中村藤吉香港店 (已結業)

抹茶食品近年來都在港冒起得好快,其中村藤吉更是大熱之一,未到12點,已人龍長長的等,上次一點來,等到三點,小比受唔住打擊,叫走,今次我11點半多已來排,因今次排唔到,就冇得去,比人bad list,但都只是得到40號,而等了又等,點半終於有位,先來是店員提議的抹茶小食,似年糕的糕點,好重茶味,配合兩重糖漿來得,是焦糖和抹茶味糖水,甘得來帶甜,唔錯再來是喬麥麵,是冷食,配合日本豉油同一些配菜,幾清新爽口,也不會太清淡,同是有綠茶味在口中,唔錯再來是熱食腐皮烏冬,腐皮似壽司果種,甜甜地,吸入湯汁,好味,但綠茶烏冬就怪怪地,也不太似口常烏冬口感,偏淋,之後再叫了抹茶味牛奶湯配丸子,有點似紅綠豆沙加湯丸同豆沙,冇咩突出之後是甜點,好似叫京都三品,主要有栗子,綠茶蛋糕,豆溶,湯圓,加一些忌廉,同雪糕,充滿抹茶味最後叫多兩杯抹茶飲品,總結款式唔算多,但健康,以茶味為主,愛綠茶必要一試,但要早一個鐘等位,值得一試

一路念念不忘The One 個間.. 去到美麗華新店 話開到10:00，不過我地9:03分到.. 截單cut 人 唔俾入了.. 大家要注意啊於是我地去對面個間食take away la綠茶雪糕 香濃 奶味同綠茶茶澀味都唔重大大粒白玉煙煙靭靭 紅豆香甜唔會硬軟雪糕細滑有咬口 個人比較鍾意兩種茶味混合 好豐富香滑軟雪糕 配上好fresh 既冰凍綠茶新鮮綠茶 入口茶味香濃 啖啖回甘 好舒服同雪糕細滑既一點甜 融合成清新美味

激死，本想坐下慢慢嘆，但等了二十分鐘，決定放棄，好似冇食客走的，點等呀，唯有落去食杯ice-cream算。拜拜， 忍著淚說goodbye。落到楼下，人流不多，裹面除有軟雪糕買之外， 還有朱古力，海綿蛋糕，茶葉等。服侍都幾周到，有濕紙巾，乾紙巾， 任用吾嬲，好大方呀。吾好以為咖啡色是朱古力味呀，是焙茶味呀。但由於我喜歡食綠茶，所以選了一個綠茶雪糕。53 元。好貴呀。但好有綠茶味，甚至有少少偏苦澀味。两粒湯圓好軟棉棉，由於湯圓無味，一定要同紅豆和綠茶雪糕一起吃才算一流。 不要把雪糕吃完才吃威化筒，因會變淋的，所以吃1/3雪糕，就吃1/3威化， 再吃1/3雪糕, 又吃1/3威化，這樣食就最perfect了。

中村藤吉係香港嘅第一間分店係尖沙咀The One商場，一心諗住熱潮過後會冇咩人排隊，所以約埋朋友去食。點知原來The One 店經已搬遷到美麗華商場，但美麗華商場三樓嘅茶室仍在整修中，唯有去住中村藤吉雪糕店先啦！由於兩個味道都想試就叫左宇治金抺茶+焙茶味（$53）有點失望，不夠濃厚及軟滑另叫了一杯中村茶（$28）有驚喜！味道回甘，濃濃嘅茶香店員會提醒要等十分鐘才可飲用，茶味更出若可多沖一杯更好，飲到一半有點太濃下次要去茶室，若要等熱潮慢慢減退，可能要等幾個月後才可光顧😅

宇治金抹茶軟雪糕 + 培茶軟雪糕 🏻_上次試左佢抹茶味!今次試埋佢培茶味!嗯,雪糕好快溶呀!雪糕份量好似小左同埋mix埋一齊食,好似食唔到培茶味咁如果再揀多次..我諗我只會食抹茶味

