丹麥餅店

营业中

休息中

問問大家，多少年沒入過大球場睇波？(女士可能會話從來未入過)於我而言，無廿年都有十五年，真係好耐。昔日讀書時，$10學生票入場，堅係抵，有時一星期睇兩日。不過，都係咸豐年代既事，現時港超聯有邊幾隊踢緊我都唔知，賀歲盃與我毫無瓜葛，外隊訪港我也提不起興趣。畢竟現在鈕開電視，就是英超西甲等頂級球賽，實在來得太方便。往日入場前後，買一隻「丹麥」的熱狗咬，幾乎是指定動作。隨著多年沒入場睇波，惠顧丹麥的頻率，也愈見稀少。是晚路經，見有幾個人排隊，我心癮又起，來回味一下。 先到櫃檯的婆婆那邊俾錢，拿著紙頭去食檔領取就是。 原來家陣既熱狗，已升價至十二個大洋，豬扒包則十八個大洋，就咁花了三十個大洋落樓。 熱暖的香腸，配點沙律醬，夾著麵包，組合簡單不過，但製作認真，至少麵包是會烘熱給你。不僅入場睇波，讀書時期，有許多餐午餐，也是學校飯堂的這類熱狗陪我渡過。 雞翼與豬扒包也是經典，今次吃後者，豬扒雖薄身，但即場炸起，金黃香脆，咬落燙口，只配些茄汁，夾個包，簡單而美味。 七月利記訪港，誰有興趣入場看看？不過，記住唔好買波，尤其是利物浦，正所謂若要生活好……

炸雞脾 $18______________________________點評✏️分數：6.5/10______________________________味道🍴第一篇既文，揀左寫懷舊既丹麥餅店，除左熱狗之外，豬扒包,漢堡包等等都岀名，而今次經過就試下炸雞脾.好大隻！唔係落炸粉炸，就咁落滾油拖佢，皮炸得脆，亦都好入味，但肉就炸得老哂，唔嫩，頗"鞋"🙁，假如控制下火候就Perfect啦！其實係食佢懷舊既裝修，人情味？食物就有所保留

🐔🍗🏠唔知有冇人同我一樣對舊式野特別中情😝每次經過銅鑼灣必食＂丹麥餅店＂雞腿同熱狗～即叫即整，開放式廚房設計，一塊塊豬扒炸到又香又脆😋必食雞腿！肉質唔算最嫩滑但我就係中意食＂鞋鞋地＂既肉，😋最重要係有一份舊香港情懷，你會見到好多學生大人排隊，買完大家一齊企係路邊食😌呢種情懐現今社會已經冇乜收$姨姨今日依舊燥底，一路收$一路鬧人🤣依家既食店都係好正規又玩service，真❤希望呢d懷舊食店一直能夠保留落去☺️

基本上平日吃丹麥餅店都是下午茶時段，不過今天陪媽媽辦理護照要排隊，我們甚麼早餐也未吃，最佳速食絕對是丹麥餅店，又是即點即製。由於媽媽牙肉腫痛關係，她只能選吃最簡單的熱狗。雖然看似平平無奇的香腸加麵包，但其實拿上手時整個熱狗都暖烘烘的。麵包裡裡外外都由伯伯親手香煎，然後將熱呼呼的香腸夾在包中，灑上沙律醬，成了寒流中一點美味。媽媽不斷讚賞麵包的香脆~不用多說我當然是炸物派~ 丹麥餅店一貫其作風，炸豬扒薄身肉汁香，不會乾巴巴，而且比麵包還要大，香脆的口感一成不變，有時候我真的覺得它比連鎖店好吃多了。

