丸亀製麵 (iSQUARE國際廣場)

营业中

休息中

係isquare睇完戲，時間差唔多係晚上七點鐘，諗唔到食咩之餘呢個鐘數出面間間餐廳都爆晒人，行到商場頂層發現左呢間唔太多人流既烏冬專門店，就坐低食左，果然有驚喜，烏冬彈牙又入味，蔬菜盤夠鮮甜，炸物夠脆又唔油，完全係性價比之王，總括而言，這是一間不錯的餐廳啊！大家可以跟朋友或家人一起來試試！

剛從日本回到香港，但選的餐廳仍是日式餐廳 — 丸龜製麵。先在此做一個簡單介紹，丸龜製麵傾向以快餐店營運模式運作，故餐廳食物定價算是合理，性價比高。一進餐廳，顧客需先在門口位置點食物，然後在近收銀機位置可有不同炸物選擇，選好後，便可到收銀位置付款。而餐廳內沒有侍應幫忙清潔桌子，全依靠客人把餐盤放回收集處，故餐廳桌子都不是太整潔。餐廳運作模式比較傾向自助形式，如收拾餐盤、拿水杯等也是自助形式運作。我們點了兩碗烏冬，一碗是斧揚烏冬，另一碗是豚軟骨高湯烏冬。而配菜方面，我們拿了海老天婦羅、茄子天婦羅、胡麻雞柳、鱈魚排及炸野菜。斧揚烏冬是一碗清湯碗冬，再點上醬油吃。烏冬偏向軟身，不算順滑，但勝在價錢合理。而豚軟骨高湯烏冬因湯底較濃郁，故味道會比較濃厚，而豚軟骨肉質不是太腍，但軟骨位置仍是脆的，故合格。而天婦羅等炸物則不能太吃到食物本身的味道，因油炸味把該食物本身的味道掩蓋了，但該食物的口感仍有的，但這個價錢吃到多款食物，仍算是合理，故預算不高的朋友們，仍可到來一試。

又是一個人的晚餐。唔洗等位又快靚正，夫復何求。一個人我叫左個大的冷烏冬，加個炸薯餅。呢度取完餐先付款，食完自己收碗；加配料，添水都是自助形式；一個人來，一個人走，其實好適個一個人來進餐。凍烏冬-爽口彈牙好食！加左wasabi,薑和蔥花入烏冬汁入面，味道更香！炸薯餅-呢個做得好好！味道好出色！出面炸得十分十分脆，入面係好香咖哩味的牛肉薯蓉，薯蓉好香滑，好似食緊雪糕的口感！但係熱辣辣的！夠飽、味道不錯又舒服的一頓晚餐！

At the quiet 6th level of iSquare was this unassuming restaurant. More street style but very much like the Japanese versions. They have ample seating inside. Ordering for those uncertain to step inside, was very simple. The board made it simple. Just give the number and you were set to go. We had plain udon with soy sauce base soup. From the counter, by taking another plate, you can choose an array of tempura or sushi, depending on what’s available for an extra cost. There were sauces and condim

係尖沙咀趕時間又唔知食咩好，就去左食烏冬。我未食過呢D日式的麵類快餐，老實講就冇咩期望。🙊🙊🙊但係見到MENU竟然有蕃茄湯底，已經好驚喜🤩🤩，我真係好鍾意食蕃茄湯嫁! 🤗🤗🤗ORDER完烏冬，職員將烏冬翻熱再加湯，成個過程只係幾十秒，攞左烏冬就去隔離自助吧夾配菜。原本我想睇下有冇日式炸薯餅，但係得炸蝦餅同魚餅，所以最後就揀左蝦餅。烏冬賣相唔錯，食落有驚喜! 🤤🤤🤤🤤烏冬非常彈牙，牛肉份量多，食落同吉野家差唔多。然後到蕃茄湯，之前完全冇諗過會咁濃郁!! 👍🏼👍🏼👍🏼蕃茄湯好杰身，有香濃的蕃茄味，仲有少少蕃茄碎，感覺係用左好多蕃茄煮成，身為蕃茄湯愛好者的我覺得好滿足! 🤤🤤🤤🤤但係配菜炸蝦餅就略嫌太燶，口感都算彈牙，叫做不過不失啦。🙈🙈其實烏冬份量都唔少，我叫左中SIZE都好夠，唔食配菜都夠哂飽。我覺得以呢個價錢食到咁好食的烏冬真係物超所值，絕對會再食!

