丹麥餅店

营业中

休息中

都好耐冇幫襯, 今日路過, 見又冇人, (平時要排隊架~) 口痕入內食個包先!一個漢堡包, 7蚊.幾年前都係6蚊.加一成半, 都可以接受既.交左飛, 看住師傅將塊包放入電熱爐, 同一時間又煎塊肉;塊包弄熱了之後, 一邊落茄汁, 一邊落白汁;之後放上塊肉, 摺埋, 食得~個包一攞上手的第一個感覺係, 好熱!牛肉都幾厚架, 好香的, 好像加了d 蔥咁?另一定要一提, d 白汁.不只係沙律醬咁簡單, 食倒有d 甜, 好似蜜糖味咁...加上茄汁, 又甜又酸, 令我未行到希雲街已食完了!再想吓, 真係無械可擊, 7蚊仍係好抵好抵!

浪卡來勢洶洶，三號風球過後，天公仍不造美，週末天氣最壞，大雨連連，仍興致勃勃，今天，又踏上旅程…乍看地圖，目的地不在大街，滿以為挺難找，幸道路不算迂迴，總算找到…舖面比想像殘舊，不設雅座，中央位置放張安樂椅，非為客人而設的…左方賣包餅，右方賣炸物…整理著滴水的雨傘，忙了半天：「唔該…魚柳包、炸脾、薯條…」「你將張單交去對面…」親切的嬸子…「哦…」或許時間尚早，加上天氣濕漉漉的，客人不多，在一旁期待著…炸脾薯條在炸喱翻滾，麵包從烘爐鑽出，撻兩糰沙律醬，放一塊炸魚柳，夾上…「薯條要唔要茄醬？」又是那位嬸子…「唔要啦，唔該…」「咁多包，不如幫你包起佢呀！好唔好？出面落好大雨呀…」「哦…好…」雨還在下，無奈走到旁邊的禮希大廈，見有瓦遮頭便吃…波浪紋薯條，即叫即炸，一貫水準；炸脾表皮香脆，肉質嫩滑；魚柳包出色得不得了，魚柳脆，麵包軟，醬料剛好，美味十分…連鎖快餐總及不上舊式食肆，不論食物還是人情…吃罷，再次潛入大雨中…I’M LOVING IT…

我係俾家姐帶左黎呢間外表普通又舊的{丹麥餅店}家姐話呢度D野好好食,,咁我就一試..我買左個豬排包黎食佢係新鮮炸的熱熱的豬排好滋味加埋塊包直頭PERFECT~~估唔到咁普通的店舖原本係有咁多美食唔怪之得咁多人黎買野食下次再去銅鑼灣實買多個黎食

一向都會食佢地個漢堡飽或者豬扒飽. 但上次食過老婆餅之後,就愛上左佢地個老婆餅.佢地既老婆餅味道同其他餅家有D唔同,有一種通常係做台灣餅既蛋奶粉香味,冬瓜粒亦好突出,有D咬口.我自己就好鍾意囉.

四月十五‧晴朗自少已在這裡吃東西，什麼炸雞脾、漢堡包、熱狗等等也試過不少。是日在附近試完菜，心想來這裡吃點東西吧，就買了個熱狗。那部經典的履帶夾包機已經沒有了，換上了一個兩層的烘爐，熱狗及漢堡包也在這裡烘熱了才夾餡的。要了熱狗，這邊剛付款，那邊已經包好可以吃，效率一流。比較起中環永樂園熱狗王的，這裡只用上了普通的沙律醬，明顯給比下去；但麵包卻是水準很高，鬆軟又美味，因為這裡的熱狗包也是自家製的，自然新鮮熱辣，比人家的美味。熱狗盛惠7蚊，跟漢堡包的價錢一樣，同是便宜得令人發笑。但不要以為這個是什麼「時光倒流」價，我有記憶這裡的熱狗是~~2元8角一只！路經此地的話，平平地一試無妨。

唔覺意經過見到有堆人排住隊..根據經驗,多數都係好野食黎GEI..所以把心一試啦.丹麥餅店好懷舊FEEL.無論門面.定係餐牌..ORDER左1隻大雞翼. 即叫即炸既..真係新鮮熱辣.. 雞翼口感不俗.外面好脆但係又唔會好油膩有少少鹽既香味..D肉又嫩.好好味!

因球賽關係﹐人流從附近的三叉路不斷勇入﹐另這區的人流曾加不少。本人行到離這食店不遠已聞到這店散發出來的油煙味﹐心諗食物從萬年油炸出來的豬扒﹐雞脾&魚柳都是不吃為妙。實在超多油, 好熱氣。到達店後﹐見到老老闆娘在旁邊負責弄飲品﹐而老闆跟老闆娘就在隔離忙個不停地把麵包放入烘爐內跟狠狠地凳個茄汁罐來補充用完的茄汁。但人最終只有兩隻手﹐兩人都只有四隻﹐所以眼見在鐵板上無人理會的漢堡扒煎得很‘火農’。所以由原本想買漢堡包&熱狗最後只買了熱狗試試。熱狗 - 麵包剛剛烘烤完﹐很軟熟。腸仔當然不是什麼脆皮腸而是普通腸仔。以這價錢都不會有什麼要求﹐如行經此地又不想吃過幾間鋪位距離可索價過八十元的高級漢堡包店﹐這裡是一個不錯的選擇。