Queued up at the dine-in store for 1.5 hrs... just to learn right before we were seated that they ran out of mochi (both flavours), all parfaits, and hojicha flavored ice cream for the shaved ice bowl. Therefore we surrendered our stub and headed here instead. It is a 5-minute stroll away from the dine-in store. I got this "parfait" for $53:Consists of:- 1/2 c. matcha + hojicha soft-serve swirl ice cream;- 2 glutinous rice balls;- ~1 tbsp. sweetened, grainy red bean "paste"; - 1/2 c. sweetened r

排隊排兩個鐘，未見官先打八十。照住餐牌叫杯熱甜綠茶， 俾左第二杯野我，我問待應點解， 佢話個餐牌錯既！一杯變成了一碗， 甜到爆炸既綠茶， 淨係飲到糖味，飲晒既話肯定糖尿病發！另外叫左個，其實係四片蛋糕仔， 加一球綠茶雪糕，再加多幾粒無味的丸和又係甜到爆炸既紅豆漿。埋單$166，這個價錢，換來等兩個鐘，食啲連普通糖水鋪都不如既食物，仲有咁長龍排隊， 香港人，我服左你地！！！

因為喺日本宇治中村藤吉潮過聖，而佢地喺香港剛開店時熱潮實在太瘋狂，所以等到今時今日無咁多人排隊先至第一次來到食綠茶雪糕。另要申利：原先係想帶個朋友去食另一間的綠茶焙茶雪糕（食過屯門分店check 到尖咀都有），但去到星光行誠品先發覺閂咗內部裝修，所以先行返去美麗華試呢間中村藤吉。八掛心理下，叫返綠茶焙茶雪糕直接比拼一下，睇下有無另一間咁好食...雪糕：失望（無比較或無期望其實都OK的）。特別係焙茶唔夠香，比起我食過的另那一間味道淡太多了！食咗大半杯先感到味道出一點。綠茶雪糕亦無乜特別，不過不失。紅豆：都夠稔的，正正常常，但食雪糕呢嗰只係配角雪糕筒：食食下，下半部比雪糕整濕咗，稔稔地唔好食。潮聖，都係去返日本正店潮聖好過了

前文提要下，同老友晌Chibee Chicken and Beer尖沙咀新店嘆完炸雞同部隊鍋之後，意猶未盡，近近哋嚟到中村藤吉（外賣店）再嘆番杯軟雪糕 。事後先知佢哋嘅新店啱啱晌美麗華商場開幕，不過，只打算食杯軟雪糕，其實邊間都無所謂。之前睇唔少食評都話要排幾個鐘先一嚐其美味，香港人就一向喜歡趕朝流，部分人目的就喺要打卡、呃讚。今晚嚟到，唔好話要排，直情睇啱買乜都唔使同人逼、同人爭 ，補充一句，此時此刻喺星期三晚9:00pm，只有三幾組客，個個都只喺買雪糕，連其他產品都無乜點留意吓（包括小弟），一心只喺慕名試試其抹茶雪糕 。收銀機前嘅兩個餐牌，就印齊多款凍熱茶品及雪糕（抹茶 / 焙茶 / 混合），詳細就唔抄一次，睇相清楚晒。況且，雪糕更有仿真模型做參考，更一目了然。 宇治金抹茶 + 焙茶軟雪糕 $53 心理上，梗喺兩溝着數啲。個窩夫筒夠巨型，又脆口，不過，軟雪糕就唧得唔算滿，雪糕尖緊緊到筒邊嘅高度，而且，一送到上手已經有啲溶溶哋嘅狀況 （註：感覺室內喺夠冷氣嘅），幸而，雪糕柔滑細膩，既有奶香，又有兩種茶味，抹茶味甘苦而細緻，焙茶味甘香有餘韻 ；紅豆蓉亦都清甜不膩，綿綿有

