影片
平时都钟意一班朋友烧嘢食，围埋个炉有倾有讲，嘻哈一晚，但最憎义嘢食搞到只手污漕邋遢，有时仲拮损手添，之后出现咗现成串好食物嘅烧烤场，但试过环境及食物麻麻，冇下次。上星期六同朋友试咗呢间”串烧园林”，入到去环境唔错，地方好大，职员都好有礼貌，可能落雨关系，客唔多，即刻有位。百零蚊任食，啤酒汽水任饮，好抵。最正系每位会送大虾，蚬，波萝，香蕉，金菇，都算大手笔。基本嘅猪扒，牛扒，鸡扒，鸡翼，肠仔，丸类都腌得好味，但居然有我至爱嘅羊架，仲好好味，惊喜…另外仲有鸡软骨，烟肉车里茄，脆肉瓜呢啲传统烧烤场冇嘅嘢食，真系满足到唔同口味嘅人。发现有扇贝同生蚝，每只$10-$20内，抵食，烧完都好鲜味。当晚游乐区落雨冇开，如果唔咪一家大细嚟真系唔错，搞大型烧烤派对都得，不过可能要预约。
继续阅读