東海堂 (創紀之城一期)

营业中

休息中

🍈🍈🍈🍈🍈🍈🍈🍈公司今日下午茶 買左好多東海堂切餅 cake 🍰🧁生果撻🍏🍎🍐🍊🍋🍌🍉🍇🍓🫐🍈🍒🍑🥭🍍🥝🍅，栗子🌰撻～ 我簡左蜜瓜💚估唔到又幾甜 幾好食🫶🏻🫶🏻🫶🏻

北海道牛乳炒蛋火腿三文治($16)部分東海堂分店早餐時段有賣北海道牛乳炒蛋三文治，有三個topping可以揀，有火腿、餐肉或者芝士。小編作為一個腿蛋治同芝腿治既愛好者，一定係揀火腿as a first try 。暖笠笠、唔洗等、16蚊、又就腳，本身已經無投訴，但佢蛋味好濃，呢點有啲出乎意料，呢份三文治應該會成為我早餐精選😂😂Ham and Egg Sandwich ($16)Some of the Arome Bakery stores provide egg sandwiches for breakfast. You can choose 1 of the 3 toppings from ham, spam and cheese to be served with the egg sandwich. As a ham and egg / cheese sandwich lover, ham is my go-to topping. It was served warm, plus I didn’t need to queue and wait, plus it costs only

朋友之前食過推介給我的芝士蛋糕， 我又買番一個來食下先。 限定日子$90/2個的深旨‧芝士蛋糕， 今次我先試一個原味$55， 如果好吃下次先買朱古力雲石味。 首先返到屋企立即放番入雪櫃， 代晚上做甜品。打開橙色的盒子就見到芝士蛋糕， 外貌不算精緻， 面層深焦顏色， 品嚐第一啖的時候 口感香濃軟滑， 綿滑的質感，又香又濃的芝士味， 非常滋味， 令人一試難忘，芝士控一定要試下。東海堂地址: 觀塘觀塘道388號創紀之城一期地下2A號舖

最近東海堂出左一個新的奶茶蛋糕，於是今日趁同事生日，就成班買來試下。有同事有hsbc信用卡，所以有85折，折左之後$205左右。個蛋糕食落都唔錯的，但係個奶茶味唔算好出，餅底用的係海綿蛋糕質地的，唔算好特別，中間有一層啫喱，面就有一啲脆脆，基本上都係宜家香港最流行的蛋糕用料組合。如果分開食的話，個蛋糕真係完全唔特別，稱得上極之普通，不過你夾埋一齊食的話，個味道就會好食啲，但你問我的話，以東海堂的質素，這個蛋糕的確有啲令人失望。

同事係一個盡忠職守嘅精靈訓練員，到依家都係行到邊玩到邊，適逢佢生日梗係買個比卡超蛋糕俾佢啦！個比卡超蛋糕個樣又得意又係佢最鍾意食嘅芒果味，簡直係perfect match!個蛋糕啲芒果味好食中唔太甜，可惜份量唔係太多，但我哋咁啱八個話自己減肥嘅人食就啱晒

今天有同事要離開公司了，所以買了些散水餅請我們吃。款式很好好漂亮呀😃我選了草莓撻。草莓紅紅的多吸引呀😍濃濃的草莓香味不斷撲鼻而來，真係好香😌草莓上有草莓味道的慕絲，慕絲上灑了像是開心果碎，先吃口草莓，不算是很甜，也不酸，可能不是時令水果吧～中間還有忌廉被草莓包圍著，餅底不是脆口的，我想因為從冷藏櫃拿出來，一冷一熱沾了濕氣了，但是味道還可以了。

又有同事生日, 今次同事們即場去舖頭買蛋糕, 大部份都係士多啤梨款, 還有一款粟子, 北海道牛乳蛋糕, 呢款係新產品叫戀 . 純愛, 賣點係話用咗口感好鬆軟既蛋白蛋糕, 夾心用咗雲呢拿慕絲, 奶凍同埋焦糖醬, 結果同事見係新產品, 就決定買嚟試, 講真賣相真人一般, 唔睇蛋糕簡介以為外層係麵包粒砌成, 面層有啲白朱古力薄片再加少少銀箔, 切蛋糕時外層啲麵包粒(產品說明係話蛋白蛋糕粒)一路切一路跌出嚟, 蛋糕正中間既焦糖醬完全係又少又唔覺有焦糖醬味, 外圍既粒粒完全唔似係蛋糕既粒, 係有啲乾咗少少又硬又鞋既麵包粒一樣, 蛋糕夾住啲雲呢拿慕絲好CREAM, 好似奶油一樣, 唯獨啲奶凍正常少少, 全個蛋糕簡直係中伏了..... 唔知邊位人兄諗出嚟既呢款蛋糕, 真係好嚇人

媽媽happy birthday ❤❤今日食左個媽媽最愛嘅栗子cake🍰細細個蛋糕啱晒我地3個細細食😋😋頂上個粒栗子甜甜的，仲有塊金薄仔係到，夠晒grand ✨✨啲栗子cream 夠好creamy, 但係略嫌佢太過甜啦～仲有入要嘅海綿蛋糕量唔夠多，太多cream啦👎🏽👎🏽不過咁嘅價錢黎講，算係咁啦！

