔、$5六粒燒賣.......超級控食，之前食過啲小食，而且質素唔錯。買左$20三餸面，可以自己揀餸，份量都幾多，有三條脆皮腸，三舊冬菇，五粒魚蛋，仲有面添。買面就有張紙填完比佢就得，有湯、餸同面揀。成日都好多人買，人手經常見到得兩個，等嘅時間耐少少。我揀左清湯加腩汁，啲餸係好食嘅，但面我覺得硬左少少，仲有未散晒，成注。

今日經過西環見到一間小食店 都幾多人排又口痕想食雞蛋仔就買咗個返嚟食 之後見到啲白蘿蔔幾香 所以就帶咗幾舊 老闆員工態度非常之有禮貌 個雞蛋仔唔駛等好耐 即叫即整 新鮮出爐 香脆得來個甜度有啱啱好 越食越香 個白蘿蔔未到啱啱好 重點係個辣醬 加咗落去又辣又嘢未 最緊要個價錢係超抵從來冇見過一間小食店可以咁平($10) 間店睇落好新淨 上面貼左好多好可愛嘅狗狗相超級之得意 今時今日係香港真係好難搵到一間有人情味嘅街坊小食店真係值得一試

話說上次和老友在西灣河吃了一個雞蛋仔之後，老友見筆者如此深愛雞蛋仔，於是問有冇吃過西環為食妹？筆者立即回應，幾時帶路？所以便相約找個星期天，來一次西環遊。原來這間為食妹平日放工、放學時段，很受附近學生和一些老外歡迎，有時候還要排隊等。今天星期日，所以比較清閒。看見門外的餐牌，上面是英文Menu ，而下面才是中文 Menu ，由此可見有不少外籍人士客戶。食店內只有少少的立食位置，吉魚蛋就是這樣才有風味，看見牆壁上全是狗狗相片，相信老闆是愛狗之人。其中一張照片相當吸引，於是點了滷水大腸。滷水大腸~$5/ 四件，由於只是小吃，故此少少哋，吃著先，帶腍夠入味。咖喱魚蛋~魚蛋太腍身，未夠彈牙。雞蛋仔~即叫即做，烘得外脆內軟，而且還是$10 一件，價錢超值，難怪受不少學生歡迎。

這間店雖然價錢平，但有員工不太老實又沒有禮貌，腸粉標明價錢$2一條，買$10就有六條，但本人試過有幾次買$10，分別某兩個員工都比少一條，回家發現得五條，我安慰自己可能當$2條賣掛，而$10夾餅又整到很黑，不知是否時間太耐，要求換過件夾餅，某員工仲話唔好買囉！附近都聽過有街坊有類似的情況發生，雖然價錢平但不要咁做生意，平時多人排隊冇所謂，做街坊生意，希望食店老闆教導員工做生意，最重要係老實及有禮貌。

西環自從開咗地鐵就開多咗bar、西餐廳、cafe.....搞到啲細舖頭仔嘅生存空間越嚟越細今日要介紹你呢間小店叫為食妹，系香港大學站附近如果港大出發，大概5分五至10分鐘路程，唔太難搵為食妹由開業以來都冇加過價！依家係出去鬧市買個雞蛋仔都差唔多$20，但係為食妹都仲係賣緊$10雞蛋仔格仔餅！抵到爛所以每逢下午茶時間，都有妹多學甜哥師奶上班一族黎買下拿茶食咖<格仔餅$10> (好味:3/5) (抵食：5/5）講返個格仔餅，其實味道真係唔差㗎新鮮焗出嚟，好香嘅蛋味，多奶少醬咩配搭都得！呀姐絕對唔會托手踭，服務態度一流，推介大家經過一切支持下小店

早兩星期收工同友人係西環堅尼地城食飯，飯後行去正街途中，想吃點小食。 路過一間晚上幾多人排的小店，一看之下，價錢超實惠 魚蛋燒賣都係$10/10粒本來今日想食佢地的魚蛋燒賣腸粉 又係$10 ，為左佢跑左九條街 一定要食返夠本。前面個呀姨叫三餸車仔麵。一睇之下 我決定叫了 $20車仔麵 香港應該得呢到有燒賣有六粒 ，咬落軟身煙韌。 墨丸彈牙爽口，有兩粒雞翼有一隻 醃得入味 有得揀湯or 乾拌麵 加辣汁夠唒惹味正呀 粗麵份量超多絕對食得夠飽

早餐跟午餐之間想吃點小食，家中什麼都沒有的時候，就唯有出外找，慶幸在家附近有這間為食妹的小食店，店中出售的都是香港普遍的小食，雖然份量偏少，價錢仍可接受，但味道則是令人感到非常滿意。

今日第一次試, 雖然唔係太就腳, 好彩冇失望點左格仔餅 $10, 非常厚, 軟熟, 夠熱唔知係咪次次都係即叫即整, 希係另外牛柏葉, 魷魚各一串 ($10 串), 好食, 沙嗲汁也非常好可惜份量太少, 要調整下.希望貴店一路做落去

今日和媽媽在中環吃完拉麵後，和一班吃貨朋友去到銅鑼灣Sogo超市掃街，超級開心呢。之後去左西環這老區，就發現左位於卑路乍街就岩岩開左一間平靚正的小食店。 良心小食店 價錢抵食 服務態度佳 即時即做雞旦仔 好似回到童年咁，雞蛋裡不只是軟綿；有的專注原味，卻在口感上別樹一幟，跟軟綿對立的香脆。雞蛋仔和格仔餅同價 ($1０)格仔餅有醬料，店員會問你有什麼要加減、需否剪開，而雞蛋仔當然直接了當得多，沒有個別調配的空間。十蚊六條腸粉邊到搵，配合了甜醬麻醬芝麻，熱得燙口味道唔錯！