星期六下午茶時份, 在銅鑼灣正想tea一tea, 芝心批男友提議到丹麥餅店試試馳名熱狗, 一於跟! 第一次去丹麥, 門外都有一小堆人, 排左一陣, 睇住佢即叫即整, 加上懷舊陳設, 別有一番風味~~~終於買左熱狗同豬扒包~熱狗 ($9): 熱哄哄的, 不錯, 個汁酸度適中, 不俗! 條腸幾好味, 仲有肉汁不太乾~ 可惜個包…烘左有少少脆, 但係就幾乾下, 無乜麵包香味, 但整體ok!豬扒包 ($11): 都係熱哄哄的, 塊扒好大下, 覆蓋包面, 好脆, 仲有少量肉汁, 好味~, 個汁都唔錯, 不過太少了, 下次可以叫多汁! 個包一樣都係差少少….烘左有少少脆, 但係乾乾地, 又無乜麵包味, 好普通, 但整體都不錯~~~不過….以呢個地段, 呢個陳設加呢個價錢食到呢個質素, 我覺得係Good呀! 下次會去再試其他食物~

一個人行cwb, 又唔想食餐廳, 行到呢度見到有人望住個店鋪, 發現原來係有人係度煮漢堡包, 咁就叫左一個漢堡包同炸雞脾個包唔算係好好食, 但係即叫即整的扖, 軟綿綿的面包, 再加上醬汁, 唔係度度都搵到,個炸雞脾反而真係好食, 第一, 炸到熟而皮唔會燶, 食到最後肉同骨都仲係熱, 係一件好難的事; 第二, 佢無上炸漿就咁炸, 食前灑上鹽, 唔會似 kfc 咁個炸皮覆蓋哂d 未, 你會食到雞皮的香, 又唔會太濃味, 我再行返去睇, 發覺雞脾好似係原先炸左一次, 有 order 就再炸一次, 我唔知係咪因為咁就做到我講的效果之後我見一個小肥仔, 好好味咁食佢地的炸薯條, 下次等我試下

星期日上去南華會之前食少少野先~上次行過已經想食hk真係愈來愈少呢d咁懷舊ge餅店喇今次一定要試試我要魚柳包bf要吉列豬扒包一拎上手個包好熱~幾正但豬扒好似冇味, 魚就好少少得d 茄汁味,勝在熱辣辣~見到d 雞比好似幾正,下次又試下先!

之前睇到雜誌介紹依間食店，所以就特登去試吓，雖然舖仔細細，但係好懷舊，而且仲有好多人排隊買嘢食添，啲食物全部即叫即整，好新鮮，我就買咗一隻熱狗同埋一隻炸雞脾，熱狗雖然係用普通嘅雞肉腸做，但係因為個包整熱咗同埋加咗啲自製甜甜哋嘅沙律醬，所以好好味，一買完就忍吾住要即刻食喇；而雞脾都係因為係即炸嘅關係，所以太熱就吾可以即刻食，我大約等咗十分鐘先食，雖然吾係即刻食，但係隻雞脾無"林"到，仲係熱o架，而且佢醃得啱啱好，又吾會太咸或太淡，好好味，下次真係要再試其他嘢呀～

食家ge相影得好吸引,想去左好耐la可惜平時好少專登過o個邊尋日個frd上機前陪我去柴灣攞野之後就過黎搵呢間野la..叫左佢ge魚柳包外型比想像中細小比手掌仲細味道方面魚柳無咩魚味不過即叫即炸都算係咁啦下次要帶男朋友去試下先得

其實e間野又細食到大,, 由讀書食到出黎做野水準仲可以保持真系好勁牙!!真系好好食!!!而且又系即叫即炸價錢都沒有太大改變大力推推*

是日午餐, order 如下: 炸雞脾 - 炸到好脆, 加埋 d 鹽, 真係食到 lam lam 脷!!! d 皮脆得o黎唔會好似其他茶餐廳 (甚至 KxC) 咁甩晒出o黎~ 缺點係超多油, 仲要係萬年油, 好熱氣~由細個讀書, 到而家做緊o野, o黎呢到食o既炸脾始終如一 -- 咁正!!!雖然唔 healthy, 不過都會繼續o黎食~ 好味道!!

答巴士去工展會，路經呢間麵包店，人山人海，排哂長龍，咪抱住羊群心態，排埋一份。因為係坪洲吃了一個極難食既豬扒包之後，就唔再想試喇，但見到真係好多人買，而且有人一買就係半打，打包拎走比人做下午茶！俾完錢之後，就企埋左一邊等一邊睇住師傅炸嘢，發覺那些雞脾係預先淥熟才放入油爐炸，即炸的雞脾外皮炸到脆卜卜、鬆化脆口無比，也醃得相當入味，雞脾的背後被切一刀，這樣做可確保雞脾可炸得更熟透；不過油就多了點。