豐足小廚

营业中

休息中

醫院附近有啲餐廳，附近有茶餐廳、拉麵、漢堡包，諗住求其食啲嘢就算，最後揀咗點心😄仲要無收加一，都幾好食會再encore👍🏻👍🏻不過唯一唔好處就係好多棉花吹入嚟，成個嘴，鼻都係棉花😂砵仔蝦醬豬頸肉飯$50蝦醬鹹味啱啱好，豬頸肉份量都幾多，都幾抵食👍🏻奶黃流心西多士$40估唔到呢個超級出色👍🏻👍🏻👍🏻即叫即炸，奶黃濃郁👍🏻超好食👍🏻👍🏻咖喱魷魚$38咖喱味啱啱好，魷魚唔會好韌👍🏻鴛鴦燒賣$36燒賣淡淡蝦肉都幾足料，幾大粒👍🏻豉蒜蓉蒸排骨$30排骨唔會太大嚿，一口一粒都幾多肉，份量都幾多👍🏻黑糖馬拉糕$30睇到圖片以為好大個，原來手掌心咁大，好似布甸咁震震吓，超級軟綿綿，黑糖味香濃👍🏻👍🏻懷舊芝麻卷2條（跟餐加$15）見到個顏色唔係實黑色，一咬落去好似溝淡咗嘅芝麻卷，真心麻麻哋，全部人即刻吐返出嚟😖糯米包2個正正常常，熱辣辣幾好食XO醬蘿蔔糕$48想試吓佢嘅XO醬所以叫佢個蘿蔔糕，蘿蔔糕都還可以，不過XO醬勁鹹😅

一家12 位私房菜晚餐，菜式包括：梅酒車厘茄炸子雞Tim Mimi牛叉燒芝麻蝦多士蟹糯米飯金銀蛋莧菜上湯娃娃菜上湯龍蝦清蒸海斑西米布甸冰花蛋球芝麻卷老人家食得好開心，尤其炸子雞皮好脆，牛肉叉燒有創牛味濃有𡁻勁，蝦多士鬆脆蝦膠餡料超豐富爽滑谷爆包包，甜品冰花蛋球樣似沙翁鬆脆兼蛋味超香，芝蔴卷質地略腍但芝麻味濃，梅酒蕃茄酒味較濃，如果可加配話梅配搭滿足話梅控就更好。整體來講好滿意，值得推介，下次會一家再嚟😁。