影片
平安夜去食野, 早已作订位, 落订, 去到唔理人, 讲左几次订左位都无人理. 餐每位近$400, 订两位, 有一个棷青翅, 龙虾/ 牛扒, 一个饭, 一个沙律, 一个甜品, 一杯野饮. 坐低半个钟都冇野到, 但突然来一个饭, 一个沙律同一个翅. 记住系每样一个.翅我女友食左, 我就同女友等等…个沙律由冷变暖, 个饭由热变冷.再有野上枱时已经系一个钟之后, 但都只系上左一个主菜–牛扒. 个牛扒系用100% 盐做既, 而且仲系冻既, 真系令我前所未有咁高兴. 我叫个侍应换左佢, 竟然第一个回应系…“要再等多一次, 好耐嫁㖞!”. 我觉得佢好关心我, 不过我都系要换, 而且同时作出过夜既安排. 过多半小时, 有个我认为系大虾, 而个侍应叫佢做龙虾既东西放左喺我枱面. 我叫另一个侍应问问系唔系真系龙虾, 佢既回应系…“错左! “, 就拎走左只大虾.再过多一个钟, 所有野都上晒, 每一样食物都好差. 不过啲垃圾都应冷既冷, 应热既热, 可能系因为好多人都走左啦, 间野终于可以整一啲温度正常既野.用左3个钟, 成千蚊食左啲垃圾, 真系冇野讲. 最后, 东仲想charge 我之前讲过既大虾, 真系…$#&*$. 以后都唔会去, 更在任何情况都唔会俾订金, 至少走都唔系损失太劲. 有呢啲餐厅, 真系香港既不幸.
继续阅读
星期五中午, 同几个同事揾食, 嚟到门口睇过set lunch 餐牌后, 决定一试, 叫了泰式辣肉碎汤米, 咖哩牛腩饭, 海鲜炒米, 扎肉汤金边粉和青柠柠檬茶.泰式辣肉碎汤米–个汤底是冬阴功, 唔系好辣, 汤好香浓, 米粉真系好幼有口感, 正呀!咖哩牛腩饭–因我没有食, 所以没有评语, 同事话唔太辣, 牛腩冧 .扎肉汤金边粉–味道不错, 不过食到其中一块扎肉有沙, 餐厅须要留意食物质素.海鲜炒米–唔太油, 个汁美味, 如果多点配料更好.青柠柠檬茶–好香青柠味, 因而盖过茶味. 间餐厅有一部plasma 电视和一部细电视机.食完我o地都一致认为此餐厅可放priority.
继续阅读