串燒陣

营业中

休息中

唔算太肚餓又口痕想食野同朋友決定去呢間串燒陣試試最主要係因為門面俾人嘅第一印象幾好位於旺角女人街內側唔算太顯眼不過招牌好光猛俾人感覺好新淨餐廳內裡座位都算闊落店家開既音樂唔太大聲方便客人傾計食物方面選擇都算多首先上檯嘅係蒜蓉燒大大茄子果然真係好大條切開每人一半都覺得好多而且舖在上面的蒜蓉份量足好惹味然後再來的是一堆肉類串燒燒蒙古羊肉串肉質挺軟嫩羊騷味不算太濃烈都幾好味燒五花腩肉串肥瘦肉適中入口唔肥膩不過個人最鍾意係燒原切牛舌心片口感爽滑彈牙重點係牛肉味重燒日本一口和牛粒亦不錯肉質厚實牛味濃郁另外點了燒雞軟骨雞腎(各3串)全部都燒得幾乾身香脆好香口最抵食我覺得係蒜蓉燒原條魷魚雖然唔算好大隻不過都真係幾好食咬落去好煙韌最後就係錫紙燒蒜蓉花甲鮮味有蒜蓉亦濃而且無沙總括而言今餐算係食到舔舔脷

🥕燒脆脆香燒賣燒燒賣已經興起咗好多年～ 香脆嘅外皮 包軟糯彈牙既魚蓉餡～ 好想點蜜糖😍😍🥕燒香卜卜魚豆腐外皮香脆 內裏嫩滑兼爽口彈牙既魚豆腐 真係要試下🥕雞肉棒串又滑嫩又多汁既雞肉串😎🥕炸鵪鶉蛋串皮脆 內裏嘅鵪鶉蛋仍然保留住蛋香同嫩滑嘅口感🥕燒台灣腸、頂級墨魚丸、燒司華力腸呢啲都係平時必點既串燒之一😗🥕燒惹味小饅頭將軟熟既既饅頭烤到金黃色～ 脆脆既口感🥕甜蜜蜜一口番薯鐘意佢內裏軟糯又香甜～ 一啖一個😆 🥕燒甜美菠蘿酸甜又多汁既菠蘿當然係解膩之選🍍🥕燒雞泡魚乾魚肉鮮甜味都幾突出 愈食愈香口 配埋酒飲真係一流🤣🥕燒雞軟骨&雞腎呢兩個都好爽脆😚

旺角CP值極高串燒店呢間餐廳位於旺角通菜街，主打各款燒烤，全部都即叫即燒，而且價錢非常合理，今次同朋友試左佢哋嘅十大必食推介😎以下幾款串燒最推介：燒雞泡魚乾 - 魚肉鮮甜味好突出，燶脆口感一流，店員仲會剪開成幾條，方便食用👍🏻燒惹味小饅頭 - 烤至金黃酥脆既薄外皮，麵粉香氣撲鼻而來，拈上煉奶更滋味😋串燒蔬菜又點少得燒娃娃菜同蒜蓉燒大大茄子，蒜香惹味，灑上孜然粉後香氣更濃烈💯另外仲叫左燒司華力腸、燒台灣腸、雞肉棒串等等，一邊飲啤酒，一邊食串燒相當盡興❗️

今個月內第三次串燒🤣🤣今次係位於旺角女人街，近家樂嗰邊入口入，到左威達門口要再向太子方向行先會見到，雖然係話街舖但都唔係喺正路邊，搵時小心點唔好走漏眼👀今次呢間款式多好多，而且好岩食。餐廳闊落，光猛，音樂聲量低啲，都適合傾下計食嘢食身方面，味道多完化啲，無咁濃味錫紙燒麻辣花甲重蒜但味道不話濃，有肉感，唔醒燒香卜卜魚豆腐軟滑，簿身，魚腐味足燒雞中翼有肉地，嫩滑，口感好北海道 3重芝士炸雞雖然唔好期待有拉絲，但每啖都有芝士味頂級墨魚丸黑丸愛好者，佢點都好食，不過佢真係好食，唔係嗰啲好假味嘅墨丸炸雞皮餃子餡料食落有種熟念嘅感覺，但配合簿身外皮，有種新鮮嘅感覺，邊邊不失脆之感厚燒午餐肉繼墨丸愛好後同樣係午餐肉愛好者，仲要係厚切，啖啖滿足感

