丹麥餅店

营业中

休息中

每一次來這裏都是買雞尾包, 因為食過一次後己深深愛上它!!$2.5 一個, 椰絲、油、糖的份量不錯, 而且毫不吝嗇,所以由頭到尾都有餡料!! 見到好多人買漢堡包、魚柳包, 係新鮮即做的~

D 飽ok，但真係好有70 年代味道，魚柳飽感覺好新鮮，好似條魚劏完即炸咁樣，一流﹗本人推薦首選魚柳飽。

oh my god!!! This is THE shop I used to visit when I went to high school just around the corner!!! It must have been almost 20yrs!!!It looks the same and that's the beauty of it. I still remember those juicy fried chicken thigh, HK style hamburger...and they used to have fried shrimp toast if I remember it right... good old memory. Hope places like this will last another 20yrs, a simple family owned business doing what they know best in the neighborhood.

心血來潮,由九龍區專程到銅鑼灣買豬扒包吃。豬扒包吃了數次,薄薄的一塊豬扒依然炸得乾脆,一點也不硬,而餐包經過一陣的烘焙,不會乾,反而香香軟軟的。整體上吃了也不會急著找水喝。至於熱狗,$6一個,不像麵包店賣的熱狗,有青瓜和番茄,只有一條腸仔和沙律醬。但我還是非常欣賞那平平無奇的餐包。奶茶,$8一杯,又香又滑,看著師傅在旁邊拉著,即叫即沖,配上熱辣辣的豬扒包,簡直一流!

估唔到銅鑼灣仲有一間咁古老麵包店...係門外舉頭一看, 便知呢度歷史悠久了! 淨係d黃金金汽水廣告, 同d廚具等都係上幾代款, 真係好難得可以保留都依家, 有極懷舊感覺.近期經常路經此店, 都見人客不絶, 心想:一間老店, 到現在, 甚麼都似是沒有改變過,還能屹立不倒, 生意不絶, 心感佩服.究竟秘方是甚麼呢?熱狗和豬扒包我估秘方是貫徹始終以及新鮮.這兒賣的熱狗($6), 真的是一個腸仔包, 分別只在於熱狗是新鮮的, 看著店員從那保爐拿出個豬仔包, 再搽上沙津醬(似是加油開稀沙津醬), 再加上熱烘烘腸仔(用7-11隻整腸仔個爐), 便成. 好簡單一個包, 味道其實普通, 但勝在夠熱lor.豬扒包($10)係塊豬扒係即炸, 好薄好香. 個包似係用餐包,同埋加沙津醬同茄汁...試過兩款包, 覺得豬扒包好食點...味好似夾d而熱狗就好似有點食唔慣呢種食法咁lor.

此餅店已經有多年的歷史，主打的熱狗、漢堡包及炸物，想此點不需在此細表；而窩心的是即場烘熱的麵包加上烤制的香腸及漢堡再加上自制的沙津醬，需不是什麼人間美食，但路經外賣一個及即時放進口內，簡簡單單，熱熱辣辣，足願矣。所以越簡單的食物反而越易見滿足！

朋友介紹熱狗,但我比豬扒包吸引住.豬扒是炸的,很脆!d醬是茄汁+沙律醬.好好味,但一定要叫多醬喎. 好多人買終極薯條.聽到個名都想食,但好熱氣,下次先試.仲聽人叫雞翼多椒鹽,好似好好味咁，下次先試埋!

趕著竹戰，沒有時間食午飯，於是於朋友的樓下餅店買個包。知丹麥餅店有點名氣，雖店是老舖無裝修，但經老闆娘介紹後還是要了個豬扒包。果然是即叫即造，100%新鮮，好不好味就有點保留。其實這個包沒有特別，就是在一個餐包裡夾一件炸豬扒，加少許茄汁，而且生菜及其他配料欠奉，賣相也是只一般，十元一個絕對沒有吸引力，吃的理由除了因為老字號之後，加上了其瑰麗的名堂！不過......個人原則未到很難吃也不會給喊面。

呢間鋪大大話都好似開咗十幾二十年，但係自己就從未試過，今日路過此處，決定買隻hotdog食...都好耐未食過呢款hotdog la...記得以前細細個食嗰D熱狗就係咁gar la --- 微熱嘅熱狗飽、一條幼幼嘅腸、再加上一大pat嘅沙律醬，真係令人諗起以前美好嘅時光...味道當然唔可以苛求la..仲只係賣六蚊隻，都值ge..

今日同弟弟去銅鑼灣唔知點解突然好想去返o的度食佢o既buger. 就同佢一齊行嚟啦,行o左一陣終於都到啦.可能因為真係好內無食過,覺得好懷舊,一啖食落去....嘩!好好食呀.佢地個buger係自己整ga,唔同出面大m o個o的,感覺好幸福~O個時真係有O的衝動但食多個,不過好飽呀,下次一定要但食多個~~

哩間野我成日食，我竟然冇寫過食評！必食豬扒飽既原因：1.麵飽鬆軟2.豬扒香脆3.白汁+ 蕃茄汁結果就係好好味！呵呵呵~PS：可惜冇堂坐

小時候喺附近讀書，由於好懷念丹麥嘅熱狗，所以星期六放工後特登嚟買番隻食。唉！早知唔嚟，見佢冇將舊麵包哄番就塗沙律醬，加條腸就完工，食落同腸仔包差唔多。唔係話個包難食，不過我期待嘅係熱狗，唔係腸仔包。都唔知係唔係細路仔好易滿足，樣樣都話好好食，依家就奄奄尖尖。加埋感情分俾OK佢。

好好食0既餐包，好鬆軟，口感好。熱奶茶也很好飲。

唔好期望係Delifrance般的熱狗，因為佢地幾十年黎都完全無改過個熱狗做法。將條腸放落油炸，人少就幫你煎一煎香個飽，人多就係咁意整一整熱佢，不過都ok既~~~唔好太睇少個熱狗份量，一個大男人食完就六至七成飽，以咁既價錢有咁既份量，仲可以要求咁多咩？千祈唔好放學時間黎，因為好多學生仔排隊。仲有~~~收錢個姐姐ok好禮貌~~

最近食薯條食上引, 叫左個炸魚薯條, 落order o個個人好人,不過炸野o個個就好冇禮貌, 黑口黑面,因為即叫即炸都要等一陣,佢問我薯條要唔要茄汁, 我話唔駛, 之後佢話"鹽都唔要呀?", 我話要呀, 不過佢最後都冇落.......佢又冇叉比你, 搞到食得好狼狽!個炸魚好鬼死咸, 我覺得唔好食, $8都唔worth...好彩佢冇落鹽係薯條度, 咁先食到好好味o既薯味,薯條外脆內好軟, 比金牛的更好!!不過overall我就prefer金牛多d, 因為人地有service!!雖然薯條貴$0.5, 不過大包d!