影片
以上资料只供参考，请与餐厅确认详情
虽然系热辣辣嘅天气，但系对于串烧仍然有一种不可抵抗嘅力量。路过长沙湾呢条食街见到有一间专卖串烧嘅小店，所以就去咗帮衬。见到佢有唔同嘅海鲜推介，而且店员亦会出嚟推介下边一啲海鲜好食。而且佢哋都会有是日优惠，当日我嘅是日优惠就系牛肉串烧买一送一，所以我就嗌咗牛肉串烧，除此之外都嗌咗烧蚝同埋烧茄子。当日烧生蚝嘅价钱系48蚊两只，但系师傅话因为见到啲生蚝比较细只，所以就决定送多一只畀我食，感觉佢哋都算系货真价实，另外烧茄子方面见到佢哋真系即叫即烧，仲要茄子有我半只手臂咁长。漫长嘅等待之后再食嘢嘅时候生蚝烧得啱啱好，唔会烧得变得好细只同好干，而且蒜蓉嘅加持下变得更加香口。牛肉串烧略嫌有啲干身，不过可接受，烧茄子就系最令人惊喜，不但系佢嘅份量，而且佢烧嘅火喉同埋时间啱啱好，所以茄子唔算太㶶，差唔多成个茄子都可以食晒。师傅十分友善，下次可以再食过！
继续阅读
用心高质串烧舖 老板烧得好有心 超足料 又会问下我地食完感受 羊架同厚切薯仔片都好好味！！男朋友都话好好味好挂住！特登出去长沙湾食！难得有心嘅店舖！秘制串烧粉同蒜香真系唔系其他舖可以食到！
继续阅读
上星期经过呢间新开既小店见到有5款串烧买一送一价钱即系只需要几蚊左右觉得唔好食都好 都叫抵食咁就叫左牛肉串，猪颈肉，翠玉瓜黎试味(小麻&小辣)个人唔太食得辣当我食既时候 调味料好够味 肉质相当唔错 完全喜出望外 达致串烧应有既条件 当时已经萌生找天再光顾既谂法但可惜第2日已经顶唔住 所以决定买多几款串烧试老板都好有热诚咁介绍几款串烧，服务态度良好我个人最推介系猪颈肉，茄子，牛仔骨，(鸡颈肉几特别既食品)。唔多影相既人，冇相比总之赞赞赞
继续阅读
放狗行过，发现开咗间新嘅烧烤店，虽然平时好少食烧烤，但系闻到咁香嘅烧烤味，都忍唔住停低试吓新野。店东好有耐性咁介绍有啲咩推介，话墨鱼咀、蒜香茄子、猪颈肉等等最多人叫，仲提我记得试吓小麻小辣，开头谂住嗌几样试少少，点知越食越停唔到口要疯狂追加，只麻味辣得好过瘾。少店东虽然系后生仔，但系feel到佢整野食好有heart，仲特登问我觉得啲食物点，而家已经好少有老板咁关心客人体验。特别推介大家记得要点蒜蓉茄子，材料新鲜、味道浓郁，好好彩嗌到最后一条。以后唔使再担心夜晚谂唔到食咩宵夜啦
继续阅读
前两日见到做紧买一送一即刻同男朋友试吓味叫左小麻小辣 真系100%惊喜！之后我哋等二日即刻买劲多嘢食见到师傅好有心烧个茄子打开外卖盒当堂哗一声好香啊！落咗好多蒜蓉 我哋连皮都食埋另外牛肋肉油脂分布好正 劲香鸡翼系界开咗 唔知点解好多汁 夹埋麻辣好正同埋羊架个味道$38好抵食孜然味超重 一啲都唔干身老板娘推荐埋我哋叫必食牛仔骨一咬落去阵阵酒味 烧得少少㶶边好正总结个味道好上瘾 好想疯狂再食等得唔耐又好食价钱又街坊 下次一定会再叫朋友食
继续阅读