影片
港铁旺角站 C3 出口, 港铁旺角站 E1 出口, 港铁旺角东站 B 出口
继续阅读
开饭介绍
新鲜优质的白米，是寿司不可或缺的重要元素！丸十寿司秉持这份日本职人对味道的追求，将处理白米的最后一道工序「精米」移至餐厅里面进行！
继续阅读
营业时间
星期一至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
相关文章
但呢间野可以用不知所谓去形容，第一入到去都无10枱客，有d 仲要已经差唔多食完，order 两set lunch 寿司，上菜极慢，差唔多半粒钟先齐。前菜果兜中华海藻已经cheap 到爆，最大镬就系鱼生片，望落去同食入口都系干争争，一啲柔润感都冇，连争鲜啲嘢都好过佢，摆明就系切咗好耐，摊咗喺度风干晒，𠮶两粒带子连完整一片都冇得比你，系将一片分开四份，跟住俾两粒你，跟住啲鱼生又咁薄得咁溥薄，系两件劲cheap嘅三文鱼就切到成嚿野，不过你俾我几大嚿都冇用，因为睇到都唔开胃。另外我唔知佢摆部精米机喺度做乜嘢？ 𠮶啲寿司饭好似隔夜饭做出嚟咁样，黐埋一嚿嚿又系干争争，全餐最正常系杯啤酒。做饮食得咁辛苦，希望佢快啲唔使做
继续阅读
今晚夜晚出咗旺角行街，顺便喺朗豪坊食埋饭。我哋上到去12楼见到有间食日本野嘅丸十寿司日本食堂，就决定试吓！我哋拣左温泉玉子伴烧澳洲和牛丼，同埋牛肉寿喜烧。跟餐加咗三文鱼鱼生同埋炸鱿鱼圈。另外再叫多咗一个烟熏三文鱼。三文鱼鱼生都几厚身，同埋都算新鲜。但系个炸鱿鱼圈就干咗少少。烧澳洲和牛丼嘅牛肉牛味浓，而且烧得啱啱好，唔会太熟。牛肉寿喜烧配白饭，啲蛋加埋落牛肉度好嫩滑。而且寿喜烧嘅汤甜甜地好好味。😋最后个烟熏三文鱼都唔错，烟熏味浓郁！呢餐唯一逊色咗嘅就系个炸鱿鱼圈，其他食物都几满意！
继续阅读
两大一细嚟到呢间系朗豪坊嘅日本餐厅进餐 见到门口有个牌写住下午茶八折 加上睇咗餐牌一阵发觉啲图都几靓就入咗去 入到去，坐咗成5分钟 都未有人比茶我哋 我主动叫侍应 问请问有冇茶杯？ 佢先攞过嚟 咁我见枱面有鱼生饭自选纸 我叫咗五款鱼生嘅鱼生饭 太太叫咗六款寿司再加一个乌冬 等咗大概5分钟已经上枱 首先鱼生饭份量好少 除咗三文鱼我觉得系OK正常水准之外，其他都系非常唔掂有个叫吞拿鱼面珠墩 食落口非常之腥 连锁寿司店都好食过佢多多声 火炙三文鱼仲要系切到超薄 仲要系溶溶烂烂咁样 吞拿鱼蓉食落口都系唔好食 质感奇怪 重点系啲寿司饭 劲酸，劲酸劲酸 真系要讲三次 饭醋嘅比例非常之失败太太嘅六款寿司，佢都话食落d饭都好酸，乌冬都系淡而冇味到埋单嘅时候 先发现原来 寿司乌冬餐同自选鱼生饭系下午茶冇八折 𠮶一项系-$0 简直系非常之失望 唔会再有下次嚟食！！！！158+198再加1 $392 食咁既质素真系宁愿买地铁站外带寿司番屋企食
继续阅读
寿司定食，包咗个迷你乌冬。寿司饭太硬，乌冬汤底太淡，同白烚冇分别。唔值得食，浪费淀粉质位置。安格斯西冷厚烧定食，如果你有过人嘅咬合力，欢迎一试！ 你会发现佢啲筋同埋烧到10成熟咁嘅样，真系well done咬唔开，成碟嘢得三份一系食得，三份二系抌得。一块咁cheap嘅牛扒都可以摆上枱，过到良心咩？完全唔值得浪费时间同金钱喺度食！！两个lunch都可以唔食得嘅！垃圾嚟讲佢都算出色！唔好试，试完之后包你食唔落！
继续阅读
星期六晚市时段见唔使排队就谂住试吓，门口有张相有波波寿司以为几吸引，点知中哂伏，𠮶九粒寿司细到系平时正常size寿司嘅一半，食完成个餐只系40%饱，平时我都已经好细食😭🥹
继续阅读