串玖里

营业中

休息中

店家同我哋介紹佢哋嘅飯每日都唔同，我哋今次去嘅時候就係供應以下呢個飯燒汁牛肉飯$28燒汁甜甜地勁好送飯，啲牛肉吸收晒啲燒汁嘅味，另外仲有少量洋蔥令到成個燒汁更加甜，搞到我都忍唔住食晒成盒飯串玖里5串set串炸 x 5 加罐裝飲品 $80 除咗以下呢啲可以揀，仲可以揀其他，如果啲串炸超過$25就需要補差價牛舌 原價$25/串牛舌一粒粒同一口牛嘅size差不多，有咬口、幾爽另外可以點埋辣汁或者孜然汁，想食得重口味啲就揀辣汁，孜然汁味道濃郁配串燒一流豬頸肉 原價$20豬頸肉拎起嘅時候就見到滴晒汁，脂肪紋理好靚！咬落非常對辦！肉質爽嫩油油脂豐盈，性價比幾高！小編非常推薦！杜洛克黑豚楠車厘茄卷 原價$25肥瘦相間嘅五花腩包住咗一粒車厘茄，配搭非常唔錯！車厘茄酸酸甜甜非常解油膩感！配搭五花腩食幾有層次！燒賣10粒 原價$20用左魚肉燒賣做炸燒賣！外表金黃脆口！用番佢嘅孜然汁同辣汁配搭都幾好食！20蚊10粒對比坊間地方價錢亦唔算高！可以一試！

*/餐廳環境：當行到餐廳門口既時候已經聞到好香濃既串燒味道，見到老闆娘好用心咁處理每一串串燒🍢🍡可以係度食，不過今次我外賣食物方面：✨雜錦串燒串燒入面有雞皮，雞翼，雞軟骨和牛肉等等，每一個item都係精心炮製，而且配備店舖的特製沙嗲醬汁，醬汁自家製（包括有孜然醬、沙嗲醬、辣醬），食落好入味，與一般串燒與眾不同😎😎😎✨豬頸肉飯豬頸肉飯的份量好充足，而且豬頸肉也製作得十分腍和爽口，真係越食越開胃，食得出老闆娘用靚料食材製作👍🏻👍🏻👍🏻宜家做緊試業優惠，可以參考店舖相（預計6月中完結）🫶🏻串玖里元朗鳳攸北街11-15號益發大廈地下5號舖#串玖里 #元朗 #元朗美食 #香港美食 #串燒 #炸物 #平民美食

今晚同朋友行去元朗西鐵站，遇到呢間小店。門面有少少心機，所以睇吓係咩嚟～原來話食串，我心諗，係咪㗎～老板娘好有心機介紹下係咩黎，咁我還掂都想買野食返屋企飲下野，咁同個friend就叫個餐試下～見到好有心機嘅Menu, 點野食都開心啲, 主打都係雞，牛豬啦，最正係可以揀唔同嘅汁～～仲要話係自製嘅～～又睇過點。撞佢個鬼，啲嘢即刻整㗎wow，鬼死咁香，我哋等左一陣就整好，忍唔住即刻偷食左串雞肉。即叫即做，香就緊嘅，仲要雞肉入面係滑同Juicy，大家自己炸過野就知擺咗心機同功夫係食材，先可以炸到咁香同滑。但個汁先痴線，秘製沙嗲同孜然醬係絕，我食完係掛住嘅～扣一粒星係因為俾過進步空間～～小店要大大力支持

夜媽媽做完嘢有啲肚餓，但好多舖頭都已經閂晒，經過呢間舖頭，未試過炸串喎，試吓先！啲嘢食整得好有心機，落單後即叫即整，所以拎到果陣仲係熱辣辣揀咗雞下髀、芝士福餅、黑豚車厘茄同牛肉蘆筍卷雞下髀同平時嗰啲唔同，好多肉，係脹卜卜架，趁熱食仲係外脆內軟，入邊仲好Juicy芝士福餅都唔錯，而且好抵，20蚊就有3粒老闆娘介紹咗三款秘製醬汁，款款都各有特色，呢個配搭都幾好，因為就咁食就可以食到食物嘅原味，鍾意濃味啲又可以試吓點唔同醬，咁多隻入面我最鍾意孜然醬，香口又惹味外賣盒包裝環保，而且好有心思，有個可愛嘅為食公仔下次再嚟試吓其他出品