影片
港铁太和站 A 出口, 步行约9分钟
继续阅读
开饭介绍
位于大埔的高级火锅店，由香港星级名厨陈国强打理，以原汤养生功夫火锅为主题，火锅用料上盛。其中，黄汤鸳鸯花胶鸡锅更是人气之选。
继续阅读
附加资料
中菜名厨陈国强在大埔开的火锅中菜馆，早巿供应点、炖汤、小菜套餐，晚巿供应小菜、火锅，餐厅以真材实料靓汤作主题,所有出品优质、美味、物超所值！
营业时间
星期一至五
11:30 - 23:30
星期六至日
10:00 - 15:00
17:30 - 23:30
公众假期
10:00 - 15:00
17:30 - 23:30
以上资料只供参考，请与餐厅确认详情
食家推介
相关文章
食具卫生有待改善，几只碗都黐满饭渣，要用热水浸完再新自用手慢慢捽干净！椰子鸡汤，可遇不可求！首次遇上用鲜椰子水煲出的椰青鸡煲，白雪雪嫩滑椰青肉，汤汁清澈清甜纯天然。椰子鸡锅，食火锅都有几十年经验，从来未试过问都无问一句就冲埋黎加汤，仲要系用粉开的味汤！穿著便服疑似老板的四眼叔将整煲清甜椰青水椰子煲鸡破坏掉，人家未饮完架！朋友专程黎饮汤，真系嬲到企起身想反枱，幸好肯出去抽根烟冷静一下，差少少想唔食埋单转场算数！点解可以犯如此低级错误？本地鲜鸡子，有新鲜鸡子唔洗食雪藏火鸡子真好，但洗到穿晒烂晒！烚起蛋白质肉汁已流失，十分浪费！原本5星变2星。海鲜拼盘：美国桶蚝、贵妃蚌、扇贝，鲍鱼、斑片，非常强差人意！桶蚝大大只没什么味道，其中一只已变坏发嗅掉丢！斑片颜色暗淡暗哑，腍啤啤浆住嘴不鲜不嫩不滑，口感好核突肉酸全部丢掉。鲍鱼新鲜度低下，不知道雪了几耐硬屈屈的。贵妃蚌及扇贝没特别，唔难食。蒜辣拍青瓜⭐️⭐️⭐️⭐️⭐️小食比火锅比生料比海鲜更美味更出色！混著芫茜、蒜蓉、辣椒、陈醋，酸辣咸香爽脆多汁！椒盐鱿鱼须⭐️⭐️⭐️⭐️薄薄松化的脆浆最紧要，不是壳不是硬掘掘！爽弹咸鲜鱿鱼肉，滚埋酸甜喼汁食得更起劲！椒盐豆腐⭐️⭐️⭐️新鲜出炉嫩豆腐，外脆内滑食唔停口！椒盐墨鱼嘴⭐️⭐️⭐️⭐️⭐️无生水味无腥味，大大粒圆碌碌爽脆鲜味突出。
继续阅读
天气炎热但无损打边炉嘅意欲，放工约埋朋友围炉吹水，可能真系外面太热，去到餐厅未有太多客。呢度出名食火锅，但都见佢有小菜供应，见到隔离枱叫了咕噜肉，好靓，好大碟，本想都叫但朋友话怕太饱，话下次先再试小菜。必叫呢度嘅花胶鸡汤，汤底超浓厚，饮晒个汤食埋花胶同鸡，再加汤打边炉，出品高质，新鲜，少有嘅高质素火锅，地方干净光猛，舒适，可以再去！有朋友不吃牛，店家体贴地用两格锅上花胶汤底，大家都食得开心。食饱埋单时，原来仲有雪糕送，打完边炉，再凉一凉，甜一甜，大满足！
继续阅读
☀☔全港笼罩住一股打风暴雨的气氛, 心情也跟天气ㄧ样。 👩突然接到朋友来电, 相约到大埔太和丰生水起火锅, 多次帮衬都ㄧ级棒, 好想再食,于是ㄧ口答应。 食左消暑冬瓜盅, 味道清香, 消气即散。 朋友系饺饺个friend, 试左招牌鲜虾云吞、韭菜饺、鱼皮蛟, 新鲜入味。 当然少不了新鲜蔬菜及柠檬薏米水, 真系夏日的必order的。食完餐美味火锅, 烦闷心情一扫而空 💓, 非常疗愈。 朋友冇选错火锅店, 美味食材相伴𣈱所欲言, 一乐也。😊😊❤❤👩👩