每年第一個星期日，如果你的公司都有參加百萬行，那麼這一日都是百萬行的日子。 年年如此，七點多就要在銅鑼灣出現，然後行去大球場，早上七點多，當然要先吃一下早餐，那麼，這麼早可以吃什麼呢。 基本上，呢幾年都係指定食丹麥餅店。 吃得丹麥餅店，一定係熱狗，男人大丈夫，一定要吃雙飛，來個孖腸熱狗。 早上手揸這個暖暖熱狗，不是求其整俾你，腸係新鮮煮熟的，飽會煎熱先俾你，再加上屈機的沙律醬，你點會覺得唔好食，就算咁早起身，食個咁美妙絕倫的早餐，成個朝早都會好滿足吧。 百萬行行左十年，食熱狗食左四年，唔知會唔會有下次，聽說這裡收購得七七八八，不知下年會不會再可以在這個百萬行指定早餐。 人生，通常是無常的，為了可以還健康地吃到熱狗，還可以參加每年百萬行，感恩。 每年，百萬行通常都見到一個老友，今年見不到他，因為經證實患上癌症，我在想，如果可以和你下年再吃熱狗和百萬行，多好，祝福你。 丹麥餅店 銅鑼灣禮頓道106號禮信大廈地下

以前在銅鑼灣, 最出名的舊式麵包店分別為"禮頓"同"丹麥", 當時兩者各有支持者. 個人來說, 較喜歡"禮頓", 只可惜多年前在老細賣舖後, 就消失於江湖了. 當然, "山中無虎猴為大", 現在"丹麥"就是大佬了. 說起"丹麥", 我就只愛它即製的加工包, 即係"魚柳包", "豬扒包"等等, 其他出爐面包, 我就絕少幫襯. 當中最愛就是"魚柳包", 間中總會幫襯幾次. 你落下單以後, 他會即時番炸魚柳, 麵包會番熱, 所以食的時候, 成個包就會熱辣辣, 魚柳亦會外脆內軟, 比M記那種好食得多.

一心來回味點知一肚氣！一入們口諗住問下咩最好食，即比人噴口水狂話咩都好食無野唔好食，問來多餘......加100字口up up 勁無禮貌....!自己聽唔清楚，重複兩次單都落錯! 落小野我唔識睇你地點運作，梗係問點解比小左野！倒轉頭老屈我要多左野！大佬我孭住個小朋友會唔會咁無聊呀？你d野好經貴鑲金呀？幾十蚊唔會比唔起囉！重要口up up 老屈人........省下1000字！見你老人家唔同你嘈！心火勁就飲涼茶啦！拿客出氣!勁無禮貌！以後唔會再買！

老字號丹麥餅店，即叫即整豬排包，熱狗，炸脾，雞翼。每次經過都會食返個熱狗或者豬排包，因為麵包同沙律醬都係自家製，味道其他地方食唔到豬排包比較少食，因為炸豬排有點乾，夾埋鬆軟既麵包黎食唔太match，每次都要多沙律醬去中和下熱狗反而口感同味道上好夾!!香軟既麵包加上預熱左既熱狗腸，左邊茄醬，右邊沙律醬，食落口有好香既麵包味同沙律醬味，而且沙律醬口感好fresh，一啲都唔膩!!熱狗腸可以再脆口啲，但味道適中唔會太咸，同沙律醬，麵包一齊食既時候毫無違和感。三樣野實在太match鍾意食熱狗又唔重口味既不防去試下，包你話好食!!

每次經過丹麥都會記起舊時喺銅鑼灣番工嘅日子，因為成日都喺丹麥買早餐。豬扒包 $18其實個包就係普通到爆嘅麵包，但由於有烘過，會感覺好新鮮。豬扒基本上都係即整，不過會有啲乾。好在會加番啲沙律醬，整體就冇咁dry。如果講味道，就只能夠好老土地話係懷舊味。

看tvb饮食节目推荐了这个炸鸡腿！想吃肉就去试试，蛮便宜的！才18块钱还有一块鸡中翅，这家是老店了，几乎经常看到被美食推荐！皮是炸的脆脆的，很香！可是鸡腿肉并不嫩！口感一般！

