串爆

营业中

休息中

服務勉強 大辣味道ok 推介麻辣牛肉 食咗第一次腹瀉足足兩日 第二次都唔知點解又夠膽同friend食 食完雙雙腹瀉兩日 非鋼鐵腸胃不建議嘗試 依家先知開在廣華醫院附近確實有原因 實在恐怖

絕對係香港好少見既特色小食：冷鍋串串。 我同朋友都係第一次食冷鍋串串，放題形式就更加適合我地，因為咩都想試下。種類繁多，任君選擇。 另外，除左串串之外，亦有其他風味小食可供選擇。一串分量唔多，所以可以試哂咁多樣既菜式。其中，萵筍最推介，爽脆清甜風味小食味道都唔差，四川麻辣風味，單單無骨鳳爪同牛柏葉食多幾碟都值回票價啦！最後值得一提既就係冰粉，顧名思義冰冰涼涼，解辣唔錯，上面有果乾同山楂片配以紅糖水但又唔會太甜。

去串爆食午巿串串放題，旺角舖租咁貴，$138唔係貴，可以再加埋$22任飲。入到店，成個格局都真係會令人以為自己身處係深圳，老實說，D食物就唔係乜野靚貨，亦都無貴價貨比你點，但多種類選擇，全部都拮好一串串，令人食得方便同乾淨。由於我地都唔係好食得辣，但又想有少少辣既味道，所以我地都係揀選了BB辣，味道都唔錯，不過如果食得辣，不妨點辣度再勁D既，應該會更加好味同惹味。另外，放題仲包埋好多小食，有棒棒雞(雞絲粉皮既朋友)、拍青瓜、凍牛柏葉、無骨鳳爪……款款都幾好味道，也可以叫麵食，我地就叫了川味牛肉麵同肥腸麵，超級飽！臨尾仲食多埋甜品，冰粉，非常之滿足。推介大家都可以幫襯下這些小店。

服务员态度非常奇怪，有点胖的中年女人，我们定了六点半的位子她没有留，而后我们按walk in的规则排队落座，她又提醒说只让我们坐到八点，那时已经六点五十分了，我们交两个小时的钱被要求只用餐一个小时，太奇怪了，就算按照定位时间六点半来算，也应该到八点半。本来是同事推荐我来，我挺期待的。我感觉她把从别处受的气发泄到我们身上，看见我们好讲话而且客人也不少就故意为难我们，这个太夸张了。

今日本諗去廣華街食串燒 點知去到Full哂 ， 又見到有間四川串串香， 就試試佢 開發飲食地圖。 138+23飲品 再+1 ， 價錢都可以接受 食品主要分 串串香/小食/面 串串香 - 我地全部都有叫 ， 鍋底就係小辣。食物就真係一般貨色 ， 比平時200蚊打邊爐仲差， 辣同麻都有 但就唔香 ， 唔吸引我食落去。 得粟米同菜好小小 ， 肉真係唔得。 小菜- 棒棒雞同青瓜同雞腳都ok , 其他唔得 面同甜品都無試 飲品就狂飲津露水炮 ， 都好小店有津露放題。 服務都一般般。 我同朋友都係第一次食串串香 ， 唔知係店舖問題定係本身串串香唔好食 ， 終於就係感覺不良好 。

呢間舖頭叫串爆，但係服務員嘅態度係超親切嘅，一啲都唔串😂😂😂，小小的店，掛住大陸的朋友可以去試吓，大中小辣任君選擇❤️，啱晒啲唔同口味嘅朋友一齊食嘢🤣🤣啱晒我呢啲鍾意食辣但係又唔食得好辣嘅人😎推薦👍🏻👍🏻👍🏻👍🏻👍🏻地點方便，仲有好多小食選擇添😇，吃到飽都係138元炸🤩🤩🤩任飲汽水茶啤酒都係+25蚊🤗午餐時段去到唔使等位👍🏻我覺得最好食嘅係鴨舌雞軟骨😍大愛，小食都有九款選擇，最好食係棒棒雞，麻辣豬紅，拍青瓜都唔錯👍🏻👍🏻牛柏葉就淡咗少少🤣無骨鳳爪就辣得滯😆最後食埋個冰粉😎完美📸整體呢間舖頭好評

請大家原諒我以下既光顧經驗真係令我太激動，所以去就寫呢個post!呢間餐廳既女服務員，係個戴眼鏡既中年阿姐黎既，佢完全係極差既服務態度！客人提出疑問，你可以解釋，但唔係用咁既態度！佢係鬧番我轉頭，話我冇講明！請問我去任飲任食既餐廳，係咪要每樣野食都話你知邊個食？ridiculous !老實講，我覺得呢間餐廳既野食係唔差既，有佢既成都特色，但光顧一間餐廳，如果服務態度差，食都食到背脊骨落，我覺得冇意思！我希望呢間餐廳既老闆會見到我呢個客人既意見