今晚約左朋友交收！熱死辣辣梗係搵凍野食下啦！去到鋪頭唔駛排隊！正呀！雖然價錢唔平！但日本野有保証！唔會差得去邊！今次我覺得係衰貪心！我地唔應該叫兩杯扭紋！每人一個味會好d！原因...食唔出乜味！哈哈！單食綠茶係好正架！但焙茶味唔濃！我諗係因為綠茶濃左 😂😂 同行朋友話佢紅豆好正！可以買番屋企就好喇 😂😂 咁好明顯係冇得買啦！丸子都好好食！好彈牙！麵粉味好重好香！值得再提既係...一入到鋪已經好香綠茶味！因為地下有幾部炒茶機...令到愛綠茶既朋友暈得一陣陣 👍🏻👍🏻 仲吸引到顧客買茶！好高招 😏😏

見到這大熱甜品店開了新的外賣店，不用排隊，立刻同hubby 去試試。這芭菲杯是最基本的那一種，底部有脆米，中間有雪糕而頂部有紅豆茸和丸子。煎茶雪糕很甘香，綠茶雪糕香滑而帶回甘味，配上甜蜜蜜的紅豆茸增加口感更好味道。意想不到脆米的米香同這雪糕這麼夾！非常好味又無負擔，脆脆米的口感令雪糕更香同更有層次！推介！

雖然話都已經我個人都咁大歲數喇，具體年齡無可以透露哈，但系我居然都未試過系中村滕吉度食過野，價平野正，咁遲先見識到真系好遺憾。見到menu上邊嘅生茶啫喱好似好好味，個樣又好正，就試咗一下喇，好在我去得比較早，味道上可以品嘗到澀味，應該系茶嘅原因，所以咁樣生茶嘅感覺好濃烈。食完生茶啫喱之後就覺得啲茶味好正，就繼續食咗一個焙茶雪糕，真系幾多人排隊嘅，要有耐性，同生茶啫喱相比嘅話就更具有香濃嘅茶味，價錢唔貴，凍凍啲非常之適合宜家嘅天氣，甜甜啲又好好味，女仔都系鐘意甜嘅，邊食仲可以欣賞一下窗出邊嘅美景，唔錯喔

話說星期二去中村食全焙茶口味，到手時覺得大杯左，轉了木匙賣相又幾靚。懷著興奮心情品嚐第一口，為何味道這樣淡、太冰冷又多碎冰粒？我們猜是否不是抹茶加焙茶口味的分別，以及個脆筒又甜左。如是者今晚無意中經過，決定再試一次，結果是抹茶同焙茶味道都比之前淡，不過已經比上次全焙茶味道好得多，為何未能好多保持水準。美麗華3樓開茶室 (13/6)既時候，我會在堂食試下~俾個機會佢...

Matcha and Hojicha Soft Cream | 宇治金抹茶 + 焙茶軟雪糕 $53天氣好熱就要食雪糕！外賣店其實都有好處 至少不會太多人 等一陣就有得食杯裝會有脆米係底 雪糕質地非常易溶但味道係不錯既 奶味不重 質感creamy 反而覺得紅豆太甜 丸子也有點無謂😂感覺很overpriced 有單售雪糕就好了

個個都話依間正，一向唔鐘意排隊既我，都要暮名而來，排隊都要親鬧黎試試。日本風格都係比較整齊別緻，重視視覺得享受，務求就到色香味俱全。抺茶軟雪糕 - 有抹茶雪糕加威化、小丸子、紅豆蓉、抹茶啫喱。小弟最後採用漢堡包式食法，其實依個先係最好食既食法，外脆內軟，加埋啲紅豆蓉小丸子入去，又甜又有得嚼，衰側粗魯啲，但我堅持依個食法。另外個抺茶啫喱都好有新鮮感，第一次見第一次食，唔錯唔錯。