這家丹麥餅店十分之出名，出名的不是佢哋嘅包點，而係隔離好似小時候讀書嘅小食部，最受歡迎！我想泥食好多次但係佢一實在太早收，好多次諗住行過都冇機會食到，今次我就決定特登搭車過嚟，喺呢度落車買好過包先至做野。偏偏嚟到呢啲咁特色嘅店，我就會有啲緊張！行入去嘅時候戰戰兢兢，又未望清楚想食乜嘢，然之後見到姐姐嘅眼神有點凶狠，就想打退堂鼓。唔係姐姐嘅問題，而係我習慣咗呢啲咁嘅情況，要交比身邊嘅幫我叫。但係今次我要自己泥，我冇需要別人嘅幫助都要好好做自己！幸好娛姐的眼神只不過係習慣性凶狠，好溫柔咁樣同我講問吓我要咩。最後我揀咗個炸石斑魚柳包說真的這個如流包售價＄18十分之抵食。因為裏邊的炸石斑魚比面包更大，而且包和魚柳全部10分新鮮熱辣辣，尤其是呢個渣石斑塊外層10分脆，而且油份不多，不是賣新鮮魚樓為招牌，但偏偏係就有一種豐富嘅石斑彈牙質感！＄18吃到這個質素絕對物有所值！大概我一定會再來試試豬扒包和漢堡包，立多年風采依然， 大家有時間不妨溝通，她店丹麥餅店都應該會試吓這種有小至大都令人難以忘懷的小時候感覺！

某日向銅鑼灣落車嘅時候見到依間好出名既舖頭，純粹出於肚餓嘅理由，老字號，但唔就腳，好多時想試但係都覺得太遠唔近Sogo ，所以無去食。 店舖內同外都十分舊，沒有堂食只有外賣。佢有好多唔同種類既港式包同飲品。魚柳包包好軟，包皮有少少脆口， 塊魚柳熱騰騰同大大塊，最開心既係佢配蕃茄醬，我平時去麥記叫魚柳包會要求走白色既醬（沙律醬？），自己再加蕃茄醬或者㤗式辣醬。 蕃茄醬少少酸開胃，魚柳塊炸到岩岩好，炸皮薄。 炸雞腿除左佢大大隻， 即炸即食， 外皮加左少少salt，少少咸同卜卜脆，內裹既肉好嫩滑

記好耐以前食過呢間嘅熱狗，條腸就一般茶記廚師腸，而麵包係家庭式麵包店嘅口感，即係柔軟但有d黏牙。今次再食，已經預左條腸係普通貨，但感覺個麵包比以前差左，有d硬，唔係太得試埋紅豆菠蘿包，噢，同翠華差十萬九千里，係勝在古早味同夠平囉，不過我自己就應該唔會想再食lu

係銅鑼灣做完自己野，突然間醒起丹麥既豬扒包。聽就聽人講得多，說就未食過，所以決定會一會佢。丹麥餅店算係一間老舖，裝橫舊式樸素，一睇就知有歷史。舖位係正馬路口，好易見到。行近門口就已經聽到炸野聲，油聲啵咯啵咯，聽到就已經留晒口水。同阿姨叫左依個豬扒包，阿姨會先將個包放入焗爐烘脆，之後放入炸豬扒。入面既醬係茄汁加沙律醬，豬扒已經冇左條骨，真係好細心同食得方便。豬扒炸得香脆而且好稔，應該唔係用好多味精去醃，但醬夠所以味道夠。18蚊依個質素又咁足料，的確好抵，而且好夠飽。下次就一於試下佢既魚柳飽～

常聽到朋友講，銅鑼灣食豬扒包最正，一直都沒機會去食。最近終於有機會去一試，真係無得頂，難怪每日都有唔少人來幫襯。豬扒包，只是用一個普通麵包，不是用漢堡包。麵包會烘過，熱騰騰，豬扒即叫即炸，內暖多汁，外炸脆皮，炸粉薄薄包著已入味豬扒，再加上沙律醬，一咬落去，肉汁已滲出來，混合了沙律醬，味蕾大增，即時有不同口感，豬扒亦唔會脷。