串燒殿 (已結業)

呢間係位於尖沙咀新開嘅串燒店「串燒殿」，趁佢新開業嚟一試究竟。和牛大蔥卷：和牛牛味濃郁，油香四溢，配埋味道清新嘅大蔥，有效提升牛肉嘅肉味，更能消減和牛所帶嘅油膩感。燒流心芝士年糕：年糕口感煙韌，外皮燒得香脆，而年糕入面仲有流心嘅芝士，香甜嘅年糕同咸香嘅芝士，令味道層次變得分明。美味玉子燒：玉子燒好厚身，用料十足，蛋味香濃，未食都聞到流哂口水，味道香甜，好味。燒日本甜薯：用上嚟自日本嘅甜薯，甜度較高，燒完之後甜度更高，而口感較軟糯，一食上癮。燒雞皮串：燒得夠哂香脆，雞油嘅油香四溢，離遠都聞到好香。燒超惹味雞泡魚乾：雞泡魚乾魚味濃郁，燒得夠香口，但唔會太乾身，保留雞泡魚乾嘅咬口，而味道用咗秘製醬汁，極之惹味

串燒殿，位於尖沙咀金巴利道，距離地鐵站約5-6分鐘，地點非常方便。餐廳座位舒適，以串燒為主打，更有WhatsApp 訂座及外賣，非常方便。餐廳串燒餐牌選擇非常多，價錢亦相當合理。必試推介$128麻辣小龍蝦，麻辣味道強勁，小龍蝦新鮮入味。和牛大蔥卷$28，和牛與大蔥確實屬於最佳伙伴，牛肉味濃大蔥可減油膩感。惹味蒜蓉燒茄子，餐廳用上大量蒜蓉調味，茄子入口即溶，確實惹味。燒五花腩肉串，五花腩肥瘦適中，啖啖肉。