每次有同事生日都會精心挑選一款蛋糕一齊慶祝, 今次揀選咗東海堂新出既抹茶款蛋糕, 廣告相同實物大致上都一樣, 唯獨角落位既金薄片, 真係少得可憐, 6個人食啱啱好, 切餅時一人一個長方形, 面層係CREAM狀抹茶, 感覺好滑但質地好油咁, 當然味道係唔差既, 中層蛋糕夾著抹茶同少許芝麻粒, 芝麻又香又脆, 中底層再有抹茶慕絲, 感覺成個蛋糕都好有層次感, 真係幾好食, 同之前出過既抹茶款蛋糕好唔同, 呢款蛋糕比較硬身, 並唔係海綿蛋款質地, 亦唔會好膩, 會有想再食多次既意慾而家呢款蛋糕匯豐咭做緊折, 埋單$205.5

聽同事講東海堂早餐幾好飲，今日經過開就可以買了。有唔同款式的三文治， 例如芝士蛋，蕃茄蛋同我買的餐蛋咁，連熱奶茶買就$22。炒蛋都算滑，但在同區有其他更滑更鬆軟的。 麵包軟身，但在同區有其他更滑更鬆軟的,更厚身。 麵包軟身不乾，餐肉薄切，安慰自己的説食少啲無咁肥。 而説好的奶茶，並沒有特别好味，茶底有啲澀同過濃既情況，無出境嗰種香滑的情境。包只屬一般，奶茶都唔得，Don't have a good breakfast to start a new day~令我感到不自在呢！

今日好多野做，做到last minute先走,趕住去上堂，可能開會有啲唔開心，所以到放工都想食啲甜野。去到東海堂真係花多眼亂，想食草苺卷，Tiramisu定係？名譽。沖繩黑繩黑糖栗子切餅個面有軟綿綿，細滑的栗子蓉，薄薄的cream,香軟蛋糕，互相間住層層疊，而中間有一層有黑糖啫喱糕，簡直多重口感！蛋糕係好味，可惜我只能一路行一路食，不能細味！ 下次要encore先得！今日好多野做，做到last minute先走,趕住去上堂，可能開會有啲唔開心，所以到放工都想食啲甜野。去到東海堂真係花多眼亂，想食草苺卷，Tiramisu定係？名譽。沖繩黑繩黑糖栗子切餅個面有軟綿綿，細滑的栗子蓉，薄薄的cream,香軟蛋糕，互相間住層層疊，而中間有一層有黑糖啫喱糕，簡直多重口感！蛋糕係好味，可惜我只能一路行一路食，不能細味！ 下次要encore先得！

明天便是情人節，今天當然要買一個情人節蛋糕來吃，其實很早便看見這個士多啤梨蛋糕十分漂亮，當然要訂一個回家吃。蛋糕外形方面，蛋糕上有4粒大大粒的草莓，草莓顏色很鮮紅，好像十分新鮮十分甜。草莓旁邊有很多cream點綴，十分漂亮！味道方面，雖然這個蛋糕的賣點是士多啤梨，不過士多啤梨完全不甜，又不酸，反而有小小咸……總知，士多啤梨味道一般，真的有點失望。不過，蛋糕十分軟熟，入口即溶，十分美味。而且雖然這個蛋糕十分多cream，不過完全不會太甜太（流），而且cream和蛋糕一起吃時十分美味，very good！價錢方面，這個蛋糕原價$218，恆生信用卡有88折，折完後$191.9。由於蛋糕只是半磅左右，所以這個價錢比較貴。總結來說，這個蛋糕十分漂亮，而且味道不錯，是情人節蛋糕的好選擇！

今朝買完星x 克行過東海堂覺得有d 肚餓入去睇， 睇見牛奶炒蛋腿治好似好好食甘，即刻買反公司食。。。買的時候已經係暖暖地， 羅到反公司已經凍曬，雖然三分鐘路程，打開食d 飽飽已經比d 倒汗水攪到濕曬， d 蛋蛋炒到好熟，火腿都係熟熟熟。。。個味道其實都ok,但收我十四蚊。。。下次唔會買。。。

又到栗子當做的冬季 , 小妹已下定決心, 要吃偏城中熱賣的的栗子塔。頭炮先評這款東海堂一年四季都有供應的出品, 而且自己一向是其粉絲。此栗子撻的形如其名Mont blanc, 做到成坐山咁樣, 小妹稱它為七層塔。栗子蓉佔比例相當多, 非常足料, 不過栗蓉欠幼滑, 香味不是太出, 聽講它用上丹波栗子的。以栗子蓉的比較有七至八成, 栗子迷會覺得超爽, 麻麻地栗子既朋友就咪意圖挑機, 吃到一半一定放棄 。內涵好簡單以小量海棉蛋糕和忌廉, 底部是搽了一層朱古力醬的牛油餅底,整個撻甜度較低, 小妹覺得栗子蓉可以甜小小。其實咪理佢正宗與否, 反正若正宗亦不代表大家岩食, 總之自己喜歡就可以。整體表現出色, 價錢亦是基層級, 我會給它八分 (十分滿分)

上兩星期上朋友屋企玩，諗唔到買什麼東西上去，經過東海堂見到就買在個日本蜜瓜蛋糕上去可以同朋友一起share share。大家見到都話覺得幾靚，一直想試的。切開都係慣常有幾層的，我無食外殼的，而內裏有幾多的cream, 蜜瓜味一點都唔重，但都幾香的，不是很假嗰啲蜜瓜味，如果有小量粒粒蜜瓜肉就更好！一個mini蛋糕對於剛食完飯的我們食，一人一小件剛剛好。