收工約咗朋友食下串燒傾吓計去咗旺角女人街串燒陣試吓先！有蔬菜類、炸物、面食、麻辣小龍蝦、海鮮同特色串等等😉我特別鍾意食以下幾款串燒燒香卜卜魚豆腐好大件豆腐啊，口感外脆內軟，非常香口燒雞腎 口感爽口！炸鵪鶉蛋，口感幾特別，食落好似脆卜卜丸子🍡一口番薯，細細粒嘅紫薯味道偏甜，好好味呀燒頂級墨魚丸，墨魚丸超大粒，真材實料口感十足！玉子燒，感覺好似日本嘅居酒屋🇯🇵玉子燒上面微微蕉香，香甜😋濃郁蛋香味燒菠蘿🍍好甜好多汁啊！可以再encore燒四季豆燒至香噴噴，好惹味啊🤪炸雞軟骨，份量好多！炸粉唔厚，粒粒香脆口感，食到停唔到口呀😆下次再同朋友一齊食😉串燒陣 旺角通菜街1號威達商業大廈地下M號舖

最近涼涼地 最岩燒嘢食 不過自己燒？ 不了 最好梗係有人燒埋啦，旺角呢間串燒 次次行過都香噴噴 終於都忍唔住要try try 蒜蓉燒茄子 $38蒜蓉 + 孜然+ 小辣 無得輸。雖然食到成口蒜味 不過真係忍唔到口😂燒饅頭 $22有趣的口感 外皮一樣有孜然 燒到脆脆地 入邊仲係軟綿綿 幾特別👍🏻玉子燒 $28雖然份量不大 不過甜甜地 女仔同小朋友一定鍾意😌雞軟骨 $18又一必吃。唔會太乾太硬 仲有小小軟骨 送酒必備😎旺角又一個食宵夜比推之選

今次又食串燒，最近好似食好多😂去果日係平日，人都算多燒脆脆香燒賣$20燒賣燒到好脆口，味道有啲似四海果隻魚肉燒賣～調味落得唔係好勁，好脆口～配住啲有汽野飲幾好燒絕味雞軟骨 $18正正常常嘅雞軟骨，有少少乾身～調味適中燒惹味小饅頭 $22原本以為佢個燒饅頭係落煉奶～點知真係惹味燒😂佢係落同其他串燒一樣嘅調味料去燒，但饅頭原本係偏甜少少，唔錯😂燒脆香雞皮 $18燒雞皮都係好脆，佢食落似係炸豬皮零食脆度嘅雞皮蒜蓉燒原條魷魚 $38魷魚比想像中大，價錢合理～對比其他串燒多啲水份同味道會重少少～落埋蒜蓉燒幾惹味燒五花腩肉串 $28正正常常～燒完唔會好乾，keep到少少油份係到 燒豬大腸 $28大腸嘅味道都係到，反而油份唔多～睇個人中意脆口覺得口感幾口燒肥牛金菇卷 $28燒落都幾乾身，但金菇仲有少少水份～食落都可以 花甲 $58花甲幾好食，調味同魷魚差唔多～佢落嘅調味唔係好重，但都做到隻隻花甲都有味道，唔錯

收工突然好想食串燒咬下 所以就去咗呢間串燒陣試下😋燒頂級墨魚丸呢個墨魚丸咬落幾彈牙 好有咬口 而且食落去 佢既墨魚丸味道都幾濃😆燒翠玉瓜翠玉瓜燒完好爽脆 食落仲唔會好乾 仲幾juicy 燒到暖暖地 乾乾地咁食又幾好味🤤燒雞軟骨雞軟骨外脆內軟 外皮咬落唔會好硬 而且食落去都幾juicy 😋燒雞腎今次係我第二次係雞腎🤣食落口感都係咁爽 上面仲有好多調味料 所以好夠味😍雞肉棒串佢既雞肉棒串都幾大舊 食落好有口感🤣燒完又唔會變乾晒 幾juicy 🥰

