中八會館

营业中

休息中

原本見有報導唸住試下，12點45分倒到見只有幾枱，點菜比錢，點知職員掉嚟問我點咩飲品，我回覆點咗熱咖啡，佢話要加錢，我話知道並已付款，職員check都唔check就話我冇要補錢，攪一輪餐廳之前收錢嘅職員先確定我已付附加費先上咖啡比我。之後等咗20分鐘我問職員有未時間有啲趕，職員就hea覆已催就到(但冇入過廚房)，之前再等10分鐘，我話我冇時間食可以check下廚房，？職員先去問，再過十分鐘(由落單到呢一刻已經過咗45分鐘)我就話我已經趕唔切食晏啦，著職員退錢算。職員就話我飲咗咖啡要扣返$18，我火都嚟不過都算因為趕時間，職員又攪一輪話唔知點退，最後一個老闆似嘅女人岀嚟道歉及退回全數。

之前飲過一次咖啡覺得幾好飲，今次再過嚟有埋午飯，試咗個泰式豬肉拋蛋飯，放低嚇親咁大碟，$80幾蚊包埋嘢飲，冇加一！辣到啱啱好，唯獨美中不足個煎蛋唔係流心係熟晒，真係食唔晒，問佢哋有冇外賣盒，竟然話冇貨😑😑下次可以同同事share一個飯，另外叫個甜品。堅隔籬枱食個意粉都好似幾正常，又係好大碟，好似人哋出邊Cafe仔兩碟嘅份量有時lunch行去碼頭吹風，都幾舒服，呢度地方夠大，唔會好迫。不過可能放緊復活節假，好多小朋友喺度有d嘈

餐牌完全冇價錢，個飯嚟到同食屎冇分別啲飯一舊舊又硬嘅，好似就咁用微波爐叮乾晒出嚟就算數，呢個海南雞飯可能係我世界上食過最難食嘅一個，$88包一罐可樂唔係問題，但係唔好咁過份呀個飯，啲雞就好似隔夜咁樣諧霎霎。。。。。。。。。。。。。。。。。。。。。。。。。。。。。。

這間餐廳充分發揮香港維港獨有景色，180度維港景色盡入眼簾，拍拖、商務會議推介好去處！交通十分便利，就在天星碼頭黃尖沙咀方向的7號碼頭旁邊，這裏可算是私隱度高但交通便利的餐廳。最重要就是菜品選擇多，這裏以東南亞菜式為主，推介就是泰式沙蝦及沙律，食物可以選擇位上，而且餐廳經理很好人，上次和幾個朋友去他還請了我們飲特色泰國飲品，而且賣相非常好，值得推介！用餐以後還可以選擇泰式甜品，喜歡這裏甜品不是太甜，比較適合現在都市人，用餐以後在這裏離開也十分方便，可以選擇天星小輪或者樓下就有的士站！

朋友搵的泰式私房菜，環境地方同食物都好靚，不過好難搵，好少去嗰頭，喺海防博物館樓下。最好食係個海鮮冬陰功，好多材料。個芒果糯米飯正常 ，豬頸肉都好食，串燒就普通。係收得有d早.10:30左右就收工。但係有得book房，好啱一班朋友想私隱度高。朋友呀低消係每位$400就得，見佢哋一個職員招呼一間房，服務都可以。另外有個花園可以睇晒成個維港，夜晚好靚。個經理話如果撞正放煙花喺西九都睇得好清楚。如果有機會下次會book睇煙花