串燒王 (登龍街)

营业中

休息中

位於銅鑼灣鬧市既港式串燒店店鋪面積雖小但人氣滿滿串燒即叫即燒開到零晨時間係一個好好既落腳點🍢🍡🍺麻辣魷魚鬚 $65份魷魚鬚爽口彈牙，份量都好多，麻麻辣辣，好邪惡。五花腩肉串 $30/2油香豐富，肉質軟嫰彈牙。豬頸肉 $28吃起來爽脆又有彈性，而且肉味濃厚。牛板腱 $28牛肉味道濃郁，經燒烤後帶有嚼勁。美國特級牛小排 $85牛小扒呈粉嫰色，肉質鮮嫩多汁，肉味濃郁，油脂豐富富口感。雞軟骨 $28/2香脆惹味既軟骨，好香口。汁燒鮮冬菇 $16好Juicy!蒜蓉原條茄子 $38一絲絲既茄子🍆口感幼細軟綿綿，蒜味濃郁！芝士年糕 $28/2芝士流心，炸到外脆內軟糯。

銅鑼灣登龍街嘅煙火氣，呢間「串燒王」先係真正嘅深夜療癒站🌙  ✨手打牛筋丸咬落爆汁到癲，彈牙到似食緊乒乓波！  ✨雞泡魚干邊位焦脆、中間軟嫩，蘸蛋黃醬係邪惡但快樂嘅真理😈  ✨虎皮尖椒辣到噴火🌶 但越辣越上癮，配冰啤酒先係人生啊～  **暗黑Tips**：  ▫️墨魚咀「咯吱」口感似食緊海鮮版薯片  ▫️阿叔單手轉20串仲識得問：「要唔要加辣啊靚女？」  ▫️收工嚟食，$150人均抵到喊  ⏰ 19:00-02:00 燒到天光都得  #銅鑼灣宵夜 #街頭炭燒 #牛筋丸爆汁 #香港人夜遊 #辣到噴火 #港島深夜食堂 #抵食串燒 #登龍街隱世 #FoodieHK #香港煙火氣  

同老婆撐枱腳食吓銅鑼灣 #串燒王🍢街坊價錢但驚喜十足🐟鹽燒多春魚$48/6條抵食夹大件魚肚爆春脆卜卜灑少少檸檬汁吊鮮正到痺🥣清酒煮花甲啖啖酒香蜆肉肥嘟嘟無沙湯底仲非常清甜🍆蒜蓉原條茄子係必食鋪滿炸蒜粒夠哂香口茄子肉燒到軟綿綿仲keep住juicy🥣肥牛炒麵夠鑊氣麵條乾身唔油膩夾埋洋蔥絲食好惹味🐟秘製燒三文魚頭外皮焦脆到"咔嚓"聲最正係面頰位啖啖肉滑溜過豆腐😋🍢原條火箭魷魚筒爽口彈牙燒得啱啱好唔會韌帶微辣好過癮脆香魚腐似升級版魚蛋外脆內軟有魚鮮味兩個人食到捧住個肚都係五百蚊有找街坊宵夜首選👍下次再戰要試埋佢哋啲串燒雞軟骨🍢🔥📍 串燒王 銅鑼灣登龍街36-48號登輝大廈地下D2號舖

銅鑼灣登龍街係出名美食街，今次帶朋友嚟到呢條食街食串燒，去到呢一間串燒皇，非常有地道嘅感覺，而且性價比非常高，今次仲叫咗好多野食，好滿足啊！串燒店依家有啤酒買一送一嘅優惠，每日都有唔同嘅特價海鮮！呢度嘅串燒種類多，有肉類、海鮮、蔬菜等，仲有甜品、特色炸物及佐酒小食。肉類串燒可以自選辣度，每一份都燒到表面微微焦香，仲撒咗啲孜然同辣椒粉，十分惹味！日本一口和牛粒和豬頸肉燒得入味，入口非常多肉汁；勁愛蒜蓉原條茄子，勁多蒜蓉，仲有孜然粉好惹味；朱古力棉花糖多士亦都好出色，熱呼呼烘好嘅多士上面加埋溶化咗嘅朱古力醬和棉花糖，美味又邪惡；最後點一份燒菠蘿，燒得非常有色澤，而且解油膩感一流，完美結束！尚有更多推介：花甲粉蘑燒秋刀魚雞腎串牛舌日本一口和牛粒蒜蓉原條茄子燒菠蘿朱古力棉花糖多士

