影片
开饭介绍
主打港式串烧的地区小店，供应多款海鲜、肉类等，设有川、日口味，选择丰富且定价相宜，是聚餐、宵夜之选。
继续阅读
营业时间
今日营业
11:30 - 16:00
17:30 - 06:00
星期一至六
11:30 - 16:00
17:30 - 06:00
星期日
17:30 - 06:00
以上资料只供参考，请与餐厅确认详情
有关奖赏计划
见呢间串烧店咁多好评，满怀期待黎同朋友食，一齐叫左间2人餐再散叫，不过最后失望而回，未试过帮衬串烧店系会食剩野。首先，串烧一获熟拎出黎，心谂烧得咁快既，食落有d唔够热，而且有种烧定翻热既感觉，加埋一次过出哂真系好快成碟冻哂，成件事好唔新鲜。第二，d调味粉太重口味，真系食到一半冇胃口再食落去。唯一我地觉得好食既系有蜜糖味既鹅肝多士。第三，环境卫生建议改善，地下油淋淋，行去厕所好滑，仲见到倒泻既汁/饮品未有清洁。第四，个麻辣煮花螺似烚咗啲花螺之后加汁，唔入味，仲有吉列炸蚝，虽然知道$28/3只都不能太大期望，但啲炸粉实在太厚，口感好差。第五，职员成晚都皱眉黑面，楼面传菜收钱一脚踢，可能工作压力太大？俾人一种唔想做既感觉，不过同我地对答态度还好，至少冇令我地有hard feeling。总括黎讲，唔会再帮衬第二次了。
继续阅读
今晚同朋友喺铜锣湾串烧王大快朵颐，呢间小店装修简单，但夜晚气氛一流，啱晒宵夜吹水。 - 生猛九节虾(特价$30/2只) 虾肉弹牙，烧过后非常香口- 蒜蓉扇贝带子($70/2只) 蒜香足料，带子嫩滑又有鲜味- 大墨鱼嘴($28/串) 圆碌碌胀卜卜，烟韧有嚼劲，烧得岩岩好，特别惹味- 猪颈肉($28/串) 油香丰富，烧到微焦，好有层次- 猪大肠($25/串) 外脆内软，冇腥味，唔会好肥腻- 牛舌($25/串) 厚切多汁，非常Juicy，肉香十足，又有咬口- 鸡肾($28/两串) 爽脆弹牙，食落超啱衬酒- 脆香鱼腐($15/串) 炸得外脆内嫩，唔油腻，好有惊喜- 玉子烧($28/三块) 蛋香浓郁，咸甜得宜- 焦糖烧香蕉($18/份) 甜品收尾，香脆外皮包住香甜香蕉。 铜锣湾宵夜推介，食物同价格都好亲民，环境又自在，下次会再嚟。
继续阅读
呢间主打串烧嘅小店，选择丰富且定价相宜，唔使北上都可以食到中式嘅串串~仲可以可以自选辣度食呢款大陆中式串烧一定要叫充满孜然味嘅羊肉串~羊肉一啲都唔臊，够晒惹味！鸡心鲜嫩弹牙，猪仔髀肉质嫩滑免治鸡肉棒入面带有点点鸡软骨嘅咬口最惊喜系个鸡髀菇，超juicy 真系一咬就爆汁蒜茸娃娃菜 食咗咁多肉一定要食返啲菜平衡下，娃娃菜够晒清爽鲜甜~花甲粉 花甲份量都唔少，仲有金菇，娃娃菜同埋粉丝，粉丝索晒啲汁十分之邪恶最正系细杯装嘅生啤买一送一都系$55🍻配串烧啱晒！
继续阅读
呢间串烧店啱晒做深夜食堂，喺铜锣湾旺区，超方便。最正系佢哋个生啤买一送一优惠！有Stella、Hoegaarden、Suntory任拼，咁热嘅天气饮返杯，真系即刻下火一流，爽到爆！讲到嘢食，嗌咗几款都不错！法式焦糖鹅肝多士 ：呢个抵食，$70有4件！鹅肝超creamy，入口即溶，配埋面头脆卜卜嘅焦糖同烘到香脆嘅多士，真系邪恶得嚟又好味到癫！一定要趁热食！原条火箭鱿鱼筒 ：烧得啱啱好，唔会韧，好弹牙！食落好有炭烧嘅焦香味，点少少辣粉，送啤酒一流！五花腩肉串 ：烧到金黄香脆，肥瘦适中，咬落去有肉汁，又唔会太油腻，正！鸡肾串 ：爽口弹牙，越嚼越香，口感一流，系我嘅串烧必点！鸡中翼 ：烧得好入味，外皮脆卜卜，咬开爆晒肉汁！总结嚟讲，呢度气氛好，嘢食水准高，仲有生啤优惠，真系好啱一大班朋友或者收工想放松吓！下次深夜肚饿，又多个好去处啦！
继续阅读
与朋友铜锣湾逛街后，去了登龙街36-48号登辉大厦地下D2号舖「串烧王」晚餐。喜欢登龙街这里亲切感觉，也喜欢这里吃各类串烧和烧物。今晚点了牛肉串，阿拉伯羊肉串，纽西兰羊架，吉列广岛蚝，鳗鱼炒乌冬和蒜蓉鲍鱼。先来一碟鳗鱼炒乌冬，可以一边吃串烧，一边伴乌冬，鳗鱼也不少啊。鲍鱼来了，新鲜肥美，超香蒜蓉味，外放上香料一齐烤，好味。牛肉串，阿拉伯羊肉串，都是新鲜肉质，所以吃起来很美味，肉质对串烧来说是最重要的。纽西兰羊架，烧烤后卖相已经很吸引，睇见已经流口水，是尚佳肉质配合烧烤后美味的食物。我对吉列广岛蚝是情有独钟的，喜欢脆脆的外皮，包著内里的蚝，一口吃下去最美味。一餐已点齐我喜欢的串烧和烧物，全部都很美味，很满足。
继续阅读