室內簡潔，座枱不多，很快便坐滿，為免向隅最好先訂位，這店以放題作招徠，川菜多數是小菜和火鍋，這店非常有特色，食材全是串串、小食和湯麵，而且食材豐富，任君配搭揀選。1. 午市放題每位$138飲料放題每位$22首先選擇湯底的麻辣度，因朋友們不吃太辣，於是選了較少的BB辣。很快串串的食材和湯底上枱，陣陣的麻辣味薰香撲鼻。各款肉丸彈牙可口，肉類非常惹味麻辣。特別小食推薦成都風味的豬紅，棒棒雞青瓜撈麻醬，清新爽口，香辣無骨鳳爪，爽口又脆口。如覺未飽還可點多款粉、麵、飯，必令你捧腹而歸。解麻解辣首選飲品，是冰凍的椰汁，濃味十足的酸梅湯，令人順喉舒暢。

好耐冇食麻辣串下午時間見到串爆放題幾抵就去試下！當日叫左好多食物有雞，肥牛，鳯爪，青瓜，豬紅，菇等等。差唔多成個menu叫哂我地叫麻辣小辣，辣度剛剛好！本人最中意食肥牛捲住辣椒仔好惹味有個甜嘅涼粉都好好食！另外青瓜好清涼唔會食濟！朋友最中意食蓮藕又辣又爽口好正呀。另外有花枝丸，有瓜類，都好入味。上菜速度都幾快，仲有唔同飲品，我地叫左可樂同椰汁！依種浸喺一大碗麻辣湯嘅串串，係香港比較少見，值得一試！又有凍食啱哂夏天去

冇得去旅行，但係又成日想試下比較特色嘅美食，今日又比我地發現左一間專門食成都串串嘅餐廳<串爆>，抵食之餘，仲非常有特色呢！！首先講放題供應的是無限任食串串，星期一至星期日，食足2小時，都係$138位起，另外飲品任飲都係加多$23位，如果晚餐時段來食，最貴都係$178左右，甘其實如果來食個放題early dinner，早吃時段，都係百幾蚊一個人，真係點講都係抵，絶對值得一試。小店餐牌都幾多款式，豬牛雞肉類、丸類、蔬菜類、麵類、甜品、特色小食等都有。試得曬必定回到本！！滷水雞翼尖：細細隻，好滑好味棒棒雞：是冷盤小食來的，麻醬味道好出，雞肉已經去骨，而且好滑，配爽口青瓜非常不錯。飲品椰子汁：個人覺得呢個椰子汁一定要飲，又好飲又解辣，而且香港少見，配風味小食一流！！order完後，串串好快到，由於朋友比較怕辣，今次叫左走辣湯底，不過完全冇失望，因為湯底味道依然夠濃夠惹味！！串串一大碗甘上枱，有幾十串，睇到個樣都幾震撼！！每一串有兩小件左右，甘樣可以食勁多串，可以試多d吾同款式。百頁結係豆腐皮打成小結的樣子，吸收曬d湯，好好味吖！～另外推薦成都小香腸、黑胡椒腸、五餐肉、五花肉、麻

呢日放假喺旺角搵食朋友話想食放題喺openrice見到呢間串爆幾特別係四川既串燒放題香港比較少見好耐之前喺深圳食過一次而家又冇得出外旅行所以就同朋友衝去食一至日下午時間每人都只係$138加一有40款串串可以揀仲有10幾款小食同麵食仲有甜品：成都老冰粉飲品就另加$23整體都幾抵食先揀湯底辣度我哋怕四川既辣太辣所以揀左BB辣同唔辣兩款食得少少辣既我地 覺得BB辣剛剛好惹味得黎又唔會辣到食唔到唔辣既湯底都有少少咸味 唔係完全清湯食落都不錯串串剔左十幾款身為肉食獸 幾鐘意麻辣牛肉同五花肉 上面少少五香粉 帶起左肉既香味鴨舌都好唔錯 好爽脆腐皮同豆卜吸左湯汁 超正仲叫左幾款小食棒棒雞有雞絲同青瓜絲 用麻醬拌勻同埋蒜泥青瓜兩款食落都好fresh 好開胃 適合夏天食麻辣豬紅同無骨鳳爪都好好食豬紅好入味鳳爪爽彈最後叫多個川味牛肉麵牛肉大件 但好稔麵線份量都幾多 配埋湯頭好香好好食非常新鮮又滿足既一餐！

