東泰餐廳 (已結業)

服務態度真的超差，比招呼遊客的離島餐廳更差，服務員沒有耐性沒有記性但就很有脾氣很有性格。餐湯基本上是味精湯，非常咸而且沒有其他味道。咖哩雞飯，味精味味全染蓋其它的味道，很咸。牛肉窩蛋煲仔飯，飯硬如石頭，牛肉老如象肉，蛋粗如鉄蛋，不值得。蒜汁薄牛扒飯，很咸，難食。

黎到筲箕灣,周圍都冇咩食咁趕時間既關係,求其搵間正正常常就入左呢間由於馬會係隔離既關係呢間野都好多阿叔阿伯許度打鄧午市時間已過,所以都唔使點等位見到餐牌得唔記得特餐定快餐得麻婆豆腐飯同洋蔥汁雞扒火腿飯/意粉兩個選擇$40, 包中湯/西湯中湯: 清補涼豬骨湯西湯: 牛尾湯個阿姐都好趕下第一次黎唔知有埋野飲,吹我快D揀食物都一般般,D汁都唔錯既雞扒都唔錯,飯就麻麻地D湯就幾咸,應該加幾多味精地方都比較舊,衛生都一般,張登有D飯許度都係普通舊式既茶餐廳$40黎講真係貴不過包湯包餐飲都算係咁

開頭見到呢間所謂餐廳有煲仔飯食，D爐仲放晒係門口，有個男人係度睇爐，好像好「pro」咁之後一入到去坐，係無人serve 你到叫野食果陣，個waiter d 語氣真係差到無人有，咬字唔清楚都算啦，叫佢重複，佢仲要「嘖」我地，極度不滿咁ge樣叫左個煲仔飯，D飯好像BB 食果D 「mom mom」咁，d 飯又無蠟味味，完全係你係飯上面蒸熟條蠟腸的味道同素質，唔值$53 lor。送果個湯簡直就係成碗油就算呢個世界得番呢間餐廳，我都唔會再來 ~

話說受完果間不知所謂"生煎包點心專門店"o既氣,一直行就黎左呢間食喇!!!以前有食過下午茶,第一次係度食晚飯!!!兩個朋友叫是日晚餐---中湯+咖哩角+雞扒午餐肉飯炒底+檸茶=$44我叫左鐵板薄牛扒拼鴨胸+吞拿魚忌廉湯+熱啡=$44吞拿魚忌廉湯古古怪怪咁,吞拿魚鞋霎霎,薄牛扒十級鹹,好似唔使錢買鹽咁狂落???我選左蒜茸汁,都幾鹹!!!牛扒本身已鹹到死我仲邊使點呢個鹹蒜茸汁???鐵板上有幾條薯條,搵支叉輕力一壓咇左一大篤油出黎!!!變左一攤肥油鐵板!!!咖啡酸酸咁一飲就知係極廉價貨!!!朋友們食個蒜茸汁都話好鹹!!!檸茶好苦好難飲!!!佢地飲兩啖就頂唔住放棄左杯野!!!價錢絕對唔係平,早知是但求其食碗雲吞'麪好過!!!後悔!!!

其實呢間餐廳幫親左成10年，以前d野食同埋$都合理同ok，d人好nice，同埋勁傾得埋!，但係近年唔知係咪個經濟唔好，d價錢貴左好多，所以少左黎食。而家有時叫外賣都會叫「佢」每逢冬季來臨，佢地出既煲仔飯勁好食，尤其是鐘意牛肉+窩蛋呢個配搭。佢個鐵板餐d輝都幾足夠，d肉質夠適中，唔會太硬/太軟。但係個衛生環境就唔係太好，有時落雨d積水搞到成間野唔衛生，食都食得唔自在，同埋toliet勁。

例湯千奇唔好飲,遲d話你知送菜好多油, 炒反重味精

今日同男友經過東泰, 其實都幾肚餓, 見冇乜人, 又冇人smoking, 就入去! 叫餸食反, 例湯好咸, 見全部係骨頭(只係骨)似出土人骨塊, 恐佈!!! D 餸 也唔好, 一d 冇乜味, 一d 又太重味, 一樣多油!其實而家都幾好環境, 因以前好多人食煙, 街坊出黎食飯, 最緊要係d 餸好食, 其它不用題了!

以前成日幫親, 當飯堂, 秋冬煲仔反好食, 但近一年質素差多了, 炒菜成碟油, 夜晚奶茶冇茶味, 用理d 茶水尾就算!以前有四眼仔收$$, 都叫做有d 禮貌!

上個禮拜至同bf食完,我食什扒餐,蒜茸汁超咸,飲水飲到暈！bf食焗朱扒飯,嗰底燶到一躂躂,埋單都成七十幾蚊,唔怪得星期五晚八點幾會水靜河飛！

唔係掛~果間野睇落就好得意o既~好似好好環境整到好靚咁...o的野咪又係咁~鐘意食o的"健康"野呀咪o岩食lor~

我就話極之普通!!!係筲箕灣而家最掂嘅茶餐廳係- 青草地信不信由你!!

竟然咁耐都無人評過呢間茶餐廳~ 呢間茶餐廳響筲箕灣呢一頭算係好野o黎o家~ 雖然食o既野都係一般茶餐廳野, 又唔係話有咩好特別, 但good就good 在好味道呀~ 唔係間間茶餐廳o的野都可以整到好好食! 本人推介佢地o既咖哩食物, 有咖哩雞呀, 咖哩石斑呀等等... 仲有就係西多士, 麵包中間仲夾住腸仔片o家~　仲有奶茶，好香好香~遲下再凍少少佢地仲有煲仔飯添．yeah ～