中華小廚

营业中

休息中

今晚係第一次入呢間嘢食飯，叫咗炒西蘭花、芝士焗虎蝦、麻婆豆腐、牛肉粒，有例湯，首先係碗例湯，熱辣辣還好飲，凍咗之後原來又酸又餿，第二係西蘭花，食到剩返幾舊先見到有塊報紙喺西蘭花裏面，同店員阿姐講，佢話幫我取消，第三，麻婆豆腐食到第三舊係酸嘅，雖然第一二舊未有酸嘅情況，但係都唔敢再食落去，第四係個虎蝦特別細隻，啲肉仲係梅嘅，總括就只係牛肉粒正常，食完牛肉粒我哋就埋單走（$350），走嗰時同阿姐講你啲豆腐酸嘅，佢話係天氣熱喎，我問佢點解仲俾人食，佢扮聽唔到，無人回應（趕住收工），呢間食店真係非常差，大家千祈唔好中伏

之前舊公司喺黃埔返左一段時間，今日工作上再黎黃埔幫手，周圍景物改變咗好多，多咗好多吉舖🥹🥹，又開咗少少新鋪😗😗，見到中華小廚仲喺度梗係要幫襯下啦！😚😚～～～XO醬豬扒炒公仔麵～～～好快！🤭🤭唔使5分鐘已經上台，豬扒有4-5塊中型size😏😏，有少少🤏🏻厚度☺️☺️公仔麵唔係好油，有啲濕潤，感覺有彈性剛剛好😋😋～～～紅豆冰～～～跟餐加$7改紅豆冰，正常好味😊😊雖然周圍環境變咗好多，好彩中華小廚嘅仲係之前熟悉茶餐廳嘅味道😘😘

打電話去嗌外賣講完地址仲有嘢問 但問都未問完就cut人線 落單態度又差 打返去再問轉左第二個人又大聲夾惡唔比人講嘢 係到搵藉口 已經試過好多次 大約有4-5次 真係真係好冇禮貌

橙紅色鮮茄醬汁，配上成個金黃色嘅芝士，做到拉絲效果之餘，食落有少少咸香味。再加上佢哋己經拆開一件件，啱晒我呢啲懶人。豬扒厚身，口感外脆內軟，配埋酸酸甜甜既鮮茄醬汁，非常開胃。名稱：中華小廚地址：紅磡黃埔天地百合苑商場(第9期)地下G12號舖

今日收工成家過去食飯 呢間係主要食小菜係呢一區係好多人過黎食既,晚市有時都要等位坐低叫菜,好快就一人一碗足料靚湯 老火蘿蔔粟米湯 飲落好甜好足料,成碗都係蘿蔔同瘦肉,煲到瘦肉都淋曬好好食時菜炒魷魚, 魷魚界花炒起卷成條蒜蓉爆炒食鮮香麻辣小雞煲 有3色椒洋蔥同蒜爆香,個醬汁又辣又麻雞件嫩滑多肉幾好食撈飯一流仲有招牌牛仔骨,煎到好脆,肉質好有彈性個汁係黑椒汁香辣帶甜唔死辣仲有一客豉椒蒜鱔,肥美肉鮮好嫩滑,唔會蒸過火CP值高味道佳既小廚餐廳中華小廚紅磡黃埔天地百合苑商場(第9期)地下G12號舖評分8/10平均消費$150

每年冬天必吃食物 點少得羊腩煲身為一個羊腩愛好者既我對羊腩煲少不免會有一點執著當天氣轉凍我就開始心癢癢要去紅磡一趟試過吾同餐廳既口味暫時都係中華小廚既羊腩煲最令我滿意 🤩。羊腩煲 (大:HK $238) (細:HK $128)好細心既一間餐廳普遍餐廳都只會推出一個size既羊腩煲而中華小廚 分別有大煲或細煲👍就算而家限聚令冇得成班fd一齊聚會叫煲細2個人食都吾驚食吾哂啦🤣羊腩真心炆得非常好 個汁香濃而不咸羊腩大大舊 肉質鬆軟 而不肥膩所有配菜吸哂d汁 超正😋好多朋友因為怕羊腩好騷所以一直都吾敢試但我想講中華小廚既羊腩真係一d都吾騷架😎介紹過好多朋友去試過佢地都話一試難忘食到姆指大動👍。整體而言 佢係一間茶餐廳 大家如果吾食羊腩煲都可以考慮試下佢地d小菜 都好夠鑊氣當中既梅菜扣肉都係小編愛好之一 😚。食物:8/10價錢：8/10環境:8/10。中華小廚紅磡黃埔天地百合苑商場(第9期)地下G12號舖

星洲炒米雖然係下午茶~但都食得出係即刻炒!好有鑊氣呀~而且仲好惹味添呀!好有咖哩味呀~~真係好正呀~~配料都好多,份量都唔少女仔食一定夠飽~下午茶只係HK$40幾蚊咋仲包埋熱飲添呀~真係非常抵!!!!推介比大家~如果想食到平價又好食既下午茶~呢間係首選~~!