返完夜班好想同同事去吹下水，咁岩揾到公司附近有間食串燒，而且價錢都合理，岩哂做宵夜呀😆呢到竟然有我最愛既燒雞泡魚乾，唔係唔食呀嘛😍一條條點沙律醬真係非常正，好似食零食咁，慢慢咬燒翠玉瓜第一次食，估唔到燒左既咁好食，仲幾juice，唔知去BBQ係咪都可以燒🤣玉子燒燒完都幾滑，燒過既仲多左份風味添燒菠蘿🍍又係必定要食，燒完既菠蘿好多汁，而且勁甜，最後我都再encore左一串☺️黑松露薯條上面嘅黑松露超多，混合埋沙律醬同埋黑松露醬嘅薯條好好味，而且薯條仲調味過添，夠哂味炸雞軟骨估唔到都幾大份，真係啱晒傾偈慢慢食

平時食串燒都係去開嗰兩間 有時都想轉下新款嘅🤤 旺角威達商業大廈有間串燒陣 走平民路線 價錢都好親民🤑▫️燒惹味小饅頭 ($22)燒饅頭都係第一次食 外皮燒到脆脆地 咬落好軟熟 口感幾特別😍▫️甜蜜蜜一口蕃薯 ($22)燒蕃薯好香 一口咬下 個甜味出哂黎▫️燒菠蘿🍍 ($20)每次食串燒都會嗌😂 燒出黎啲菠蘿汁流哂出黎🤤 ▫️燒雞軟骨、雞肉棒串、燒台灣腸 ($18, $18, $20)食雞軟骨個味粉好鬼緊要🫡 Sock sock聲真係好過癮🤪基本孜然粉無得輸 雞肉棒唔怕乾爭爭台灣腸味道唔錯▫️燒韭菜 ($18)價錢無得輸 好惹味😂▫️燒雞軟骨+雞腎 ($88)忍唔住叫多個各3串嘅拼盤😃雞腎爽口 好夠味 整體控制味粉份量幾好呢個價錢食串燒 無得挑剔啦師傅😂

我哋叫咗好多嘢，我叫咗燒肥牛金菇卷，肥牛唔會韌，金菇爽口；燒芝士年糕，芝士同一定唔可以錯過！邪惡拉絲😍燒雞軟骨同燒雞腎好有咬口，食串燒必要！蒜蓉燒大大茄子，份量的確好大，蒜蓉味超香口，調味好夠，超邪惡！食完啲邪惡嘅嘢，食返啲健康啲先！叫咗燒翠玉瓜，講真串燒翠玉瓜真係冇得輸，爽口又惹味；燒玉子燒、燒菠蘿同燒豆卜都唔錯👍🏻食咗咁多燒野，熱氣呀！叫咗個麻辣海蜇試吓，凍冰冰又爽口，上面仲有香蔥，值得一試！！

餐廳位於女人街一幢食肆商廈嘅地下大堂位置唔難搵 但要行入大堂先見到呢間餐廳喺旺角尤其是女人街呢邊想搵間同朋友坐得舒舒服服傾住計食飯嘅餐廳唔容易而且我食開坊間嘅串燒店一般都比較迫但呢間餐廳就解決左呢個問題佢座位算闊落 枱與枱之間有返D空間 環境亦都光猛整潔我同朋友都食得幾舒服😚手機落單亦好方便 食物款式應有盡有📱我地都叫左幾多野食 分類咁講下啦🦪海鮮類 – 蒜蓉花甲、大生蠔、扇貝帶子、原條魷魚海鮮都新鮮 欣賞佢燒得岩岩好 keep到juicy 唔會完全縮曬水😋特別個大生蠔堅正 因為真係好大 同埋仲有少少海水味🌊花甲係幾多 抵食既 只係略嫌蒜蓉太重蓋過左花甲本身鮮味原條魷魚賣相都幾得意 食落有咬口得黎唔會太韌🦑🥩肉類 – 絕味雞軟骨、原切牛舌心片、日本一口和牛粒牛舌心片唔會好薄 又夠爽口 好好食 好彩叫左1人1串和牛粒感覺就完全唔同 外脆內軟 油脂比較重雞軟骨就正常發揮🥬蔬菜類 – 蒜蓉燒大大茄子、燒翠肉瓜、燒香卜卜魚豆腐、錫紙燒蒜蓉金針菇、甜美菠蘿平時食串燒蔬菜就最怕燒到乾曬水 好彩呢度唔會 仲食到有汁👍🏻個金針菇又係幾多 食到最後都仲有菠蘿舊舊都大仲要有3舊 甜酸程度岩岩好😋其他都係

