影片
今天一早去红磡某大酒店办事，去东门冰室食早餐，刚进去便遇到一个老廋的侍应呀姐凶狠的眼神和恶劣的语气，叫了早餐，有火腿通粉，牛油方饱加热华田，38元，都算贵，因为是装修颇残旧的街坊老店，食完通粉但方饱仍未到，见后到的客人点的三文治都到了，便问了问，自问都客气，回答我的男性员工也正正常常地回答我，但呀姐又再用凶狠的眼神怒视我，之后出去水吧比钱，另一位男性服务员收钱时都很有礼貌地说多谢，不明白那位呀姐有什么问题，食物味道几好，火腿煎过几香，但可惜也不会有下次
继续阅读
第一次在红磡食咁难食又贵的早餐一般在红磡早餐唔使$40呢间在曲街老字号要这价钱我要双拼面，阿姐话出前一丁要加$3，我话要番餐牌的公仔面。阿姐话是福面。我最憎食福面。我话公仔面就是公仔面，唔系福面。最后我要通粉。我讲了两次双拼要鸡翼和红肠她同厨房讲鸡翼和忘记了。我唯有大声提阿姐估唔到通粉汤底一啲唔好味。鸡翼正常味。红肠用蒜蓉酱捞过，是少少特别套餐一块面包，都叫饱肚
继续阅读
平时好少过嚟红磡， 一朝早喺OpenRice度想揾间茶餐厅饮杯奶茶， 咁啱揾到呢间”东门冰室” ， 店入边座位唔多 ，但胜在户外户外都有位，方便睇车或者呼吸🚬嘅朋友仔。 同埋店入边可以写纸字，啱晒冇安心出行嘅朋友。坐低就search一下呢度有咩好食😋 当然都有左望右望睇吓旁边啲人食乜嘢， 发现之前推介嘅鱼饼或者牛肉都唔错， 虽然蛋牛面只得散叫冇套餐，但都想试一试。 落完单之后，大约5分钟左右就有得开餐啦， 蛋牛面加送两条生菜 🥬， 诚意十足，牛肉都算足料，同埋真系有腌过炒过，同一般早餐嘅沙爹牛面完全两回事。 奶茶方面我一向唔饮冻饮， 热奶茶正正常常，正宗旧冰室奶茶☕️埋单之前冒着生命危险影咗张相😆 好在阿姐睇唔到 🙈🙈
继续阅读
之前老板娘因年事已高打算错景但最近有新店主接手所以旧式茶餐得以保留继续。知道餐厅要继续营业即去试吓，奶茶及招牌墨鱼饼牛肉面都一样咁好味，还有秘制鸡翼都是不可不试的美食！
继续阅读
虽然喺尖东附近返工，但甚少去红磡一带揾嘢食，可能心底里对于「大酒店」云集嘅呢区，有一点点忌讳。早前《苹果》报道，大酒店后面嘅曲街隐藏一间老牌冰室——「东门冰室」。餐厅虽屹立半世纪亦有口碑；但老板娘年事已高，仔女唔愿意接手，只好忍痛将冰室于明年关闭。向来有铺「老牌茶记瘾」嘅我，见到报道后，午餐立刻起程试一试。中午一点嚟到，门外排咗五至六人（唔知系咪见到报道嘅同路人呢 🙊）姐姐知道门外排队嘅客人大多系时间紧迫嘅打工仔，先帮我哋落order，再叫厨房立刻着手准备。「炒牛𫠒鱼饼菜米，冻奶茶走甜啊，唔该！」我之前做咗 research，将出名嘅配料讲出嚟。「阿妹～菜唔洗讲都一定俾你，炒牛、𫠒鱼饼卖哂啦，不如食猪扒，猪扒都好食㗎～」姐姐回应。「猪扒太阳蛋米啊，唔该！」餐牌其实并无写上咁样嘅配搭，但呢类旧式茶记有材料嘅都可以为食客做出来，唔洗跟足餐牌咁死板。眼见其他食客亦视墙上餐牌如无物，自由配搭喜爱嘅配料、面食。不过，其中共通点系「煎猪扒」，几乎每位都点。餐厅保留六、七十年代港式冰室嘅装修；格纹地砖、旧式大背脊电视机、挂墙日历，带著岁月嘅痕迹。喺开放式厨房内忙过不停嘅老婆婆，就系传说中嘅老板娘。=========================◊ 猪扒太阳蛋米（包饮品）＄40期待已久嘅面送到！猪扒切薄煎香，口感唔算软腍，但颇有弹性，唔系被「松肉粉」腌得太耐、过腍嘅质感；猪扒入味，食得出姜汁、豉油、胡椒粉等腌料，似家庭式制作嘅味道。太阳蛋煎至微微脆边，中间蛋黄依然晶凝、dun dun吓。果然，姐姐真系俾咗唔少生菜；生菜即叫即灼，食得出爽脆。◊ 冻奶茶奶茶茶味香浓，茶底带回甘餐厅营业时间到两点，眼见许多食客都喺收工前赶到。帮衬嘅食客，大多系熟客；食客自动揾座位，姐姐亦自动将食物送上；老板娘同姐姐之后更攞出私伙蛋糕，一边品尝，一边坐低同客人倾偈。港式老牌茶记，大多缺乏新净企理嘅环境，亦没有舒适嘅座位；只系用上简单嘅材料、简单嘅煮法，加上热烘烘嘅人情味，足以令食客感受到食物嘅热度、人与人之间嘅温暖。=========================东门冰室📍 红磡曲街16号福家大厦地舖
继续阅读