好耐未去過黃埔， 見到有間小菜館，入去試下啦。 未到8點， 人少少， 唔洗等位一坐下， 叫4個菜2個售完即止， 例湯又冇。咁是但叫啦， 其實野食就唔錯， 叫左條魚，雞，小菜煲等等⋯但伙記真係不敢恭維，尤其是收銀阿姐，面窿窿像鑊窿，找錢時候竟然係掟錢， 甘唔鍾意做收銀， 點解仲做呢？ 做人真苦！ 睇番2018年的食評，原來佢地保持水準， 態度如一😤黃埔應該都係街坊生意啦， 竟然有一間餐廳響幾年間都有著不同的壞體驗， 仲生存到今時今日。

呢日想買外賣返屋企食晚飯係紅磡想搵中式小菜選擇唔算好多屋企人就推介試中華小廚(好耐之前堂食過,印象一般), 咁就即管再試多次啦！6點去到, 餐廳內食客較少, 服務員熱心招待我哋一共叫咗六個單點餸, 無買白飯諗住屋企自己煲飯算, 外賣自取仲有9折,埋單四百幾蚊。係附近行吓,等左20分鐘就拎得到時見到兩大袋咁誇張嘅, 原來餐廳送多4盒白飯同4碗湯比我地返到屋企啲餸仲係熱呼呼的,即刻開餐呢個貴妃雞有驚喜啊！本身就係見到櫥窗掛起嘅燒雞同燒鵝燒得好靚,比佢個色澤吸引而買, 果然冇令人失望。皮脆肉滑✨👍🏻啲骨又唔會好大舊, 啲雞點埋旁邊嘅甜豉油都唔會好鹹, 值得一試！四季豆唔會炒得太乾身加埋肉碎送飯一流平時都好鐘意食屋企人煮嘅酸梅排骨見到餐廳都有, 就叫黎試下睇下有咩分別一打開睇見似係咕嚕肉咁,食落又完全唔係咬落去啲汁杰到起膏,微微酸, 梅味唔重而且口感好怪,啲汁似係罐頭酸汁, 又唔夠酸同入味屋企人都一致認為麻麻地豆腐火腩煲質素中規中矩豆腐夠滑食落唔會酸腩肉肥瘦適中,都唔錯6款小菜入面最受歡迎最驚喜莫過於佢啲薯仔甜甜微辣好入味, 仲要係外層少小脆内裡好綿！好正牛柳粒好大粒, 出奇地一啲都唔韌, 唔

連續兩日係黃埔工作，Lunch都係食中華小廚，中午時段都有8、9成客，好彩兩日都唔洗等位！坐位算寬闊，地方乾淨！但講真之前都食過幾次真係冇咩服務可言，大排擋質素、大排擋服務！佢有樣幾得意就係有個1-31号午餐牌，日日都有六樣選擇，唔好期望會好好食！但勝在大件夾抵食，放得入口，頹飯一個！兩日都係叫左炒野貪佢有少少鑊氣！

係市區真係好難搵到好食既大排檔風味😂而黃埔區竟然有間👍🏻-環境好闊落～唔會坐得好迫～粟米斑腩飯$68✅超大碟～根本係二人份量黎😂抵食👍🏻✅啲魚比粟米汁浸住都仲食到少少脆口🤤- 菜脯肉碎煎蛋角$64✅菜脯味唔會處理到無哂味😆有鹹香✅有4塊🤩無諗過有咁多仲要每塊都好大下每個菜都跟埋白飯例湯🙌🏻個湯火喉十足😆如果想飲野要另外加錢～總括黎講中華小廚大件夾抵食👍🏻👍🏻行開黃埔又想食平價小菜不妨試試

好耐無食咖哩飯喇🤫 呢排口淡淡想食啲味濃啲嘅小菜，但又唔想食得太油膩😖 諗咗好耐就揀咗呢個咖喱牛腩飯🍛 簡直色香味俱全🙌🏻啲咖喱汁濃度適中，唔會太稠或者太稀，用嚟撈飯真係好正🤤🤤 除咗濃度，佢個味道都好抵讚，唔會偏甜又有少少辣味，好開胃👍🏻牛腩份量好多，淨係睇相都見到有5-6塊，仲有一兩舊筋位，份量十足😍 不過略嫌牛腩有啲硬，煮腍少少會更好😬 碟飯好大份，我差啲食唔曬，細食嘅你可以叫少飯😂😂

今日Lunch本身想去紅磡嗰邊食嘅，但無啦啦落大雨，唯有去返附近嘅茶餐廳醫肚算！是日餐湯係冬瓜湯，有四五舊冬瓜，不過就冇其他湯渣，連肉都冇，唔知係咪淨係用冬瓜煲呢，不過都幾好飲！聽講冬瓜具清熱利尿嘅功效，有助人體去除水腫，飲完真係有啲急尿，唔知關唔關事呢？我揀咗咖喱雞扒飯，佢嘅雞扒冇切細件，係原塊上嘅，所以食落唔太方便！咖喱味道尚算okay，係偏甜嗰種，完全唔辣！呢間餐廳係出晒一年嘅餐牌，基本上蒸、炒、煮、焗或者麵食、燒味都有、每日都有少少唔同，可以保持新鮮感！唔錯！

今日同屋企人係紅磡食晚飯，爸爸強烈推薦要去中華小廚，因為佢朋友話有脆皮豬手一定要食，仲有其他好多嘢都好好食。老人家早飯，六點半就到達，唔使等位，但係都有唔少人，坐左一個卡位，都OK舒服。貴妃雞啲肉好滑，值得推薦，脆皮豬手啲皮好脆，啲肉有啲鹹，都算好食，泰式魚同蝦，啲蝦好大隻，但應該係雪藏，一般。啲魚就麻麻哋，嗰汁似冬陰公湯，都係一般。送嗰個西洋菜湯反而OK，好多菜。因為係茶餐廳，張枱唔係好大，食嗰陣時要好趕，因為要清一碟等佢攞走。總體來講都OK因為唔貴。

一日之計在於晨, 工作之前食過早餐, 為今日打氣💪。星期六一大清早，己坐滿客人，街坊為主。雖然客人多，侍應由落單至上早餐， 效率快。奶茶夠熱不過茶味不足，蛋牛冶熱騰騰蛋味香。食飽飽係時候工作啦！蛋牛冶+奶茶