其實本身我自己係好好麻辣嘅嘢食!!!!!😋 見到有麻辣食物真係會超級極之爆興奮🤣🤣 講到麻辣食物嘅地方代表一定唔可以唔提四川!!!!!! 喺疫情之前，好好彩地去過一次四川成都!!!! 去嗰啲旅遊景點，周街都係食辣嘢，真係諗翻起都興奮!!!!!! 而呢間餐廳咁啱又係主打川味菜，最特別係原來佢有做放題，百幾蚊任食唔嬲，都唔咪話唔爽🉐️👍🏻 食唔到咁辣嘅朋友都唔緊要，餐廳係有得俾你去揀辣度!!!! 我嗰日咁岩同個friend去，去到先知原來佢係唔食得辣個喎......🥺餐廳都好貼心咁準備咗兩碗唔同辣度嘅湯底，俾我哋浸住食😋😋 既然食得放題梗係咩都試吓啦!!! 都係果句—- 食得晒先好嗌，咪做大嘥鬼😎 試過其他小食，都不過不失，都有幾多選擇可以揀喎🤩

今日同朋友一齊去左旺角行街，順便食晚飯，近排無咩胃口，所以想食啲濃味既野。行街見到呢間有特色嘅餐廳，於是入去試吓！餐廳地方夠寬，夠舒服，野食主要係四川風味為主，鐘意食辣既朋友一定要試！放題2個鐘任食！打開餐單，好多唔同種類既串比你揀，有肉，有丸，有菜！湯底分唔同程度既辣！肚仔餓，事不宜遲，黎個第一round 既先！我地點左：麻辣牛肉，五花肉，腐皮，魷魚，雞軟骨，豆腐乾，成都小香腸。肉串係以一大碗熱湯奉上。麻辣牛肉同五花肉係有醃製過香料，好香，同好滑，唔會油膩！個小香腸食落去好似香港既臘腸，好香同好迷你，口感都煙韌！魷魚都好好食！煙韌彈牙！之仲點左兩款小食：棒棒雞同香辣無骨鳳爪！鳳爪配上辣汁好正！鳳爪索晒啲啲汁，又彈牙！棒棒係係雞絲配青瓜淋上麻醬，味道清新，食完濃味野可以refresh 要下！第二round 主要點左丸類同菜菇類，想講既係白蘿蔔同火腿金針菇勁入味！勁好食！涼拌海帶絲都好好食好爽口！泡淑牛肉都好過癮，一咬入口，啲泡淑汁爆晒出嚟，酸咸香辣！涼拌青瓜同上湯娃娃菜好清新好爽脆好清甜！餐廳加$22，野飲任飲！除左椰汁，豆漿，可樂之外，罐裝啤酒都係任飲！好正好抵！！推薦朋友就可以過嚟

以前去四川既時候好喜歡食佢啲串串重點係打邊爐個隻係正係好平雖然香港食唔到呢隻邊爐🥲但都可以當麻辣燙串串咁食🤣叫做一解嘴饞😛先來個餐牌-風味小食篇-因為得兩個人食，只試左兩款*棒棒雞*底係青瓜絲，面係雞絲，醬係麻醬叫之前好好奇咩黎就係麻醬雞絲😂但好味既*麻辣千層肚*千層肚其實就係牛柏葉加埋啲辣油少辣不太麻因為細細碟，食完都唔覺好油呢個好味~~-主菜-湯底因為淆底所以揀左bb辣但我覺得啱啱好湯底只需要揀一次因為佢之後淨係會refill啲串串選擇唔係話好多不過有個叫成都小香腸既幾得意係一條超幼既腸，味道係臘腸味貪得意可以試吓超推薦大家可以叫干碟/香油碟干碟係鹹鹹地，有啲味精味吃肉點小小，好香口香油碟就係麻油加芫茜食串串係必有既醬可以用黎解辣，而且比想像中易入口唔會覺得成口油，好膩既感覺我另外叫左個成都肥腸麵同冰粉以前去四川既時候最鐘意就係呢兩味但我覺得肥腸麵有啲失色麵太淋，肥腸醃過龍有啲鹹冰粉就普普通通可以當甜品咁食完重口味既野食啲甜嘢漱口p.s 除左飲品同蘸碟，其他全部任叫飲品任叫要加$22，但都係一支支出飲得唔多，散叫都ok最後7點就埋單都係138一個人，加埋一都唔貴真係好抵食

今天和友人來到旺角，見到一間有四川風味嘅鋪頭，於是決定入去食。因為我朋友好鍾食四川辣嘢， 所以就決定食呢個串爆放題。食物有好多選擇， 有牛，有豬，有雞， 又有丸類， 又有蔬菜, 又有小菜，小食，選擇很多。又有嘢飲任飲, 甜品任食, 麵都係任食嘅。 價錢都非常抵。有豆漿 ，又有柚子蜜，岩晒唔同人嘅口味。呢個棒棒雞小菜 ，很好吃，雞肉鮮嫩又滑，加上青瓜，芝麻醬，口感很清新，很適合夏天食用。四川辣鳳爪，辣度啱啱好，鍾意食辣嘢就最啱食。我哋叫了， 龍蝦丸， 魷魚 等等， 店員很細心, 幫我們把食物串放入碗中。 食物很新鮮,味道也剛剛好,很有四川風味。每款小食都很開胃。我最喜歡這款甜品，不是太甜， 口感很清新 ，加上提子乾， 非常清新。