是日需要到尖沙咀工作，因此到目的地附近選擇了丸龜製麵，吃個簡單的午餐。選擇了溫泉蛋烏冬，配胡麻雞柳 ($15) 及炸南瓜 ($7)。最喜歡這兒可任加配料如蔥花及天婦羅脆脆等，自己則喜歡加上大量薑蓉，冬天時候吃特別溫暖胡麻雞柳是我每次都抗拒不了的配料，看到那炸得香脆的炸衣，上面沾滿芝麻，十分吸引！唯今次的炸南瓜已放涼，咬下去炸衣回油，只挑了內裏的南瓜吃掉就算了廣場最近新開了過江龍鰻魚飯，看來又會掀起另一個熱潮了！

✴️丸龜製麵| #尖沙咀 .‼️平價美食之選‼️🔹冷醬油烏冬 大 $35🔹明太子烏冬$12.1️⃣冷醬油烏冬店員即場手制烏冬 食落爽滑彈牙 醬油湯底味道恰到好處 不會過鹹 付款後自助加添配菜 加上天婦羅脆脆和蔥粒 增加豐富嘅口感 🍜😜2️⃣明太子飯團每次必點的明太子飯團 飯團面層鋪滿明太子 飯粒飽滿有日本家庭手制飯團的感覺 非常果腹 元氣大增👍🏻🍙.#丸龜製麵 平價食物之選 食得飽 又可以再戰甜品自選炸物款式多樣 收據票尾可作下次$5使用

星期日想食揀啲清清地多款式又好味既平價食店 今日去到isquare逛到咁上下就上6樓睇下有咩好食 見到丸龜製麵就即刻衝左入去嚕😆 超多款唔同既烏冬可以揀 想食清清地既可以揀冷烏冬、醬油烏冬同埋清湯烏冬～ 今日我揀左大既醬油烏冬 而男朋友就揀左蜆肉烏冬 大份既份量真係好多 成個碗滿滿的！烏冬真係非常彈牙 好好味！蜆肉亦都唔會梅左 不錯👍🏻👍🏻👍🏻 醬油湯底濃郁～我地仲揀左烤餃子🥟、炸雞串、魷魚棒、炸蝦同埋比目魚扒！雖然唔係岩岩新鮮炸出黎 但炸物唔會太厚粉同埋太油 好好味 不過如果有排沙律醬點就更prefect池～ 呢個價錢可以食到咁多野 又有呢個質素 真滿足😋

丸龜有咁多款烏冬揀，總有一款烏冬可以滿足到我地嘅需要。冷烏冬加鱈魚排第一份嗌嘅係大嘅冷烏冬，烏冬本身冇其他餸，只有烏冬同埋濃口醬油。烏冬嘅質地幾彈牙，食落好有口感，配上濃口醬油，簡簡單單就試到烏冬同醬油嘅配搭。嫌只食烏冬太單調，可以再額外加小食。除咗有唔同嘅炸物，仲有天婦羅，同埋腐皮壽司等等。蕃茄牛肉烏冬如果唔鍾意只係烏冬再後加送可以直接帶有餸嘅烏冬。 番茄牛肉烏冬有蕃茄濃湯做湯底，再加上新鮮嘅牛肉同蕃茄蓉，食落好開胃。

其實我一直都好中意食呢間烏冬店~來親尖沙咀都食佢咁滯~因為尖咀食野貴嘛, 加上我又好中意食烏冬呢日同朋友來尖咀做運動, 我就話去食佢喇!尖沙咀店, 喺isquare樓上~呢晚都好多人下呀! 不過佢都好多位~係要排隊叫野食姐, 位就行埋去就搵到位坐了~我都有好一陣子冇來了~覺得佢多野食左好多~好似有呢d新品推介~仲多左有飯食~主餐牌烏冬嘅款式都好似多左!而另一個我中意呢度嘅地方~係佢點餐係自助形式的!你首先排隊點左自己想要嘅主食先~店員完成畀左你後, 你再慢慢向前行, 就會見到一系列嘅天婦羅/炸物~都係店員新鮮炸起的~你可以根據自己喜好, 夾你自己想食嘅食物~然後仲會經過飲品區~最後先到cashier的~途中所有野都好整潔衛生, 而且呢種有得畀你望, 畀你自己揀自己夾嘅方式,我個人好中意!畀完$, 自助區仲未完嫁!仲有自助調味區同食用水區~你可以拎你自己想要嘅調味料同拎水飲~所有野都係自己來我呢日就食蕃茄牛肉烏冬(大)同南瓜天婦羅。蕃茄牛肉烏冬(大) $49呢度嘅烏冬, 都係店內人手即製的~口感滑溜彈牙~我就中意配濃味嘅湯底~蕃茄湯就最岩喇!蕃茄湯濃, 酸酸的~ 開胃~配埋肥牛一齊食,

