影片
服务唔好 食物质素差 唔系应该系衣城出现嘅级别 是咁的 上年同屋企人食饭, 周围冇位, 老母想食中菜 咁平时都有去开太子个间东海 都ok 好食 点知一坐低 冇人理你 几台人叫写野 得一个呀姐, 叫野食乜都话冇 态度又麻麻地, 最pk 系一碟鱼肉蒸乜乜 啲鱼有一大阵化学味, 以后唔再去
继续阅读
从来冇去过咁差既酒楼！去到茶楼，壸普洱一倒出黎劲淡色，而且淡而无味。因为我迟到既关系，仲以为系泡左几次所以先咁淡色，后来先知我饮既原来系第一浸茶。好明显用旧茶包扮冲新茶，非常呕心！后来同茶楼职员讲，佢首先话系放错茶包，然后闻一闻佢都话系用旧茶包冲既普洱，换左壸用新既普洱俾我哋，呢壶当然有色有味，我更加肯定𠮶壶系用旧茶包冲既。虽然有道歉，但做饮食做到咁无良心，真系好差。肯定冇下次！
继续阅读
接男友收工，来这里晚餐。EEE，有好多特价菜，最重要有男友最爱的蒸鱼而且138元就二话不说入来了。再点一个南乳斋煲就够了，斋煲也是88元。斋煲卖相其丑，但味道很浓，南乳很香。龙趸蒸得少许过火，还可以。东海来说，是日价钱取胜。
继续阅读
同屋企人饮早茶...周六既关系...怕要轮号等得耐, 但今日9点半尼到, 4人枱即时有位㖞!! 仲可以安排到近落地玻璃既开扬位置…醒神啊!!东海都尼过好几次…环境OK, 职员服务都有礼…食物方面, 传统点心如蜜汁叉烧包 $26晶莹鲜虾饺 $36 都系合水准之作, 冇乜闪失!!今次特别推介有:腊肠蒸滑鸡饭 $20 (早晨特惠)…香喷喷热腾腾!!...鸡肉嫩滑、腊肠切薄片易入口!!…饭米企身好o赵头…仲要系特惠价!!...好抵食实在!!卤水豆腐伴火腩 $55…腩肉嘛!! 择肥而嚼!!...卤得入味! 送口白饭或美酒更乐也!! 更要赞o既系个豆腐…外脆内嫩!! 跟肥腩肉平分春色…谁也抢不到谁的风头唷!!合桃叉烧酥 $30 …就是合桃酥夹著叉烧馅!! 合桃酥脆, 甜中带小咸…几可口!! 觉得比传统叉烧酥好味添!!而以下两样点心…就觉得下次无谓叫了!!!葱花炸两肠粉 $36….手拉白肠粉 $30肠粉吾系特别白滑…豉油好似混水一样淡口冇味…随便揾间粥面舖做得好味过佢绝非难事耶!!...收三十多元一客…吾抵食!!茶钱 @$12
继续阅读
虽然喺小弟嘅生日饭，姨仔亦话随我拣，不过，食乜我又无所谓，但求揾个机会一家人聚聚，又就番舅仔一家，专登走过去青衣𠮶边，话晒佢哋有小朋友，就一就佢哋都无所谓。青衣城就最就到所有人，可是问咗几家都分时段，最后，订咗无咁旺嘅东海，轻松坐几耐都得。环境就唔多讲，传统中式酒家嘅格局，枱与枱嘅密度一般般啦，至少埋边位唔会出入唔到，楼底又高，空间感算强，所以，喺几好坐。而且，人手足，侍应跟餐枱数量比例平均，唔会揾极都揾唔到侍应，兼几好礼貌。隔日同朋友行完城门水塘，再落荃湾千色汇间富临，个场大到可以摆30多围，但侍应就见只得三几个，睇佢哋做到踢晒脚之余，仲一肚火嘅服务态度。虽然佢哋有个主餐牌，但见张「快速」点菜纸都有嘢啱食，况且，我哋嚟东海都无话特别想试乜，所以索性晌度一次过点晒啱食嘅菜式。海底椰雪梨煲大尾鱼 $138其实佢喺是日例汤嚟，却喺大家全晚最欣赏嘅菜式，因为够火喉，入口又润，饮落无味精，的确值得赞佢。汤渣另外碟上，以证明真材实料。茶树菇黑椒炒牛柳 $108黑椒炒就一定喺惹味啲，所以，道牛柳用嚟伴饭就一流，而茶树菇又喺健康有益嘅食材，炒出有啲油，喺美中不足之处。大花尾趸两味 $298先上嘅喺果皮丝蒸头腩，话虽头腩，但得堆骨，鱼肉好少，最致命喺完全无果皮香，成碟头腩摷匀得几丝果皮丝，心谂：唔使咁悭呀嘛！翡翠炒斑球碟斑球就似样啲，伴西芹好吖，降吓血压嘛，斑球亦炒得嫩滑，不过，份量真喺偏少。四季豆粟米炒秋葵 $88粟米，仲以为喺粟米粒，原来喺珍珠粟米，加上四季豆、秋葵，下酱油唔多，爆啲蒜蓉嚟炒，喺一道简单而颇健康嘅菜式。瑶柱蛋白炒饭 $98白饭$12碗，与其叫三几碗白饭都几十蚊，舅仔话不如炒个炒饭，餐牌就无列炒饭出嚟，但大路嘅都可以做到。无乜瑶柱又无乜蛋白，占大多嘅都喺翠玉瓜粒同葱粒，只可以讲个饭炒得够干身，但𩠌料确实少得可怜。家人知小弟甚好甜品，所以， 怂恿我点都叫啲甜品试吓，过个甜蜜生日，故随意点咗以下几款。香软麻沙糍 $26即喺旧时叫开嘅雷沙汤圆，热辣辣，外皮软糯，芝麻馅够香，做得几好食。杞子桂花糕 $26落咗好多杞子，又充满桂花香，件糕嘅质感爽爽哋，夹起又唔会轻易散开，做得有水准。特浓朱古力慕丝蛋糕 $28中式甜点做得好，件西式蛋糕会喺点？虽然无问，觉得似来货，但朱古力味好浓郁，慕丝柔滑，不过，无谂过喺咁细件，两啖就无咗，哈哈！茶位收$12个，另例牌收加一，埋单九百五十几，唔算贵，亦唔叫平，但以质素而言，就唔算好抵食。嚟东海食饭担唔担心中伏，如果当佢街坊酒家，无太大要求，应该都唔需要太担心嘅！
继续阅读