同男朋友食，食左差唔多$400但兩個食完都唔飽😂原本我已經好細食 但連我都唔飽啲份量真係好少，所以放棄左，轉場食其他。味道都好一般，整體感覺都唔好 唔會再去啦🙅🏻‍♀️

📍串燒陣 (旺角) 串燒迷再次出動!! 😍今次嚟到位於旺角嘅串燒陣，呢間串燒店走平民路線，價格相對上比較親民，而且食物款式多，肉類、海鮮類、蔬菜類、丸類、甜品類都一應俱全，😆而且採用手機點單嘅方式，夠晒方便快捷！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️法式鵝肝多士（2件）($75) 鵝肝超肥美，而且煎得好香，外層有少少脆脆地咁，而入面就好香嫩，充滿油香，🤤仲入口即溶，食落超幸福！下層嘅多士好香脆，仲吸晒鵝肝嘅油脂香，超邪惡！😈▪️蒜蓉燒大生蠔 ($32) 生蠔好大隻好新鮮🦪，肉質鮮嫩，而且調味啱啱好~ ▪️蒜蓉燒大大茄子 ($38) 每次食串燒都必點燒茄子🍆！茄子好大條，仲配有大量蒜蓉作調味，食落好香滑好厚肉，超滿足！▪️燒香卜卜魚豆腐($20) 魚豆腐燒得好脆身，😙內裏好滑溜，會令人食上癮！▪️燒雞軟骨雞腎（各3串）($88) 雞軟骨燒得好脆卜卜，而雞腎則好有咬口，2樣都好惹味👍！▪️燒脆香雞皮 ($18) 燒雞皮同樣係每次必點！🥰燒得夠晒香脆，食落唔會太淋同太油~▪️北海道3重芝士炸雞 ($25) 好少會喺串燒店見到呢個，炸雞肉唔會太鞋，入面咬開有超濃郁嘅流心芝士🤩，好香口！▪️爆漿芝心丸 ($20) 芝

同朋友去旺角食串燒, 店舖細細間, 可以手機落ORDER 好方便. 有好多選擇, 樣樣都好吸引, 最後我地一口氣揀左8款食物:1. 辣味花甲: 好夠鑊氣, 微辣, 唔嗜辣的我都食到, 送啤酒正2. 甜蜜蜜一口番薯($22): 番薯口感軟屬, 可惜唔夠熱, 有點失望3. 超美味玉子燒 ($28): 玉子燒味道適中, 甜甜地好味道4. 燒肥牛金菇卷 ($28) 另一推介之選, 肥牛好多肉汁, 夾埋金菇一齊食, 好正!5. 燒甜美菠蘿 ($20) 菠蘿勁多汁, 一咬汁都噴埋出來, 大推!6. 流心芝士年糕 ($32): 必食推介, 外皮好鬆脆, 裡面流著熱辣辣的流心芝士, 好想ENCORE 食多件7. 燒牛肋肉串 ($26): 牛肉好有質感, 一試無妨8. 芝士燒大大茄子 ($48) 平時多數叫蒜蓉, 今次試下芝士, 配以沙律醬又另一番風味, 茄子燒得剛剛好, 軟焾多汁, 都係ENOCRE 之選.