已經好耐好耐無食呢間連鎖烏冬店，今晚因為友人收工比平時晏，又想食平平地，所以就去食呢間烏冬店!由於係平日，我地大概8點幾去到都唔算太多人，仲有位，於是就同友人一齊於點餐處點餐先。因為之前係日本食過佢地既和風蜆肉烏冬，食過返尋味，於是就試下香港版。而加係呢間烏冬店order大碗烏冬，仲會有炸鱈魚扒送添!除左叫左烏冬，仲係自助吧枱拎左野菜魷魚，本身仲諗住拎埋明太子飯糰，但已經見到沒有了，以為會無得食，一問之下，店員即叫即整左兩客俾我地!和風蜆肉烏冬(大)，烏冬湯底係清湯，帶有少少甜，蜆肉不算太多(因為係日本食果陣係成個碗都是)，蜆肉沒有沙，有咬口，碗中還有海帶，海帶吸收了湯的味道，十分惹味!另外烏冬彈牙，呢個價錢黎講都算不錯了!炸鱈魚扒及野菜魷魚，炸物一向呢間係香港既分店真係麻麻，不過配埋炸物專用既酸甜醬食的話都還可以的。而呢間店我唯一會食的就是野菜魷魚，咬落去有D似魚蛋，內裡有少許蔬菜，還不錯的!至於明太子飯糰忘記影相，不過因為即叫即整，D飯太熱令到包住飯的紫菜冧哂了...雖然口裡說比不上在日本的，但係係香港可以平平地食到日本野又係一個不錯既選擇來的!

想簡簡單單食個晚餐，就嚟平平地食個烏冬。咁啱又有秋季限定嘅和風蜆肉烏冬，二話不説就食返個。嗌咗個大嘅和風蜆肉烏冬，追加一份明太子，遇到佢宜家送一塊鱈魚排，夠曬飽唔洗再嗌其他。啲蜆有近三十隻，得幾隻入面有沙，自己覺得可以接受。鱈魚排就同期望一樣一般，送嘅冇要求。

經常由元朗出黎市區接我入去玩的男友，今日在入元朗之前在尖沙咀吃我們的食堂就係適合男女老少，可以省錢的丸龜製麵 平日想儲錢既話，我們都會揀佢 因為食量不多的我們，很多時候都是叫一碗麵 再加小食和甜品今日又遇正本人討厭的智慧齒發炎，所以沒有食慾 只係想食容易咬的食物。正好想起丸龜的烏冬在門外已經可以欣賞到製麵過程，一條條新鮮的麵條出世。 落單的程序，先叫你想食的麵，再叫想追加的食物。如果沒的話 拎好麵放在餐盤上 就可以繼續向前移動下一步黎到我最愛的區域，有接近二十款的炸物和小食。個人覺得最開頭的野菜天婦羅又大份又好食，更加係人氣必點另外炸餃子也非常出色，外脆內軟 保持肉汁但不油☺️過了炸物就黎到我的每次必吃，呢到的飯團每日新鮮製作，有人即場整 而且會貼上貼子寫上製作時間。每次製作的份量不會太多，可以確保新鮮大份冷烏冬 $39 評分9/10麵質爽口有咬勁，冷麵汁恰到好處不會太咸。雖然過左夏天，但是悶熱天氣吃一碗的確很舒暢腐皮山葵壽司 $12 評分5/10 味道很好，但不足之處是完全沒有吃到山葵味道明太子飯團 評分10/10每次必點，而且一定要每人一個先夠喉。做法非常有日式家庭的飯團，飯粒有咬口

Sometimes, is my Udon time❤️🍜🍶 🥢有時候 lunch諗唔起想食咩，卻身處在尖沙咀Isquare附近，又想簡單吃個麵的話，偶然我會想起這家日本讚歧烏冬，也是我的烏冬推介。這裡以日本經營的自助形式，隨自己心水自由配搭。烏冬既類別`份量大小`冷熱食以至湯底`天婦羅小食既選擇，通通都可以因應自己既喜好搭配，真正係鍾意食咩就揀咩，彈性非常大呢。揀選過後 然後一次過付款再可以慢慢享用。另外，不得不提這裡的讚歧烏冬，因店舖是半開放式廚房，在客人點選食物既同時 都可以隨便看到師傅在製作食物。真正看到烏冬既製作過程，真是全人手打造，煙韌彈牙既烏冬就這樣誕生，真是一家高質既烏冬呢。如果你有時候路經尖沙咀 又突然想吃烏冬，這裡的煙韌彈牙既Udon，相信會是你的心水日式食堂既選擇吧💕還有 呢度既溫泉蛋也是不能錯過喔❤️🥚😋🍴

之前在日本食過一次丸龜，印象中都是不錯的鳥冬，但未食過香港分店，今次去ISQUARE睇戲，順便試下，今次同朋友叫咗蕃茄牛肉烏冬，咖哩薯餅同埋魷魚鬚。丸龜每樣小食都係逐件計，自己中意食咩就揀咩，可以因返自己喜好揀完一次過埋單，這樣要讚!!嗯，入口有驚喜，番茄牛肉烏冬，番茄湯好夠味，烏冬比起平時食到的爽口彈牙 (平時我對烏冬都麻麻地有興趣)，加埋個湯一齊食，GooD!不過就略覺份量少左D，可能我比較大食啦咖哩薯餅同魷魚鬚都炸得唔錯，幾香口。在香港物價來講，這間店鋪算是抵食。