影片
食记 (23)
就嚟过年，就同家人一齐出去食晚饭。平时多数嚟呢度饮茶，今次就夜晚嚟食团年饭，估唔到都唔错，嘢食新鲜够镬气，最紧要系唔太咸，又唔使限时交枱，食完可以倾吓偈。我哋𠮶晚食咗1. 白灼虾: 新鲜，热辣辣，仲要大只爽口2. 煎莲藕饼 : 干身唔油腻，仲有咸鱼香味3. 乳鸽 : 佢有炸乳鸽同埋卤水，我哋要咗卤水，好入味又滑4. 盐焗鸡 : 半只都几大碟，点沙姜食一流5. 椒盐鲜鱿 : 非常惹味好送饭6. 家乡豆腐 : 正常味道，啱老人家食7. 大班两味 : 有炒球同埋蒸头腩，即㓥即煮，只系鱼味淡左啲。。。食完仲有饭后甜品(雪糕或芒果布甸)送，正👍
继续阅读
听闻呢度有好多怀旧点心，好想试佢地个炸鲜奶，不过迟左去变左食晚饭，两个人食左4百几蚊，d姐姐好nice食完饭仲送左饭后甜品，有绿豆沙 马拉榚 芒果雪糕 同 细个好钟意食既芒果布丁！！！！
继续阅读
最like东苑蒸饭平靓正，牛肉饭有只流汁荷包蛋跟，仲有金菜肉饼饭都好好食。虾饺有5粒虾爽配豆瓣酱好食 #次次必叫咖喱蒸土鱿，咖哩汁似放lunch传统港式咖哩 #蒸鱼云系大鱼头新鲜好食，超级抵食。 元朗传统街坊老店真系冇乜几间要珍惜。 睇到openrice 留言，话佢哋招呼唔好，我又唔觉得㖞 ， 叫佢加水攞嘢都好快， 地方细细最紧要水滚茶靓。 如果你攞佢同美心比嘅，我觉得佢呢度好食，咁嘅价钱畀足料你，同埋美心d服务员你叫佢斟水都唔show你， 净系理佢啲熟客，畀钱佢哋𠮶d人一定好快手斟水比佢。
继续阅读
同另一位留言一样，俾位其他人都唔知点解唔俾你，但见到有吉枱，问只系只系话未有位，唔钟意可以唔等。环境亦非常旧睇落亦不太干净。所以最后去咗翠湖酒家，多谢佢地既不知所谓态度，反而揾到间好食既酒楼。
继续阅读
到咗门口我哋取咗飞等位，一会四个出老板问几多位佢哋答四位，即时有位入坐，我就行埋去问点解四位有三位冇，佢答我大枱黎，咁我问点解我哋唔坐得，佢话订咗枱，我话明明听到你问几多位，我话要公平先啱， 跟住佢用好差既态度对我讲咁而家叫佢哋出黎畀你坐你坐唔坐呀! 咁我话你做生意态度咁㗎 ，跟住佢就话我做生意定你做生意呀! 之后有人出嚟劝交跟住我就唔食走喇， 其实帮衬咗好多次， 之前好多人排队等位 今次去到得我哋喺度等 可能因为咁嘅态度所以冇晒啲客，真令人失望应该唔会再帮衬
继续阅读