这家串烧店已经来了不下三次，属于是老顾客了，真的很喜欢吃香港的港味烧串，尤其是翠玉瓜和牛小排，以及五花腩肉串、属于我串烧老三样了，但是我又解锁了他们家的烧汁蘑菇🍄‍🟫串、惊艳到我了，味道鲜美还流汁！鸡翅我的朋友也超级爱吃，这种串烧他非常的牛，他能做到他的外表表皮是酥脆的，但是里边的肉是多汁的👍在香港这种串烧店，一般都会营业到很晚，如果你想和朋友倾心交谈，我认为来串烧店点上扎啤喝一些美味小串将会是一个非常好的聊天根据地！！

口淡淡又唔想食飯，不如去登龍街搵下有咩好食，呢間食串燒好似幾惹味，就試下啦！好，坐低睇下有咩好食先。蒜蓉原條茄子，勁多蒜蓉爆香，但又唔會過咸，剛剛好，仲有孜然粉好惹味。芝士西蘭花，全部都係拉絲芝士，邪惡得過份。因為朋友仔唔食辣，所以走辣，對於我呢個辣妹黎講，無辣不歡，但呢啲串串，走左辣都好夠味。五花腩肉串，肉質有彈性，半肥瘦。虎皮青椒，好大隻青椒，爽脆，呢隻唔太辣。免治雞肉棒，外面軟身，咬落有口感。汁燒鮮冬菇，食落真係有菇汁。有樽裝支裝飲品任君選擇。

永遠都話食串燒係最好嘅談心地方，慢慢燒慢慢食，又可以傾吓偈。呢間分店仲做緊每日都有唔同嘅海鮮特價咁啱今日係星期一我哋就揀咗個串燒蝦。 蝦身飽滿，外殼燒到金黃微焦，隱約見到入面雪白嘅蝦肉。輕輕咬一啖，外脆內嫩，蝦肉嘅鮮甜同炭火嘅香氣完美結合，食完仲想再食！ 另外好有驚喜嘅係串燒土豆串，土豆片切得厚薄適中，表面燒到微微焦香，撒咗啲孜然同辣椒粉，咬落去外皮脆脆哋，入面綿綿軟軟，帶住淡淡嘅甜味，簡單但係好食到停唔到口！ 食串燒又點少得燒雞全翼，雞翼外皮燒到油亮發光，醬汁滲入每一絲肉入面，咬一啖，皮脆肉嫩，汁水爆出嚟，濃郁嘅炭烤香氣即刻喺口入面爆發，真係食到連手指都要吮乾淨！ 另外燒茄子燒到軟腍腍，表面鋪滿蒜蓉同香蔥，醬汁滲透晒入去，入口即化，蒜香同茄子嘅清甜互相襯托，層次豐富，食到人都陶醉咗！ 最特別嘅係佢呢度竟然有鵝肝多士，鵝肝煎到外焦內嫩，鋪喺烤到脆卜卜嘅多士上面，一啖咬落去，鵝肝嘅豐腴同多士嘅香脆形成完美對比，濃郁嘅油脂香氣喺口入面蔓延，奢華又滿足！ 最後叫咗個蜆肉粉絲，啲顯雖然細隻，但係蜆肉鮮嫩多汁，粉絲吸收晒湯汁嘅精華，啲粉絲爽得嚟又夠晒濃味，份量好充足添。

登龍街很多餐廳，但這間串燒王營業時間很長，晚上可以慢慢和朋友相舊聚餐。餐廳位置雖然不多，但乾淨舒適，非常地道的感覺。menu 選擇超多，有雞牛羊海鮮蔬菜串燒，還有甜品，特色炸物佐酒小食。🐟鹽燒鯖花魚魚身灑上孜然粉和辣粉，燒得香口惹味，魚油豐富。🍶清酒煮花甲花甲份量超多，清甜無沙。🥩美國特級牛小扒薄切牛小扒燒到7成熟剛剛好，肉味濃有肉汁，份量很多。🐤大雞脾雞髀真的很大，先炸後燒香，外脆肉嫩。🥦蒜蓉西蘭花超濃烈的蒜蓉味，非常好吃。🍝鰻魚炒烏冬烏冬彈牙很掛汁，鰻魚香口魚油豐富。⭐️餐廳性價比很高，食物都非常惹味，而且份量充足。