继续阅读
叫左个北海道牛乳海鲜汤底，d料同餐牌张图差极远。我同朋友差唔多食晒汤底料，汤底接近煲干，都无野上枱，唔明出碟菜同肉有几难。侍应有好几个，但系成晚都好似叫唔郁。一句讲晒唔会有下次。
继续阅读
一家人去食晚饭，叫咗好多嘢食，6个大人，四女两男，食咗$2700，其实都真系好多。但食完全晚大家都系想骂佢，讲真，$450/人，我去食日本餐会满足啲。我哋有叫小菜有打边炉。首先讲服务，系好勤力，但啲嘢做错哂我哋坐近厨菜出菜位，佢一张圆枱无转盘，上亲菜都喺同一个位明明佢哋有车仔，叫佢哋将啲边炉嘢放车仔，个阿姐就净系识得张啲嘢放上菜位，真系谂住我哋碟碟传黎食？食西餐呀？我哋系咁自己推入去中间，推到唔够位，叫佢放车仔，叫一次先放一次，第二碟再上又放返同一个位，根本张枱就唔够位。叫咗个菠萝咕噜肉，食咗一半叫佢转细碟，叫咗三次都系应完就算。到叫到佢转，佢又留埋个菠萝壳喺只碟到，佢真系觉得张枱咁大，有咁需要留个菠萝壳比我哋送饭？打边炉叫佢加水又系，叫几次都系应完就算，啲味精汤好贵咩？我哋全晚都系加一次啫。我哋打边炉有生嘢，有只匙羹放咗喺碟生猪肉到，个侍应唔知做乜走过嚟执嘢，张放喺生肉嘅匙羹放喺我哋碟蒸鱼到，之后我哋无人再食𠮶碟鱼，仲有大半碟剩。都唔知佢咩事，生熟分开佢系咪唔识呀？个匙羹放喺生猪肉到好明显唔系唔小心放错啦，就算系，你都唔系放落啲熟嘢到呀？之后讲嘢食。叫咗碟蒸斑同蒸鳝，先讲斑，唔新鲜，无乜鱼味，鱼肉唔弹牙，鱼肉、蒜头、豉油，三个味完全分开，个碟底劲重油⋯唔知咩事。蒸鳝个豉汁ok，唔腥，正常合格。但个鳝啲肉唔系弹牙𠮶只，系散𠮶只😢咕噜肉虽然系好脆，但系佢个皮都好厚，仲吸哂啲油，一阵油味。我基本上都咬走咗啲皮，食咗旧肉就算。虫草花蒸鸡，个献汁包实哂啲鸡，食落口浆实哂，又系一旧放弃。虾干胜瓜啲虾有沙嘅，食咗少少就唔想食佢啲虾干⋯火焰砵酒蒸蚝仲戆居，唔知咩事个蚝要炸咗再蒸，蒸出嚟一pat粉浆黐住啲蚝肉，完全搞唔掂。仲要无味，得少少酒味，无咸甜，唔知佢想我哋食啲乜😰个事头婆出嚟点火，仲要差啲烧着佢个茶壶😮💨玩唔惯就唔好玩呢啲嘢啦，我哋坐喺隔离觉得好恐怖😮💨佢点火之前完全冇谂住拎开侧边啲嘢，我哋都忍唔住出手帮佢搬开咗啲菜，估唔到佢烧着自己个茶壶。鸡手鸭脚咁，火又点极唔着，总之就吓亲人。叫咗胡椒猪肚汤，个汤完全冇胡椒猪肚味，普通味精汤⋯食咗一件猪肚，又系冇猪肚味，不过都估到，啲材料有味，个汤就唔会咁嘅味啦。手切肥牛真系好肥，一大旧肥膏𠮶只，肉得三分一左右。猪肉就正常啲，但两碟肉都系细碟。陈皮牛丸唔知咩事，啲牛肉苏到喊，我咬完即刻放返低，之后无人敢食。墨丸唔弹牙，唔知佢系咩墨丸⋯其他蔬菜类嘅生嘢系正常嘅，呢啲都好难错嘅。总结，$2700几食啲咁嘅嘢，我就真系唔会返转头，今次当比人呃，绝对无下次。
继续阅读