影片
静英英的街市平台、静英英的舖头，简陋的饭店，恶劣的服务，普通的出品 ﹗我想食打冷，又唔想行咁远，记得十几年前大元邨街巿平台有潮州打冷，撞运气行去望吓有咩食啰。发现依家只剩两三间旧式小炒饭店仔做晚巿，最终拣左最多食客既一间。食后感系第一次帮衬，亦系最后一次。话说个侍应姐姐态度恶劣，语调嚣张，朋友强调以后都不会再帮衬。其实朋友一向讲野无尾音又屈到死，自己唔知啫。佛掌瓜红萝卜猪骨汤，是晚例汤，味道似味精汤，因为我真系唔知饮紧咩，无瓜味无肉味。菜芯炒牛肉，出街食饭甚少点依味，突然脑海闪过咪 order 啰 ﹗香喷喷热辣辣，好有镬气 ﹗菜芯咁粗大都完全无渣，爽口多汁又鲜甜，好好食。牛肉炒得嫩滑，腌得入味，几好几好。 枝竹炆黄立仓，净睇相一定估唔到系咩啦 ﹗本来朋友想食大黄花鱼，但刚刚卖晒㖞，睇到食客们占一半已上都系叫鱼食。仓鱼鱼身被㓥左几刀，虽然系快熟啲，但系肉汁全部流失，不滑不弹，我最讨厌。鱼味系有，但干左啲啰，不过最后都只剩返棚骨，个味道几好。枝竹同个汁好好味，值得一试。
继续阅读