happy friday要chill吓嘅同朋友去咗食串燒 凍冰冰食啲熱辣辣嘅嘢 正呀星期一至日 每日都有唔同嘅特價食物啤酒仲有買一送一添所有串燒都有得揀辣度 迎合番唔同人嘅喜好越夜越多人 外賣單都多 🐮安格斯牛仔骨 - 唔嚡 一咬仲有啲肉汁🐟脆香魚腐🐥雞軟骨 - 配埋啤酒就最佳拍檔 🐥雞全翼 - 雞皮燒得金黃香脆 👍🏻🥒翠玉瓜 🟢四季豆呢度啲串燒燒完都仲好juicy 💦而且即叫即燒 熱辣辣 個人認為調味恰到好處 唔會太鹹🐮特級肥牛炒烏冬好多肥牛 而且仲有娃娃菜伴烏冬炒得幾入味

大家去銅鑼灣搵好西一定都唔會錯過登龍街呢條食街😁😁, 今次經過凌晨經過竟然見到仲有串燒舖開緊😳😳,見到即刻衝入去滿足返個宵夜串燒胃🤪🤪王牌牛舌心👅：$38串牛舌芯👅一串有三大塊,仲要厚切,咬落啖啖爽肉之餘完全唔韌,加埋孜然粉超級惹味😋蒜蓉原條茄子🍆：$38蒜蓉原條茄子鋪滿左海量炒過既蒜蓉 配合軟滑而口感綿密既燒茄子🍆調味適中,大人細佬都會鐘意食🤤 鹽燒白鱔：$55可以話超級驚喜💯白鱔望落去已經好厚身😳 估唔到表層燒到卜卜脆 內裏係非常嫩滑既白鱔肉 灑上孜然粉 真係口感一流👍🏻雙重芝士撈一丁 🧀🧀：$50  ：見到串燒鋪竟然有芝士撈丁🧀, 凌晨宵夜嘅時候真係忍唔住一定要試下先😈😈 , 芝士份量多到都見唔到下面有出前一丁😂😂 ,唔單止賣相西利,試完口味原來係比較偏甜嘅芝士撈丁😜😜,都係第一次食到呢個口味 , 有芝士嘅香濃同埋乃香嘅甜味 , 宵夜時間真係要一人食一個先夠喉😜😜法式焦糖鵝肝多士🍯🍞🦢 ：$70試完上面串燒見到竟然有鵝肝多士😈 , 就當然要試啦 ！ 鵝肝香煎得我後啱啱好 , 表面脆口得嚟 , 中間心仲係非常粉嫩😳 , 另外焦糖多士都非常有驚喜😍😍, 食落去嘅感覺就係平時大家燒烤一

Blingbling美食推介✨ 📍銅鑼灣 🍺 串燒王 ✨ 夜貓必到串燒店！ 💠💠💠💠💠💠💠💠 今晚係附近做完facial周圍行下揾野食~ 見有串燒王就果斷選擇🥰 雖然都已經好晏，但都依然訂單不斷啊！~ 今日又涼涼地，食串燒岩曬🧡 💠 鹽燒白鱔魚 $55 白鱔係我食串燒必點既✨白鱔新鮮，一d fishy味都無~調味都岩岩好😋 💠 豬頸肉 $28 豬頸肉燒得岩岩好，肉質鮮嫩多汁~ 💠 牛舌 $25牛舌好大舊~ 而且都好軟，一d都唔un！！而且一d都唔乾~好味！💠 芝士原條茄子 $45通常燒茄子都係加蒜蓉辣椒 or 孜然粉調味~ 見串燒王有加芝士燒，所以就試下~ 點知又好夾wor！💠 特級肥牛炒烏冬 $68夜晚有d餓，所以叫左個炒烏冬食~ 肥牛唔係好肥好un個d，而且分量都多~ 唔會炒到好油，而且仲加左菜同鷄蛋落去炒，好香口好好味😋 餐廳環境：💎💎💎💎💎/5 服務質素：🌸🌸🌸🌸🌸/5 食物味道：😋😋😋😋😋/5 性價比：💰💰💰💰💰/5

