影片
开饭介绍
于1958年开业的老式饼店。汉堡扒即叫即煎，并用上港式面包，十分地道。
继续阅读
营业时间
今日营业
06:30 - 19:00
星期一至日
06:30 - 19:00
以上资料只供参考，请与餐厅确认详情
相关文章
丹麦饼店嘅鱼柳包好耐冇食过啦~~系回忆嘅味道啊 咁岩出铜锣湾就去咗食返一个 回味下中学嘅时光✨石斑鱼好大块 仲要炸到好脆 热辣辣面包仲好松软，另外加咗沙律酱同埋茄酱 中和咗冇咁油腻 味道啱啱好
继续阅读
因为人客多，负责炸嘢既女士非常晦气没礼貌，我帮趁谂住支持下老店，点不知人哋生意好到发客人脾气，又以为我打尖，之后包食物又一野丢在纸皮箱上等我自己执，真系冇下次，唔知点解要受气。
继续阅读
炸石班鱼柳包（$22）即叫即炸，份量比M记大。系咪真系石班鱼就唔知，但口感不错，肉质扎实，鱼肉唔会一咬就散。炸粉薄，香脆。面包微温，用铁板“辣”过，所以有少少脆边。酱汁有茄汁同沙律酱，酸酸甜甜。软猪仔包（$6）饱满，胀卜卜，食落唔会似咬空气。
继续阅读
去到铜锣湾，咁啱俾朋友带到去呢间老字号嘅饼店。应该之睇过条片讲呢间老舖嘅名物热狗，朋友问我要唔要试下，反正睇完戏个胃都有位当然可以试一试。店舖保留住旧式面包店嘅风格，如果你经过的话一定知佢系老店。𠮶种老店应该系七、八十年代或更早嘅风格。热狗会喺一个玻璃室内即叫即做，呢种感觉，好似去到一个我无经历过，只系喺电视上见嘅年代咁，好得意。以$15黎讲，我觉得都几正，肠热辣辣，不过就细左啲，佢都有沙律酱，如果有埋黄芥辣就更好了。听朋友讲呢间面包店有好多人帮衬，有几会嘅话，会再试埋佢其他即做嘅包。
继续阅读
好后悔点解会咁迟先认识呢间面包店，食完呢间真系翻唔到转头，老麦果啲鱼柳包真系即刻比下去。宜家物价贵，以前细细个食老麦明明块鱼柳大过面包，唔知几时开始包入面嘅沙律酱覆盖面仲大过块鱼柳，再者好多时候块包一拎上手就冧晒，酸菜沙律汁又好酸，0诚意同0心机，所以我都冇食好多年了😂适逢今朝早心血来潮，想去吓啲老店当做支持下老人家老板。其实好耐之前已经略有听闻过啲住港岛嘅朋友话呢间嘅面包唔错，但我当然因为佢嘅简约、残旧嘅店舖而却步啦，真系有眼不识泰山～ 最近我去多咗铜锣湾，几乎每次经过都见到好多人买，令我对呢间舖头充满好奇心，相信佢应该系大家嘅食堂🫢果然冇令我失望🤤铺头对包都几讲究，由其系招牌有馅料包🤩（热狗、汉堡包、鱼柳包、猪扒包etc) ，每次都会先用铁板烘一烘热块包，块包去咁上下温度就会翻炸石斑鱼块，令佢非常之脆口，加上又大块，仲热辣辣添，完全食唔到雪藏味。面包亦都好松软，胀卜卜，卖相几好。我嗌左少酱（茄酱同沙律酱），味道啱啱好，酱汁唔会掩盖佢嘅脆口，又唔会太咸，交俾我嘅时候仲好细心咁用牛油纸包住，再入纸袋👍🏻铺头有好多捧场客，我买嘅过程中都遇到几个熟客仔。佢哋大多嚟买菠萝包、热狗同埋奶茶咖啡，可能因为唔使等佢烘热，快靓正，真系附近「扮工」人嘅早餐好选择😎支持一下本地老店好过帮衬连锁店🤘🏻😋 唔系吓吓，真系要到执笠𠮶刻先嚟排长龙支持😅
继续阅读
您可能会有兴趣的...