串燒王😘😘😘聚一聚、串一串銅鑼灣登龍街、串燒小店、夾雜四川、川辣味道、加港式食材、融合串燒美食！✨鹽燒八吋大虎蝦$52/1隻手掌大大虎蝦🦐、以椒鹽灑蝦面燒、淡淡椒香鹽鹹味、滲透蝦肉、蝦肉夠厚身、鮮甜嫩滑、外殼都滿香椒鹽、舔舔脷👅✨蒜蓉粉絲大蟶子皇$50/ 隻貝殼類海鮮產珍品、豐富蛋白質、🈵🈵蒜蓉混和粉絲清蒸、雙重口感、美味鮮甜、夠彈牙！✨紐西蘭羊架$45/隻大手掌心大羊架、燒烤後再灑上孜然粉、熟度剛好不見血、嫩滑多汁、油脂分佈均勻、不帶羶味、超正✨鹽燒白鱔魚$55/串白鱔魚一口一口串住上、鹽燒已提升魚的鮮甜味、簡單就是原味道✨豬大腸$20/串港式地道小食、以燒烤配川菜風味、帶點微辣、別有一番味道👅✨牛板鍵$28/串牛肉粒、燒一燒、陣陣牛香味撲鼻！✨皇牌牛舌心$38/串牛舌之寶、牛舌中最腍最軟滑的部位、燒烤香脆、crazy 🤩✨唐揚炸雞皮餃子$28/3隻薄薄雞皮內卷餃子饀、外烤脆皮、蘸沙律醬、又幾夾、入口爆汁、juicy 香口✨豆漿$16品牌子、有保證🤣串燒王銅鑼灣登龍街32號登輝大廈地下D2舖港鐵銅鑼灣站B出口、步行約3分鐘

今日響銅鑼灣試到呢間惹味串燒小店，覺得幾好食就分享吓😜-一口氣點了豬頸肉($28)、牛舌($25)、日本一口和牛粒($34 )、肥牛金菇卷（$28）、雞軟骨（$28）、椒鹽燒賣（$22 ）和芝士年糕（$28）我最喜歡的是豬頸肉和肥牛金菇卷😛 豬頸肉爽口，上面有點蜜汁，很鮮味！-串燒有四種辣度可選，我想清淡啲就揀咗唔辣🤣其實唔辣都覺得已經好惹味，因為加左七味粉，調味好好🫶🏻-順帶一提，店舖營業到很晚，適合做宵夜之選😗

後疫情時代，香港人嘅生活習慣改變咗好多，踏入夜晚9點嘅香港，最怕空氣突然安靜。如果依家三更半夜想搵宵夜食，比以前真係難咗好多，但都唔係無選擇呀！位於銅鑼灣嘅串燒王就將登龍街變得熱鬧，每一串嘅串燒都非常惹味，成為深夜夜繽紛之選！皇牌牛舌心絕對係串燒王嘅名物！牛舌心厚切，大大塊夠晒足秤，肉質爽口唔靭，牛肉味香濃，性價比超高，牛舌控嘅我要叫多幾串先得。紐西蘭羊架食串燒又點少得羊架呢！羊架嘅生熟度燒得啱啱好，肉質軟腍，帶有微微嘅焦香味，油脂豐富，但因為經過大火燒過，所以唔油膩。肥牛金菇卷金菇索晒肥牛嘅油香，重點係金菇唔會燒到乾爭爭，加上特製嘅調味，小小辣，非常惹味！蒜蓉原條茄子茄子真係枱枱都叫！原條茄子燒得啱啱好，唔會太乾身，茄子上面鋪滿調味粉，但味道唔會過鹹，味精帶有少少辛辣感，加上蒜蓉嘅香味，味道充滿層次。串燒我哋另外叫咗五花腩肉串、豬頸肉、日本一口和牛粒、雞腎串、脆香雞皮，特別喜歡油份平均嘅五花腩肉串同豬頸肉，如果喜歡脆口嘢嘅話，脆香雞皮就一定要叫，炸到脆卜卜，夠晒香口。

夜晚突然口痕 好想買嘢食送酒諗住喺外賣平台搵平靚正快嘅串燒結果真係好快送到秋葵、雞髀菇、土豆片全部蔬菜類燒完都好多汁好入味一啲都唔乾牛舌同豬腩肉勁Juicy ，肉質好林好好咬食過返尋味，一星期內可以叫兩次第二次成班朋友開party所以encore ，仲叫埋雞腎同茄子之後都會繼續叫真係好好食PS🙏🏿🙇🏿‍♀️抱歉成班為食鬼掛住食完全唔記得咗影食物相